მარტოობის შეგრძნებით ტანჯვა და ცუდი განწყობა - სად ვეძებოთ მიზეზი
უძილობა დეპრესიას იწვევს. გვიან ღამე დაწოლა და უძილობა ფსიქიკურ დარღვევებს აძლევს დასაბამს.
ამ საკითხზე შოტლანდიელმა მეცნიერებმა საინტერესო კვლევა ჩაატარეს. გააანალიზეს 37-დან 73 წლამდე ასაკის 90 ათასზე მეტი ბრიტანელის სამედიცინო მონაცემები და კვლევების შედეგები.
აღმოჩნდა, რომ ცირკადული რიტმის უმნიშვნელო დარღვევაც კი, რომელიც გამოწვეულია ღამის პერიოდში მომატებული აქტივობით, ფსიქიკურ დარღვევათა აღმოცენებას განაპირობებს. ღამის აქტიური ცხოვრებით დაკავებულთა უმრავლესობას ბიპოლარული დარღვევების რისკი 11 %-ით ჰქონდა გაზრდილი, დეპრესიისა კი - 6 %-ით. გარდა ამისა, ღამით ღვიძილის მოყვარულებს მარტოობის შეგრძნება ტანჯავდათ და ცუდ განწყობას უჩიოდნენ.
თინათინ გოცაძე