მთავარი შეცდომები, რომლებიც კლავს სიყვარულს - მკურნალი.გე

ლალი ჩხიკვაძე

რომ პარტნიორები, ქვეცნობიერად, უშვებენ ქცევით და გონებრივ შეცდომებს, რომლებიც თანდათან ანადგურებს ნდობისა და ახლო ურთიერთობის საფუძვლებს. როგორ ამოვიცნოთ ისინი და როგორ გამოვასწოროთ?

ტოქსიკური აზროვნების იგნორირება ჰგავს ბომბის გვერდით ცხოვრებას. გაცნობიერებითა და ძალისხმევით შეგიძლიათ შეაჩეროთ ის, სანამ გვიან არ არის. ოჯახის თერაპევტი ჯეფრი ბერნშტეინი საუბრობს ამ საბედისწერო შეცდომებზე და იმაზე, თუ როგორ შეგიძლიათ სიტუაციის გამოსწორება.

• უსაფუძვლო ბრალდებები: პარტნიორის მტრად გადაქცევა

როდესაც რაღაც არასწორად ხდება, იქნება ეს დავიწყებული ღირშესანიშნავი თარიღი თუ დაძაბული ფინანსური მდგომარეობა, თქვენ სწრაფად ადანაშაულებთ ერთმანეთს. ეს იწვევს არა პრობლემის გადაჭრას, არამედ ორმხრივ წყენას.

როგორ გამოვასწოროთ

გადადით ბრალდებიდან თანამშრომლობაზე. იმის ნაცვლად, რომ „არასდროს არაფერს გეგმავ“, სცადეთ თქვათ: „მენატრება ყველა ის სახალისო რამ, რასაც ადრე ერთად ვაკეთებდით - შეგვიძლია რამე დავგეგმოთ ამ შაბათ-კვირისთვის? ეს ხელს უწყობს პარტნიორს იმუშაოს არა თავდაცვით პოზიციაში, არამედ გუნდურად.

• ემოციური გათიშვა: დუმილი გახსნილობის ნაცვლად

პარტნიორებს ხშირად ურჩევნიათ გაჩუმდნენ ოჯახში სიმშვიდისა და იდილიის შენარჩუნების მიზნით, არ გაიზიარონ თავიანთი ემოციები და გამოცდილება, რათა არ გაანაწყენონ თავიანთი მეორე ნახევარი. მაგრამ სინამდვილეში, ასეთი ემოციური გათიშვა ჰგავს ფულის გამოტანას ერთობლივი საბანკო ანგარიშიდან - საბოლოოდ, თქვენი ინტიმური ურთიერთობის ვალუტა უბრალოდ ამოიწურება.

როგორ გამოვასწოროთ

ზოგჯერ მოახდინეთ საკუთარი სისუსტისა და დაუცველობის დემონსტრირება. ეს შესაძლებელია მოხდეს პარტნიორთან ჩივილით დაღლილობის, პრობლემების, მძიმე სამუშაო დღის შესახებ. მიმართეთ მას დახმარებისთვის, ამით თქვენ ააშენებთ ხიდს თქვენს შორის და არა ცარიელ კედელს.

• ტოქსიკური ვარაუდები: გჯერათ, რომ შეგიძლიათ პარტნიორის აზრების წაკითხვა

შეიძლება ჩანდეს, რომ ეს პატარა შეცდომაა, მაგრამ სინამდვილეში საბედისწერო შეცდომაა ურთიერთობისთვის, რომ იცი რას ფიქრობს ან გრძნობს შენი პარტნიორი.

ასეთი ქედმაღლობა ძალიან ტოქსიკურია, ის ხშირად იწვევს რეალობის დამახინჯებას, წყენას, გაღიზიანებას და ძირს უთხრის ნდობას ურთიერთობებში.

მაგალითად, თქვენ გადაწყვიტეთ, რომ თქვენი პარტნიორი არ არის დაინტერესებული ურთიერთობით, რადგან დღის განმავლობაში არ მოგწერა. და მან, ფაქტობრივად, შეგნებულად გადაწყვიტა შესვენება, რადგან წინა დღით დაიჩივლეთ, რომ დაიღალეთ კომუნიკაციით. არცერთს არაფერი უკითხავს მეორესთვის და ორივემ თავი შეურაცხყოფილად იგრძნო.

როგორ გამოვასწოროთ

იმის ნაცვლად, რომ სხვის მაგივრად იფიქროთ, უბრალოდ იყავით ცნობისმოყვარე. მაგალითად, პირდაპირ ჰკითხეთ თქვენს პარტნიორს: „შევამჩნიე, რომ ამ ბოლო დროს არ გამოდიხარ კავშირზე - რა ხდება? ამ მარტივ კითხვას შეუძლია გაუგებრობების თავიდან აცილება და სიტუაციის გარკვევა.

• ქულების თვლა: სიყვარულის თამაშად „ვინ გაიმარჯვებს“ განხილვა

როცა მუდმივად გონებრივად აწარმოებ ანგარიშის თვლას, რომელმა თქვენგანმა რა გააკეთა - ვინ დაასუფთავა სამზარეულო, ვინ წავიდა მაღაზიაში, ვინ გადაყარა ნაგავი, ვინ იყო ინტიმური ურთიერთობის ინიციატორი, ჩვენ არ ვსაუბრობთ რაიმე სახის ჩვეულებრივი პირობითი სამართლიანობის დაცვაზე, ეს მხოლოდ გაუთავებელ წყენას და უკმაყოფილებას ამკვიდრებს. სიყვარული არ არის შეჯიბრი, მეტოქეობა, ბრძოლა, თამაში ნულოვანი ჯამით, სადაც ერთი იგებს და მეორე აგებს.

როგორ გამოვასწოროთ

ფოკუსირება საერთო მიზნებზე და არა ინდივიდუალურ წვლილებზე. იმის ნაცვლად, რომ თქვათ: „მე ყოველთვის მეტს ვაკეთებ“, სცადეთ: „როგორ შეგვიძლია უკეთესად გავუზიაროთ პასუხისმგებლობა ისე, რომ ორივემ ვიგრძნოთ მხარდაჭერა?