ფსიქოლოგია

როგორია ნარცისებისა და ფსიქოპათების მიერ გამოყენებული ტაქტიკა

14.09.2023

ბევრი ითქვა ნარცისებისა და ფსიქოპათების სხვებზე გავლენის შესახებ. მიუხედავად ამისა, პოლონელმა მეცნიერებმა შეძლეს მანიპულირების კიდევ ერთი გავრცელებული მეთოდის პოვნა.

ასეთ ადამიანებს მოსწონთ სხვებით მანიპულირება, იკატუნებენ რა თავს მოწყვლადად და მეტად მგრძნობიარედ. ეს დასკვნა გააკეთეს სილეზიის (პოლონეთი) უნივერსიტეტის ფსიქოლოგებმა, რომელთა სტატია გამოქვეყნდა ჟურნალში Psychological Reports.

ტერმინი „უაღრესად მგრძნობიარე ადამიანები“ ძალიან პოპულარული გახდა ბოლო ორი ათწლეულის განმავლობაში. საუბარია ნერვული სისტემის თავისებურებებზე, რის გამოც ადამიანი განსაკუთრებით მგრძნობიარეა როგორც გარეგანი, ისე შინაგანი სტიმულის მიმართ. ასეთი ადამიანები ძნელად იტანენ ხმამაღალ ხმებს, ხმაურს, კაშკაშა განათებას, ხალხში ყოფნას, მძაფრ სუნს, შეხებას, ფიზიკურ დისკომფორტს, მკვეთრად რეაგირებენ მოულოდნელ მოვლენებზე, როგორც ცუდზე, ასევე კარგზე. ეს ყველაფერი მათ ზედმეტად ინტენსიურად ეჩვენებათ, სწრაფად იღლებიან, განიცდიან სენსორულ გადატვირთვას, ხშირად სჭირდებათ განმარტოება და მშვიდი დასვენება.

ინტერნეტში ბევრი ონლაინ ფორუმია იმ ადამიანებისთვის, რომლებიც თავს ძალიან მგრძნობიარედ თვლიან. იქ ისინი აქტიურად უჩივიან სხვების გაუგებრობას. მკვლევარებმა გადაწყვიტეს გაერკვიათ, გამოიყენებენ თუ არა ამას მანიპულირების საშუალებად ის ადამიანები, რომელთაც აღენიშნებათ ნარცისიზმი, ფსიქოპათია და მაკიაველიზმი.

პიროვნების ყველა ამ ტიპს ახასიათებს ცინიზმი, ტყუილი, დაქვეითებული თანაგრძნობა და სხვა ადამიანებით მანიპულირების ტენდენცია.

ეს ჰიპოთეზა სწორი აღმოჩნდა. მკვლევარებმა 18-დან 67 წლამდე 200-ზე მეტ ადამიანის ონლაინ გამოკითხვა ჩაატარეს, რომელთა უმეტესობა ქალი იყო. მონაწილეებმა არ იცოდნენ გამოკითხვის ნამდვილი მიზანი. მათ უპასუხეს მრავალ განსხვავებულ კითხვას და გაიარეს ფსიქოლოგიური ტესტები. სხვა საკითხებთან ერთად, მათ ჰკითხეს, თვლიან თუ არა თავს ძალიან მგრძნობიარე პიროვნებებად, თუ ასეა, ეუბნებიან თუ არა ამის შესახებ სხვებს, ითხოვენ თუ არა დახმარებას და საჭიროებენ თუ არა განსაკუთრებულ მოპყრობას. მონაწილეებმა ასევე გაიარეს ტესტირება გაზრდილი ნეირო-ემოციური მგრძნობელობისა და „ბნელი ტრიადის“ თვისებებზე.

შეკითხვა ექიმს

<p>გამარჯობა ვარ 24წლის 6წელი შეყვარებული მყავდა 4თვისწინ ვიჩხუბეთ ჩემი უყურადღებობის გამო არვიცი რა მჭირდა სულ თვითონ მოდიოდა შესარიგებლად ძალიან ვუყვარდი ზედმეტად ყურადღებიანიც იყო(გოგო) ვეუბნებოდი რომ იგონებდა და არიყო საჭირო ამდენი ყურადღება მთავარი მიყვარხარ მეთქი ვეუბნებოდი და ვენდობოდი მეგონა სულ შემირიგდებოდა თავისით.ჩზუბიდან 20დღე არვაქცევდი ყურადღებას როცა ცუდად იყო მე კარგად ვგრძნობდი მაშინ თავს მაგრამ 20დღის შემდეგ როცა მივხვდი რომ რაღაც მაკლია უკვე მე თვითონ დავიწყე შერიგებისკენ ნაბიჯის გადადგმა თავიდან მეუბნებოდა რომ ვუყვარდი და უბრალოდ ეშინოდა ისევ გულს ვატკენდი თან მიშვებდა და თან ვერა შემდეგ დავიწყე ყურადღების გამოჩენა ხშირი მოკითხა საჩუქრები მაგრამ აგრესიას ვიღებდი მისგან უკვე მეუბნებოდა ტომ თავის დროზე უნდა გამომეჩინა ამდენი ყურადღება და არა ახლა როცა აღარ ვუყვარვარ.როცა მითხრა რომ აღარ ვუყვარვარ დავნებდი მეც 2თვე თითქმის ვაცადე თვითონ მომწერა როგორხარ გავიგე ავად ხარო შემდეგ ჩემ სოციალურ ქსელზეც იყო გადმოსული ფოტოები ნახა და მეგონა უნდოდა შერიგება,მივედი თავიდან და ავუხსენი ყველაფერი რომ მინდოდა შერიგება და მიყვარს ისევ მაგრამ მისგან უარი მივიღე მითხრა რომ პირველივე დღესვე უნდა მივსულიყავი როცა ვიჩხუბეთ და არა 1თვის მერე და ახლა აღარ ვუყვარვარ მაგრამ ეჭვი შემეპარა მაინც მის ნათქვამში . ამ საუბრის მერე წავიდა და გავიგე რომ უტირია ამ ყველაფრის გამო.მაინტერესებს შესაძლებელია 6წლიანი ურთიერთობის შემდეგ როცა გოგო ბიჭის ცოლობაზე ოცნებობს 4თვეში ეს ბიჭი გადაიყვაროს? ან რის გამო მომიკითხა თუ აღარ ვუყვარვარ ან საერთოდ რატომ იტირა ამ საუბრის შემდეგ თუ აღარ ვუყვარვარ(.ჩემგან ესეთი უყურადღებობები ხშირი იყო ბოლო 1წლის მანძილზე)</p>

აღმოჩნდა, რომ ნარცისებს და ფსიქოპათებს ძალიან მოსწონთ საუბარი მათი გონებრივი ორგანიზაციის დახვეწილობაზე, უჩივიან მათ წარმოუდგენელ მგრძნობელობასა და დაუცველობას, სხვების უხეშობასა და გაუგებრობას, სინამდვილეში კი მათ აქვთ ძალიან ძლიერი ნერვული სისტემა. ასეთი მანიპულაციური ტაქტიკა საშუალებას აძლევს ამ ეგოცენტრულ და უგულო ადამიანებს, რომლებიც თავს სუსტად და დაუცველად წარმოაჩენენ, საკუთარი თავისთვის სხვადასხვა უპირატესობების მოპოვებას, აღნიშნავენ მკვლევარები.

ლალი ჩხიკვაძე
ამ ავტორის სხვა სტატიები

ტეგები:

ნარცისიზი

ფსიქოლოგია

კომენტარები (0)


/* (c)AdOcean 2003-2021, Advertline.https:mkurnali.ge.mkurnali zones.________ _____ 2 */
ado.slave('adoceanadvertlinegexcihqsorul', {myMaster: 'gC_g7BxQlx9UWDeCK7yaEdkgIoxg2l6o6JUmNs2rvgn.i7' });