“მენტალური სელფი“ ასახავს, თუ როგორ ვხედავთ საკუთარ თავს
მეცნიერებმა შეისწავლეს რამდენად განსხვავდება ეს შინაგანი გამოსახულება იმისაგან რასაც გარშემომყოფები ხედავენ და გამოავლინეს როგორ მოქმედებს ჩვენი წარმოდგენები საკუთარ პიროვნებასა და თვითშეფასებაზე.
„მენტალური სელფი“-ის შესაქმნელად ფსიქოლოგები იყენებდნენ კომპიუტერულ ტექნოლოგიას: კვლევის მონაწილეებს მონიტორის ეკრანზე აჩვენებდნენ სახის ორ შემთხვევით გამოსახულებას, რომელიც ყველაზე მეტად ჰგავდა საკუთარ სახეს. თითოეული მონაწილესთვის ეს პროცესი მეორდებოდა რამდენიმე ასეულჯერ.
ყველა შერჩეული გამოსახულების საფუძველზე კომპიუტერმა მოახდინა ერთგვარი საშუალო ავტოპორტრეტის კონსტრუქცია, რომელიც ასახავდა თუ როგორ ხედავდა ადამიანი საკუთარ თავს.
/* (c)AdOcean 2003-2021, Advertline.https:mkurnali.ge.mkurnali zones.________ _____ */
ado.slave('adoceanadvertlinegelpmmhkfobb', {myMaster: 'gC_g7BxQlx9UWDeCK7yaEdkgIoxg2l6o6JUmNs2rvgn.i7' });
აღმოჩნდა, რომ ეს გამოსახულება ხშირად შორსაა რეალურობისგან, რადგანაც საკუთარ შეხედულებაზე წარმოდგენა მნიშვნელოვან გავლენას ახდენს ხასიათზე. მაგალითად, თუ ადამიანი დარწმუნებულია, რომ ის ექსტრავერტია, მისი მენტალური ავტოპორტრეტი მეტ თავდაჯერებულობას, გახსნილობას და კეთილგანწყობას გამოხატავს, ვიდრე გარშემომყოფები რეალურ ცხოვრებაში ხედავენ მის სახეზე. ამასთან რაც უფრო მაღალი აქვს ადამიანს თვითშეფასება და საკუთარი ღირსების შეგრძნება, მით მეტადაა ის საკუთარ თავსა და წარმატებაში დარწმუნებული, მით მეტად შეესაბამება სინამდვილეს მისი წარმოდგენა საკუთარ გარეგნობაზე.
მკვლევარებმა ჩაატარეს მეორე ექსპერიმენტი, გამოიყენეს იგივე მეთოდი საკუთარი სხეულის „მენტალური აღქმის“ ვიზუალიზაციისთვის. გამოირკვა, რომ ადამიანები ხშირად საკუთარ სხეულს სრულიად სხვაგვარად აღიქვამენ ვიდრე სინამდვილეშია.
მეცნიერები ფიქრობენ, რომ ეს ტექნოლოგია ექიმებს საშუალებას მისცემს სხეულის აღქმის დარღვევების მქონე პაციენტების მკურნალობის ეფექტურობის შესაფასებლად. ამჟამად მკურნალობის ეფექტურობის შესაფასებლად გამოიყენება კითხვარი, მაგრამ მენტალური „სელფი“ ნათლად აჩვენებს როგორ შეიცვალა პაციენტის გარეგნობის აღქმა.
