ექიმები სტრესის დროს ვარჯიშს არ გვირჩევენ
გაბრაზებულ ან „ცხელ“ გულზე ვარჯიში შეტევის რისკს სამჯერ ზრდის. ამასთან, ეს პრობლემები ვარჯიშიდან ერთი საათის განმავლობაში შეიძლება გამოვლინდეს. თავისთავად მძიმე ფიზიკურ დატვირთვას და სტრესს შეუძლია გულის შეტევის პროვოცირება.
ექსპერტების რჩევით, ემოციური დისტრესის ფონზე, ფიზიკურ დატვირთვასთან დაკავშირებით ექსპერიმენტებს სჯობს მოვერიდოთ და ჩვეულებრივ რუტინას, ზომიერ დატვირთვებს მივდიოთ, რადგანაც ფიზიკურმა ვარჯიშმა და სტრესმა შეიძლება გამოიწვიოს წნევის ციფრებისა და გულის ცემის სიხშირის ზრდა. ვისაც სისხლძარღვებთან დაკავშირებული პრობლემები აღენიშნება (მაგალითისთვის, სისხლძარღვების შევიწროება ან მათ კედლებზე ქოლესტერინის ნადები), ვარჯიშისას მათში გულის შეტევის რისკი ძალიან მატულობს.
ლალი ჩხიკვაძე