ფსიქიატრები ინტერნეტს ნარკოტიკებთან აიგივებენ
ნარკოტიკული ინტერნეტ-დამოკიდებულების სიმპტომებია ქსელში დიდხანს "მოგზაურობა", სამუშაოსა და ოჯახისადმი გულგრილობა, საზოგადოებრივი ცხოვრებისა და სწავლისადმი ინტერესის დაკარგვა. ამას ემატება უმადობა (ზოგჯერ პირიქით, მგლის მადა), თავის ტკივილი, სხვადასხვა სომატური პათოლოგია, ცალკეულ ორგანოთა და მათი სისტემების ფუნქციური მოშლა.
მოკლედ, თაობები სერიოზული საფრთხის წინაშე დგანან, რადგან ინტერნეტ-დამოკიდებულების სინდრომი უკვე სოციალურ პრობლემად იქცა.
მოსაზრებების გასამყარებლად მკვლევარებმა ინტერნეტ-გამოკითხვა ჩაატარეს. აღმოჩნდა, რომ მომხმარებელთა 49 % ქსელში "თავიდან ფეხებამდეა" ჩაფლული, 31 % "რისკის ჯგუფად" მოინათლა, რესპონდენტთა დანარჩენი ნაწილი კი კომუნიკაციის ამ საშუალებით მაინც და მაინც არ ყოფილა აღფრთოვანებული. ესპანელ ფსიქიატრებს მიაჩნიათ, რომ ეს სტატისტიკა შემაშფოთებელია.
თინათინ გოცაძე