ფსიქოზები შესაძლოა იმუნოთერაპიით დამარცხდეს
ბრძოლაში ეფექტური იქნება. მათ იმუნოთერაპიის მეთოდის ეფექტურობა ფსიქოზის გამოხატული ფორმის მქონე პაციენტებთან საფუძვლიანად შეისწავლეს. გამოყენებული მეთოდის შედეგად პაციენტთა მდგომარეობა მნიშვნელოვნად გაუმჯობესდა.
კვლევები ამ კუთხით ჯერ კიდევ გრძელდება, თუმცა, ამ ეტაპზე მეცნიერები საინტერესო სტატისტიკურ მონაცემებზე დაყრდნობით აცხადებენ, რომ ფსიქიზოთ დაავადებული ყოველი 11 ადამიანიდან ერთს მაინც იმუნური პათოლოგია აღენიშნება.
სხვადასხვა ფსიქიკური დარღვევის მქონე 228 პაციენტის სისხლის ანალიზის შესწავლამ აჩვენა, რომ დაავადებულთა 9 %-ს მომატებული აქვს ნეირონებთან დაკავშირებული ანტისხეულების ტიტრი. მეცნიერებმა ასევე საფუძვლიანად შეისწავლეს და შეაფასეს აღნიშნული ანტისხეულების გავლენა ტვინის ფუნქციობაზე, ცნობიერების დაბინდვასა და ჰალუცინაციების აღმოცენებაზე.
მიღებულ მონაცემებზე დაყრდნობით ოქსფორდის უნივერისტეტის მკვლევარები ასკვნიან, რომ ანტისხეულების მოცილება ორგანიზმიდან და იმუნური სისტემის რამდენადმე დათრგუნვა ფსიქოზით დაავადებულებთან მნიშვნელოვან შედეგს გამოიღებს. მათ ამ მეთოდით უკვე 9 პაციენტს უმკურნალეს და გასაოცარი შედეგები მიიღეს. მომდევნო ეტაპზე იგეგმება მასშტაბური კვლევა 80 მოხალისის მონაწილეობით.
თინათინ გოცაძე