სტრესის საუკეთესო წამალი ფიზიკური აქტივობაა - პანდემიის ზეგავლენა ადამიანის ფსიქოლოგიურ მდგომარეობაზე - მკურნალი.გე

რუბრიკები

ოჯახის მკურნალის ანონსი

კითხვა-პასუხი

სტრესის საუკეთესო წამალი ფიზიკური აქტივობაა - პანდემიის ზეგავლენა ადამიანის ფსიქოლოგიურ მდგომარეობაზე

სტრესის საუკეთესო წამალი ფიზიკური აქტივობაა - პანდემიის ზეგავლენა ადამიანის ფსიქოლოგიურ მდგომარეობაზე
გვესაუბრება ფსიქოლოგი ზაზა ვარდიაშვილი
როგორ აისახა იზოლაცია ადამიანთა ფსიქოლოგიურ მდგომარეობაზე?

ადამიანები ვვითარდებოდით, როგორც სოციალური არსებები. ჩვენთვის ძალიან დიდი მნიშვნელობა აქვს სხვა ადამიანებთან კომუნიკაციას, მათი აზრის მოსმენას და აშ.

ყველა სტრესის საუკეთესო წამალი არის ფიზიკური აქტივობა, გარეთ სეირნობა, მზესთან სიახლოვე. მნიშვნელოვანია მაქსიმალურად ნებისმიერი საშუალებით სხვა ადამიანებთან კომუნიკაციაც.

ეს პერიოდი პრაქტიკულად გავიარეთ, ახლა იწყება მეორე ეტაპი.

ძალიან ბევრი ადამიანი ადაპტირდა უკვე იზოლირებულ/შეზღუდულ კონტაქტებში ყოფნასთან, ახლა მნიშვნელოვანი იქნება რეადაპტაცია, ანუ დაბრუნება ძველებურ ყოფასთან, რასთანაც ძალიან ბევრს ექნება სირთულეები, რომელთა გადასალახადაც საჭიროა ფსიქოლოგთან კონსულტაცია.


ზოგს ნაკლებად სტრესულად გადააქვს ეს პერიოდი, ზოგი უფრო სუსტია და უფრო რთულად აღიქვამს, ამაზე რას გვეტყოდით?


არიან ადამიანები, რომლებსაც ერთი სტრესის მიმართ მედეგობა გააჩნიათ. შეიძლება ადამიანმა ათ სტრესს გაუძლო, მაგრამ ერთმა კონკრეტულმა დაგანგრიოს.

გადარჩება არა ძლიერი, არამედ ადაპტირებადი. შეიძლება ადამიანი ძლიერი არ იყოს, თუმცა კარგი
უნარი ჰქონდეს ადაპტირების.

ხშირია ასეთი შემთხვევები, რომ ადამიანები, რომლებიც უფრო აქტიურები, წარმატებულები, ძლიერები არიან, უფრო რთულად ადაპტირდებიან და პირიქით.


რამდენად გაზრდილია ფსიქოლოგიური პრობლემებით მომართვიანობა და ვისზე იმოქმედა ყველაზე მეტად პანდემიამ?


სტრესის კლასიკური განმარტება ასეთია: როდესაც ორგანიზმს უწევს შეცვლილ საარსებო პირობებში ახალი ადაპტაციური მექანიზმების გამომუშავება - ეს არის სტრესი.


პანდემიამ და მისმა შედეგებმა აბსოლუტურად შეცვალა ადამიანების ცხოვრების სტილი. მან ყველა ქვეყნის ყველა სოციალურ ფენაზე მოახდინა ზეგავლენა. მომართვიანობა, რა თქმა უნდა, გახშირდა.


გარდა სტრესული გარემოსი, თავად კორონავირუსსაც ახასიათებს ფსიქოემოციურ სისტემაზე ზეგავლენა, რამაც ასევე თავისი როლი შეასრულა.

ბევრმა ადამიანმა ცხოვრების სტილზე თქვა უარი, მოხდა ჩაკეტვა, მოხდა გარკვეული ჯგუფების დაშორება ერთმანეთთან.

პანდემიამ ყველაზე დიდი ზეგავლენა გარდამავალი ასაკის, ანუ თინეიჯერების ფსიქოლოგიურ მდგომარეობაზე მოახდინა.

მათთვის ცხოვრებისეული პრიორიტეტი სოციალური კონტაქტები და სოციალური ურთიერთობაა, როდესაც ისინი ამ ყველაფრის გარეშე დარჩნენ, ამან მკვეთრი ნეგატიური ზეგავლენა იქონია.

საშუალო სასკოლო ჯგუფიდან მნიშვნელოვანია 9 წლიდან ასაკი, ეს არის ძირითადი შიშის შემოსვლის ასაკი, იწყება სიკვდილის შიში. სწორედ ამ ასაკის ბავშვებზე ძლიერი ზემოქმედება იქონია პანდემიამ.

აღსანიშნავია, დაწყებითი სკოლის ასაკის ბავშვებიც. სკოლას არ აქვს მხოლოდ განათლების ფუნქცია, ეს არის საწყისი სოციალიზაცია, საწყისი სოციალური ურთეირთობები, ერთმანეთთან კონკურენცია, ერთმანეთთან დაახლოება და აშ.

ამასთანავე, მშობლების ფსიქოემოციური მდგომარეობა გართულდა. როდესაც ერთ სივრცეში იკეტებებიან ადამიანები, კონფლიქტებიც ძლიერდება, რაც ბავშვებზეც მოქედებს, განსაკუთრებით სკოლამდელი და ადრეული სასკოლო ასაკის ბავშვებზე.

მშობლების შიშები, დიდი ნეგატიური ინფორმაციები - ეს ყველაფერი, რა თქმა უნდა, ბავშვებზეც აისახება.

რამდნად ხშირია კოვიდის შემდგომ ფსიქოლოგიური დარღვევები?

პოსტსტრესული მდგომარეობები საკმაოდ ნეგატიურად მოქმედებს, რაც იწვევს ძილის დარღვევას, ზოგად რეაქტიულობას, ანუ პატარა მიზეზზეც „აფეთქებას“,კონფლიქტურ დამოკიდებულებას და აშ.

პოსტკოვიდურ პაციენტებში ხშირია მეხსიერების და კონცენტრაციის პრობლემებიც.

გააკეთეთ კომენტარი
კომენტარი არ გაკეთებულა
რეკომენდებული ექიმები
მსგავსი სიახლეები
კორონავირუსული ინფექციის გადატანის შემდეგ პაციენტებს ხშირად აღენიშნებათ ქოშინი.
14-09-2021
ჯანდაცვის მსოფლიო ორგანიზაციის მონაცემებით(WHO), 2019 წლის ბოლოდან 213 მილიონზე მეტი ადამიანი დაინფიცირდა კოვიდ19-ით.
24-08-2021
დიეტოლოგია
დაბერების კვალად, ადამიანის ორგანიზმში საჭმლის მომნელებელი ჯირკვლებისა და ნაწლავების ფუნქცია თანდათანობით ქვეითდება.
აკნეს განვითარებაზე მოქმედებს: გენეტიკურ განწყობა, ჰორმონული ცვლილებები, ბაქტერიების ჭარბი ზრდა,
კატეგორიის სხვა სტატიები
ადამიანის გრძნობებს შორის ყველაზე იდუმალი ერთია, რომელსაც მეექვსე გრძნობას უწოდებენ – ინტუიცია.
ბავშვს ზუსტად იმდენი ინფორმაცია უნდა მიეცეს, რამდენიც სჭირდება ამ ასაკში. მაგალითად, ორი წლის ბავშვის შეკითხვაზე "საიდან გავჩნდი?" - უპასუხეთ მარტივად: "მუცლიდან".
სახლში მუდმივი უწესრიგობა მოქმედებს იქ მცხოვრები ადამიანების ფსიქიკაზე.
ძალიან ხშირად ქალებისგან ფსიქოლოგებს ესმით ჩივილი: „ორი წელია, გათხოვილი ვარ. შვილიც მყავს. ჩემი ქმარი მუშაობს და შინ ძალზე დაღლილი ბრუნდება.
ცნობილია, რომ სტრესის ფონზე ადამიანს შეიძლება შეუმცირდეს თმის რაოდენობა.
იმპლანტებზე საუბრისას, პირველ რიგში, ესთეტიკური მოტივაცია რომ გვახსენდება, გასაკვირი არ არის.
ნებისმიერ ქალს უჭირს იმასთან შეგუება, რომ, ადრე თუ გვიან, მის მომხიბვლელობას ასაკი თავის კვალს დააჩნევს.
კვებას უდიდესი მნიშვნელობა აქვს როგორც სიმსივნის აღმოცენების, ასევე მისი განვითარების პროფილაქტიკაში.
+
გახდი რეკომენდებული ექიმი
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
გახდი რეკომენდებული კლინიკა
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
შეტყობინება წარმატებით გაიგზავნა !
მკურნალის რედაქცია დაგიკავშირდებათ ტექნიკური დეტალების შესათანხმებლად