ქალისა და მამაკაცის მეგობრობა - მკურნალი.გე

რუბრიკები

ოჯახის მკურნალის ანონსი

ივნისი 2020

კითხვა-პასუხი

ქალისა და მამაკაცის მეგობრობა

ქალისა და მამაკაცის მეგობრობა
როდესაც ერთ-ერთი მათგანი აღმოაჩენს მსგავს რამეს, უფრო ხშირად კი ქალები, მათ იპყრობთ შიში, ქალისა და მამაკაცის მეგობრობა

შევამჩნიე, რომ ჩემი ძველი მეგობარი ჩემდამი განსაკუთრებულ გრძნობას განიცდის, ვნებიანად მიყურებს... ეს უკვე აღარ არის კარგი მეგობრის დამოკიდებულება. როგორ ვუთხრა უარი ისე, რომ არ ვაწყენინო?
ნინი, 28 წლის

პასუხი: ქალსა და მამაკაცს შორის მეგობრობას ბევრი ეჭვის თვალით უყურებს, რადგან მიაჩნიათ, რომ სხვადასხვა სქესის ადამიანებს შორის მეგობრობისას ცხოვრების გარკვეულ ეტაპზე თავს იჩენს სიმპათიები და ზოგჯერ სერიოზული გრძნობაც კი.

როგორ დაძლიონ ეს სიტუაცია და ამ დროს
მიმართავენ დახმარებისათვის ფსიქოლოგს. ფსიქოლოგებს ამ დროს ასეთი პასუხი აქვთ: თქვენ ის მხოლოდ კარგ მეგობრად მიგაჩნიათ, მას კი მეტი უნდა და ახლო ურთიერთობისკენ მიისწრაფვის. როგორ უთხრათ „არა“ ისე, რომ არ გაანაწყენოთ, მეგობარი არ დაკარგოთ? გონივრული უარის მთავარი წესი: მოიქეცით დიპლომატიურად. ნუ გადაუკრავთ სიტყვას იმაზე, რომ არასათანადოდ
მომხიბვლელი, სექსუალური ან ჭკვიანია. უმჯობესია, ისრები საკუთარი თავისკენ მიმართოთ. როგორ? აირჩიეთ უარის სასურველი ვარიანტი:

1. მაპატიე, მაგრამ ჩემი გული უკვე სხვას ეკუთვნის

ეს ვარიანტი მოხერხებულია მათთვის, ვინც იძულებულია, მუდმივი ურთიერთობა ჰქონდეს მასთან, ვისაც უარყოფს - ვერც ერთი ნორმალური მამაკაცი ვერ გაგკიცხავთ იმისთვის, რომ საყვარელ ადამიანს ერთგულობთ, - მნიშვნელობა არ აქვს, რეალურად არსებობს ის თუ მხოლოდ თქვენს წარმოსახვაში. რა გიშლით ხელს, შეთხზათ ამაღელვებელი ისტორია მშვენიერ პრინცზე, რომელიც უცხოეთშია წასული სტაჟირებისთვის? უარს დამაჯერებლობას შესძენს რელიგიური ან ოჯახური ტრადიციის მოშველიება, რომლის გამოც „ქორწილამდე არ შეიძლება!“ ოღონდ დარწმუნებული უნდა იყოთ, რომ თქვენზე დაქორწინება მის გეგმებში არ შედის.

2. ჩემთვის დღეს არ შეიძლება

ეს ვარიანტი განკუთვნილია იმ ქალიშვილებისთვის, რომელთა მეგობარ მამაკაცებს უეცრად ვნება შემოაწვათ. ყველაზე ხშირად ასეთი რამ ხდება ერთად გატარებული საღამოს შემდეგ, მაგრამ შესაძლოა, პროვოცირება გაუწიოს თქვენი იმიჯის კარდინალურმა ცვლილებამაც - ძველი ვარცხნილობითა და ჯინსით ის თქვენ ქალად ვერ აღგიქვამდათ, ხოლო საღამოს კაბაში „ერთბაშად უცხო თვალით შემოგხედათ“ და „აღმოგაჩინათ“. გადაკრული სიტყვა „სამედიცინო“ გარემოებების შესახებ აქ სავსებით დროულია. ეს დაგეხმარებათ, ღირსეულად დააღწიოთ თავი რთულ სიტუაციას. დაწვრილებით ამაზე საუბარი არ ღირს, მორცხვად დახრილი მზერა და ოდნავ შეფაკლული სახეც საკმარისია.

3. აღკვეთეთ ფლირტი

ეს ვარიანტი მათთვისაა, ვისთვისაც ჯერ კიდევ არ აუხსნიათ სიყვარული, მაგრამ გრძნობს, რომ ასეთი რამ მოსალოდნელია. შესაძლოა, ამან გაგაოცოთ, მაგრამ მამაკაცები იშვიათად გადადიან „გადამწყვეტ მოქმედებაზე“ გამოწვევის გარეშე. ფლირტს, კეკლუც გამოხედვას, „შემთხვევით“ შეხებას და თამამ ტანსაცმელს ისინი სწორედ გამოწვევად აღიქვამენ. ასე რომ, თუ არ გსურთ, მამაკაცმა თქვენი ქცევა სექსისთვის მზადყოფნად აღიქვას, მონიშნეთ საზღვრები. ეცადეთ, რაც შეიძლება იშვიათად აღმოჩნდეთ მასთან ერთად მარტო, დაიცავით ურთიერთობის ჰიგიენა - ერიდეთ კოცნას, მხარზე ხელის გადახვევას, თვალების ჟუჟუნს. უხამსი ხუმრობები და ანეკდოტები საერთოდ ამოძირკვეთ თქვენი ურთიერთობიდან. გჯეროდეთ, სიმკაცრე და პირდაპირობა კეთილგანწყობას ხელს არ უშლის, ხოლო სხეულის ენით ნათქვამი „არა“ სიტყვებზე დამაჯერებელია. თუ ისეთ სიტუაციაში აღმოჩნდით, რომელიც უარის თქმას გაიძულებთ, გახსოვდეთ: მეგობრული ურთიერთობის შენარჩუნება შესაძლებელია მხოლოდ მაშინ, თუ ის ადრეც არსებობდა. თუ მამაკაცი თავიდანვე პოტენციურ პარტნიორად აღგიქვამდათ, მაშინ ის წინააღმდეგობისთანავე გაქრება ჰორიზონტიდან. დაე, გაქრეს - უკეთესია!
გააკეთეთ კომენტარი
კომენტარი არ გაკეთებულა
რეკომენდებული ექიმები
დიეტოლოგია
თაფლი სრულფასოვანი სუპერპროდუქტია. ის გულის დაავადებებისა და კიბოს საპროფილაქტიკო საშუალებაა.
დიეტებზე საუბრისას მნიშვნელოვანია ოქროს შუალედის დაცვა. ყველა უკიდურეს ზომას - ცილოვან, ცხიმოვან ან რთულ ნახშირწყლოვან (ფაფები, მაკარონი) დიეტებს
იოდის დეფიციტი ადამიანის ჯანმრთელობისთვის ძალიან სახიფათოა. იოდის დონის დაქვეითების აღმოსაფხვრელად ექსპერტები
კატეგორიის სხვა სტატიები
თითქოს შვებულებიდან სამსაურში გასვლა არ უნდა იყოს რთული პროცესი.
მე ახლა მოვყვები ამბავს, რომელსაც თავის დროზე ტაბუ დავადე ისევ იმისთვის, რომ ჩემი შვილების ფსიქიკას გავფრთხილებოდი.
დედებს და მამებს შეიძლება მშობლებთან რთული ურთიერთობა ჰქონდეთ, მაგრამ ეს არ უნდა აისახოს ბებიებისა და ბაბუების შვილიშვილებთან დამოკიდებულებაზე.
ამბიცია, საზოგადოდ, გადაჭარბებულ თავმოყვარეობასა და პატივმოყვარეობას ნიშნავს.
სტრესი სამსახურში XXI საუკუნის ნამდვილი ეპიდემიაა. საოფისე ტიპის სამსახურების თანამშრომელთა მესამედზე მეტი პერმანენტულ
პირველ ხანებში ერთად ცხოვრება ბედნიერებას გვანიჭებს.
თუ თქვენ დღის მანძილზე არ გაქვთ დრო ვარჯიშისთვის, მაშინ ძილის წინ ვარჯიშები დაგეხმარებათ
ექიმები დიდი ხანია ელიან იმ დროს, როდესაც ცხოვრების ჯანსაღი წესი უბრალო მოდად კი არ ჩაითვლება,
სიმსუქნე თითქმის ორჯერ ზრდის მძიმე ფორმის კარიესის განვითარების ალბათობას. ტკბილი და მაღალი მჟავიანობის სასმელები კი ჭარბწონიანი
ზაფხულის უხერხულ პრობლემათაგან ერთ-ერთი უმთავრესი ჭარბი ოფლიანობაა.
+
გახდი რეკომენდებული ექიმი
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
გახდი რეკომენდებული კლინიკა
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
შეტყობინება წარმატებით გაიგზავნა !
მკურნალის რედაქცია დაგიკავშირდებათ ტექნიკური დეტალების შესათანხმებლად