ქალთა და მამაკაცთა ყველაზე ბედნიერი ასაკი

ბრიტანელმა მეცნიერებმა მსოფლიოს 50 ქვეყნის სხვადასხვა სოციალური ჯგუფის ათასობით პირი გამოიკვლიეს, შეაჯამეს და გააანალიზეს უამრავი მონაცემი, რომელთა საფუძველზეც დაასახელეს მამაკაცთა და ქალთა ბედნიერების დროებითი პერიოდები, ანუ ის ასაკი, როცა მამაკაცები და ქალები თავს ბედნიერად მიიჩნევენ.
როგორც ირკვევა, ყველაზე ბედნიერი ასაკი მამაკაცებისთვის 37 წელია. ამ ასაკში ძლიერი სქესის წარმომადგენლები თავს წარმატებულად მიიჩნევენ და განსაკუთრებულად თავდაჯერებულნი არიან. მათ მოსწონთ ის, რასაც კარიერაში, ბიზნესსა და პირად ურთიერთობებში მიაღწიეს.

ბედნიერების ასაკი ქალებისათვის 40 წლის შემდეგ იწყება. თუმცა, სუსტი სქესის წარმომადგენლებს ბედნიერების სხვა ასაკიც აქვთ: 28 წლის ასაკში კმაყოფილნი არიან ცხოვრების ინტიმური ასპექტით, 29 წლის ასაკში - კარიერით, 31 წლის ასაკში - საპირისპირო სქესის წარმომადგენლებთან ურთიერთობით, 32 წლის ასაკში - ოჯახით, 33 წლის ასაკში კი - ფინანსური მდგომარეობით.

როგორც ბრიტანელი მკვლევარები აცხადებენ, ორივე სქესის წარმომადგენლებისთვის ერთნაირად ბედნიერი ასაკია 23 წელი, როცა ისინი იმედებითა და მოლოდინებით არიან აღვსილნი და 69 წელი, როდესაც უკვე შეგუებულნი არიან გარკვეულ დანაკარგებს და აუსრულებელ ოცნებებზეც აღარ დარდობენ.

თინათინ გოცაძე