პალმეტო - გადიდებული პროსტატის სამკურნალოდ
მცენარის ნაყოფისგან შეიძლება მომზადდეს ჩაი.
პალმეტო აგრეთვე ხელმისაწვდომია აბების, კაფსულებისა და ექსტრაქტების სახით.
მონაცემები სამკურნალო ეფექტიანობის შესახებ: პალმეტო ტესტოსტერონის საწინააღმდეგო აქტივობებით ხასიათდება. ადამიანები სულ უფრო ხშირად იღებენ მას პროსტატის ჯირკვლის კეთილთვისებიანი გადიდების სამკურნალოდ.
მთელი რიგი კვლევებით გამოვლინდა, რომ პალმეტო ამსუბუქებს პროსტატის ჯირკვლის გადიდების დროს არსებულ სიმპტომებს, როგორიცაა ხშირი შარდვის მოთხოვნილება. თუმცა უფრო ფართომასშტაბიანი, კარგად შესრულებული კვლევით არ დადასტურდა მისი სარგებლიანობა.
მონაცემები იმის შესახებ, რომ იგი ზრდის სპერმის პროდუქციას, ძუძუს ზომებს ან სექსუალურ აქტივობას, არ დადასტურდა.
შესაძლო გვერდითი მოვლენები:
ზოგჯერ ვითარდება თავის ტკივილი და დიარეა, ვინაიდან პალმეტოს ახასიათებს ჰორმონული ეფექტი, ორსულმა ქალებმა ან იმ ქალებმა, რომლებიც გეგმავენ ორსულობას, არ უნდა მიიღონ იგი. მათ, ვინც ჰორმონთერაპიას იტარებენ, უნდა გაიარონ კონსულტაცია ექიმთან, სანამ პალმეტოს გამოყენებას დაიწყებენ.
პალმეტომ შეიძლება გავლენა იქონიოს ესტროგენით თერაპიის პროცესზე და ურთიერთქმედებაში შევიდეს კონტრაცეპტივებთან, ასევე, იმოქმედოს ვარფარინის სისხლის კოლტების წარმოშობის პრევენციული ზემოქმედების შედეგიანობაზე.