კურკუმა შაკიკის საწინააღმდეგოდ
მეცნიერებმა მისი კიდევ ერთი დადებითი თვისება აღმოაჩინეს - კურკუმა ეფექტურია შაკიკისა და თავის ძლიერი ტკივილის დროს. მისი ეს უნარი ეფუძნება ანთების საწინააღმდეგო და ანტიოქსიდანტური თვისებების მქონე ნივთიერებათა შემცველობას.
ამ დასკვნას მოწინააღმდეგეებიც გამოუჩნდნენ, რომლებიც ამტკიცებენ, რომ კურკუმას გამოყენება შაკიკის საწინააღმდეგოდ არარაციონალურია, რადგან ეს სანელებელი თავისთავად არასტაბილური და რეაქტიული შენაერთია, ორგანიზმი დიდხანს უნდება მის გადამუშავებას, შესაბამისად, თერაპიული ეფექტის მიღწევა საკმაოდ რთულია.
მიუხედავად ამისა, ირანელ მეცნიერთა კლინიკური კვლევები ადასტურებს კურკუმას სამკურნალო თვისებებს. კურკუმინი იმეგა-3 ცხიმოვან Mმჟავებთან კომბინაციაში თრგუნავს სიმსივნის ნეკროზის ფაქტორის პროდუცირებას, ეს უკანასკნელი ახდენს სწორედ ტკივილისა და ნერვული ქსოვილის ანთების პროვოცირებას. ამ მექანიზმით რეალურად ითრგუნება შაკიკის შეტევა - აცხადებენ მკვლევარები. მათი რეკომენდაციით შაკიკის საპროფილაქტიკოდ კურკუმა ყოველდღიურად უნდა გამოიყენოთ, ცხადია, იმ შემთხვევაში, თუ ამის უკუჩვენება არ არსებობს.
თინათინ გოცაძე