კოჭას სასარგებლო თვისებები და უკუჩვენებები - მკურნალი.გე

რუბრიკები

ოჯახის მკურნალის ანონსი

თებერვალი 2020

კოჭას სასარგებლო თვისებები და უკუჩვენებები

კოჭას სასარგებლო თვისებები და უკუჩვენებები
კოჭას სასარგებლო თვისებებს განაპირობებს მასში არსებული ვიტამინები და სასარგებლო ნივთიერებები. კოჭა შეიცავს: კალციუმს, ალუმინს, ქრომს, რკინას, მაგნიუმს, ნიკოტინის მჟავას, ფოსფორს, კრემნიუმს, კალიუმს, С ვიტამინს, რაც კოჭას სხვადასხვა დაავადებასთან ბრძოლის შეუცვლელ საშუალებად აქცევს.

ეფექტურია კოჭა ხველებისას. კოჭა ხსნის ყელის ტკივილს, გააჩნია კარგი ამოსახველებელი მოქმედება. გაციების და გრიპის დროს კოჭა შეუცვლელია, ის აქვეითებს სხეულის ტემპერატურას, ათბობს, ზრდის ორგანიზმის ტონუსს და ანიჭებს მას სასიცოცხლო ენერგიას. კოჭა ამყარებს იმუნიტეტს, რაც მნიშვნელოვანია მწვავე რესპირატორული დაავადებების პერიოდში.

კოჭა დადებითად მოქმედებს საჭმლის მომნელებელ სისტემაზე, რადგანაც მისი მუდმივად მოხმარებისას
იზრდება მადა, სტიმულირდება საკვების მონელების პროცესი და კუჭის წვენის გამოყოფა, რაც განსაკუთრებით აქტუალურია მათთვის, ვისაც აღენიშნება კუჭის დაავადებები.

კოჭა აქტიურად გამოიყნება გასახდომად. ის აჩქარებს ორგანიზმში ნივთიერებათა ცვლის პროცესს, რის შედეგადაც ზედმეტი კილოგრამების დაკარგვა ხდება უმტკივნეულოდ და გარედან ჩარევის გარეშე.

კოჭა ასევე სასარგებლოა ორსულობისას - ის
ამცირებს ყველა უსიამოვნო სიმპტომს: ტოქსიკოზს, თავბრუსხვევას, სისუსტეს. თუმცა ამ შემთხვევაში საჭიროა სიფრთხილე. კოჭა უკუნაჩვენებია ორსულობის ბოლო თვეებში და ლაქტაციის პერიოდში.

სასიამოვნო გემოსა და მავნე დანამატების არარსებობის გამო კოჭათი მკურნალობა არა მარტო ეფექტური, არამედ სასიამოვნოცაა. კოჭა გამოიყენება თაფლთან, ლიმონთან და შაქართან ერთად, ხოლო სურვილის შემთხვევაში შესაძლებელია მისგან სასარგებლო მურაბის ან კანფეტის მომზადება.

რადგანაც მცენარე მაინც სამკურნალო საშუალებად ითვლება და მის შემადგენლობაში შედის სხვადასხვა ვიტამინები და ამინომჟავები, კოჭას გააჩნია უკუჩვენებები, რომლის გათვალისწინებაც აუცილებელია.

ცნობილია, რომ კოჭას გააჩნია ტკივილგამაყუჩებელი, ანტიბაქტერიული და შემახორცებელი მოქმედება. ძალიან სასარგებლოა კოჭა ქალებისთვის, განსაკუთრებით მათთვის ვინც ზედმეტი წონის მოშორებას ცდილობს.

კოჭა უკუნაჩვენებია კუჭის მწვავე დაავადებების - წყლულისა და გასტრიტის დროს. კოჭას მიღება არასასურველია გულის დაავადებების დროს. შეუზღუდავი რაოდენობით კოჭას მიღებამ შეიძლება უკუეფექტი გამოიწვიოს, განვითარდეს ალერგიული რეაქცია, გულისრევა, ღებინება. ამ დროს აუცილებელია კოჭას მიღების შეწყვეტა და სპეციალისტთან კონსულტაცია.

კოჭა გამოიყენება სახსრების, კუნთების დაჭიმვის მკურნალობისთვის, კიბოს პროფილაქტიკისთვის.

კოჭა შეიძლება გამოვიყენოთ ქერტლის პრობლემის მოსაგვარებლად და თავის თმიანი ნაწილის კანის სამკურნალოდ, იმდენად რამდენადაც ის კარგად მოქმედებს სისხლის მომოქცევაზე, რითაც უმჯობესდება თმის ფოლიკულების ჟანგბადით მომარაგება და კვება, რის შედეგადაც სტიმულირდება თმის ზრდა, განვითარება, უმჯობესდება სტრუქტურა და სიჯანსაღე.

როგორ გამოვიყენოთ კოჭა

სამკურნალო და კულინარიული მიზნებისთვის გამოიყენება კოჭას მხოლოდ ფესვი, რადგანაც სწორედ ის შეიცავს ყველა საკვებ ელემენტსა და ნივთიერებას, რაც ასე აუცილებელია ჯანმრთელობისა და დაავადებების პროფილაქტიკისათვის.

კოჭა შეინახეთ მაცივარში არა უმეტეს ერთი კვირისა.

ფხვნილის ფორმის შეძენისას, საჭიროა მისი წყალში დალბობა. გასათვალისწინებელია, რომ კოჭას ფხვნილი საკმაოდ ცხარეა.

შეიძლება კოჭას წვენის გამოყენებაც. ფესვი გახეხეთ სახეხზე და გამოწურეთ სითხე. შეიძლება მისი სალათების, სოუსების და უშუალოდ სასმელის სახით გამოყენება.

კოჭას ჩაი - კოჭა გათალეთ, დაჭერით მცირე ზომის ნაჭრებად, დაასხით ცივი წყალი და დადგით ცეცხლზე. 10 წუთის შემდეგ ჩაი მზადაა. შეიძლება დავუმატოთ ლიმონი, შაქარი ან თაფლი გემოვნების მიხედვით.

იაპონიაში ფართოდ გამოიყენება სუშის მიღებისას კოჭას მარინადი. 200 გრ კოჭა დაჭერით მცირე ზომის ნაჭრებად და მოათავსეთ მინის ჭურჭელში, დაასხით ბრინჯის ძმარი, მარილი და შაქარი. მიიყვანეთ ნარევი ადუღებამდე და დაასხით მიღებული ხსნარი კოჭას. 6-8 საათის შემდეგ კოჭას მარინადი მზადაა.

ლალი ჩხიკვაძე
გააკეთეთ კომენტარი
კომენტარი არ გაკეთებულა
მსგავსი სიახლეები
სიმსუქნისკენ მიდრეკილთ ზოგიერთი დიეტოლოგი ერთი კვირის განმავლობაში ყოველდღე 2 კგ ნესვის რბილობის
25-06-2019
საიდუმლოს არ წარმოადგენს, რომ მოწევა კლავს და არა მხოლოდ თავად მწეველებს, არამედ მათ ირგვლივ მყოფ ხალხსაც.
25-03-2019
არსებობს რამდენიმე ძირითადი წესი, რომელთა დაცვაც დაგეხმარებათ ზედმეტი წონის მოშორებაში.
16-02-2019
დიეტოლოგია
დიეტებზე საუბრისას მნიშვნელოვანია ოქროს შუალედის დაცვა. ყველა უკიდურეს ზომას - ცილოვან, ცხიმოვან ან რთულ ნახშირწყლოვან (ფაფები, მაკარონი) დიეტებს
ადამიანები ხშირად ჩივიან, რომ წონას ვერ იკლებენ, მიუხედავად იმისა, რომ დიეტასაც იცავენ,
ჯანსაღ კვებასა და წონის კლებას მჭიდრო კავში­რი აქვს. ოცნებობთ ჭარბი წონის მოშორებაზე,
კატეგორიის სხვა სტატიები
სპეციალისტები გვირჩევენ სეზონზე აუცილებლად მივირთვათ დღეში 4-5 მანდარინი.
ნივრის სასარგებლო თვისებები სადღეისოდ მეცნიერული კვლევებითაა დადასტურებული.
მსოფლიოში ყველაზე ძვირი სუნელი - შაფრანი, ანტიდეპრესანტებთან ერთობლიობაში, ეხმარება დეპრესიულ ადამიანებს.
კომში ვაშლის შორეული ნათესავია. მას სინათლე და სითბო უყვარს,
ჩრდილოეთის ხალხი ოდითგან ამზადებდა სელის თესლისაგან ფქვილსა და ზეთს, ძველი მესოპოტამიის მცხოვრებლები
ასკილი C ვიტამინის წყაროა, რითაც ორგანიზმს იცავს ვირუსული თუ ბაქტერიული ინფექციებისაგან. ლიმონი, რომელიც
ვირუსების ნაწილაკები საათობით ინარჩუნებენ აქტივობას მშრალ, თბილ და უმოძრაო ჰაერში
ყველაზე ხანდაზმული ქალი მსოფლიოში, 116 წლის კეინ ტანაკა იაპონიაში, ფუკუოკეში ცხოვრობს.
თმა შედგება ცილისგან (კერატინი) და დამცავი თხელი ფენა კუტიკულისგან. წყლის ზემოქმედების შედეგად თმა ადვილად
საკმარისია ეს 4 ტესტი და მოსაუბრეს გაშლილი წიგნივით წაიკითხავთ - აცხადებენ ტესტის ავტორები.
+
გახდი რეკომენდებული ექიმი
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
გახდი რეკომენდებული კლინიკა
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
შეტყობინება წარმატებით გაიგზავნა !
მკურნალის რედაქცია დაგიკავშირდებათ ტექნიკური დეტალების შესათანხმებლად