ევკალიპტი - “ტყეთა ალმასი” - მკურნალი.გე

რუბრიკები

ოჯახის მკურნალის ანონსი

ივნისი 2019

ევკალიპტი - “ტყეთა ალმასი”

ევკალიპტი - “ტყეთა ალმასი”
ევკალიპტი 50-70მ სიმაღლის სწრაფად მზარდი მარადმწვანე მცენარეა (ყველაზე მაღალი ევკალიპტი მსოფლიოში 155 მ-ს აღწევს). მისი სამშობლო - ავსტრალიაა (ტასმანიის კუნძული), თუმცა ის არაერთი ქვეყნის ნოტიო სუბტროპიკულ ზონაშია კულტივირებული. დიდ ფართობებს მოიცავს ის კავკასიაში შავი ზღვის მიმდებარე ტერიტორიებზე, აჭარასა და აფხაზეთში.

ავსტრალიაში ევკალიპტს “ტყეთა ალმასს”, “სიცოცხლისა და სასწაულებათა ხეს” უწოდებენ. მცენარე მძლავრი ფესვთა სისტემითა და მტკიცე მერქნით გამოირჩევა. ევკალიპტი ბერძნულად ნიშნავს “კარგად დაბურულს” (“ევ” - კარგი, “კალიპტუე” - დაბურული, დახურული). მცენარის ღეროსა და ტოტების მერქანი გლუვია, მოთეთრო-მორუხო ფერის, გარეთა შრე ადვილად
იქერცლება. ახალგაზრდა და ასაკოვანი მცენარის ფოთლები განსხვავდება არა მხოლოდ ფერით, არამედ ფორმითა და სისქით. ევკალიპტი სიცოცხლის მესამე წლიდან, შემოდგომობით ყვავილობს. ეთერზეთის დიდი რაოდენობით შემცველობის გამო მისი ფოთლები განსაკუთრებული სურნელით გამოირჩევა.

სამედიცინო პრაქტიკაში გამოიყენება სწორედ მცენარის ფოთლები, რომელთაგანაც ეთეროვან ზეთს იღებენ. ფოთლებს წლის თბილი სეზონის ნებისმიერ
პერიოდში კრეფენ, თუმცა ხარისხის თვალსაზრისით საუკეთესო შემოდგომით დაკრეფილი ფოთოლია. შეგროვილ ფოთლებს ჰაერზე აშრობენ (არა უმეტეს 13% ტენიანობისა). ევკალიპტის ეთერზეთის ძირითადი შემადგენელი კომპონენტია ცინეოლი (80%), რომელიც კარგად იხსნება ცივ წყალში. ზეთის შემადგენლობაში შედის აგრეთვე პინენი, მირტენოლი, გლობულოლი, პინოკარვონი, ეიდესმალი, სხვადასხვა ალდეჰიდები, ეთილის, იზობუთილისა და სხვა სპირტები. გარდა ამისა, მცენარის ფოთლებსა და მერქანში დიდი რაოდენობითაა სათრიმლავი ნივთიერებები.


ევკალიპტის ზეთი


ევკალიპტის ზეთი უხსოვარი დროიდან გამოიყენება ბრონქიტის, პნევმონიის, ცხელებით მიმდინარე ინფექციური დაავადებების სამკურნალოდ. წარმატებით იყენებდნენ მას აგრეთვე ჭრილობებისა და წყლულების მოსაშუშებლად. ევკალიპტის პრეპარატებს კარგი ეფექტი აქვთ ქუნთრუშას, დიფტერიის, პარაზიტული დაავადებების სამკურნალოდ.

სამედიცინო დაკვირვებებითა და სხვადასხვა გამოკვლევით დადგენილია, რომ ევკალიპტის ზეთი ნაკლებტოქსიკურია, არ გააჩნია გვერდითი მოვლენები, არ აღიზიანებს თირკმელების ეპითელიუმს. ფარმაცევტული წარმოება უშვებს ევკალიპტის ზეთს, რომელიც ინჰალაციებისთვის გამოიყენება (მისი 10-20 წვეთი უნდა ჩააწვეთოთ ერთ ჭიქა წყალში). პირდაპირი ჩვენებაა ის ოსტეომიელიტის (ძვლის ტვინის ანთება), კარბუნკულის (კანის შიგნითა ფენისა და კანქვეშა უჯრედისის ჩირქოვანი ანთება), საშვილოსნოს ყელის ეროზიებისა და წყლულების დროს. ევკალიპტის ზეთი შედის ჭრილობათა შეხორცებისათვის განკუთვნილი მრავალი სამკურნალო მალამოს შემადგენლობაში, მისგან მზადდება საწუწნი აბები და ხველის საწინააღმდეგო პრეპარატები, ზოგიერთ ქვეყანაში კი მწერების საწინააღმდეგო საშუალებები.


* * *
თანამედროვე სამედიცინო პრაქტიკაში გამოიყენება როგორც ფოთლების ნახარში, ასევე ნაყენი.


ევკალიპტის ფოთლების ნახარში

მას შემდეგი წესით ამზადებენ: ფოთლებს აქუცმაცებენ დაახლოებით 5 მმ ზომის ნაწილებად, ასხამენ მდუღარე წყალს (შეფარდებით 10-15 გრამი 200 მლ წყალზე), 3-4 წუთის განმავლობაში ადუღებენ ფაიფურის ან მომინანქრებულ ჭურჭელში, ცოტა ხნით აყოვნებენ და შემდეგ გადაწურავენ დოლბანდით. დიდი ხნით დაყენების დროს წარმოქმნილი ნალექი უხარისხობის მაჩვენებელი არ არის. გამოყენების წინ აუცილებელია სითხის შენჯღრევა. ნახარში თბილი უნდა მიიღოთ დღეში 4-ჯერ, ჭამის შემდეგ, 1/4 ჭიქის მოცულობით.

ევკალიპტის ნახარშით რეკომენდებულია ინფიცირებული ჭრილობების მკურნალობა. კანი ჭრილობის გარშემო 15%-იან ნახარშში დასველებული ტამპონით უნდა დაამუშაოთ (ერთი სადილის კოვზი ნახარში ერთ ჭიქა წყალზე). აღნიშნული კონცენტრაციის ნახარში გამოიყენება აგრეთვე ჩირქოვანი მასტიტის (სარძევე ჯირკვლის ანთება), ტროფიკული წყლულების, აბსცესის (შემოფარგლული ჩირქოვანი ანთება), ქრონიკული და მწვავე ოსტეომიელიტის (ძვლის ტვინის ანთება) სამკურნალოდ; გინეკოლოგიური პათოლოგიების დროს შესასხურებლად, ზემო სასუნთქი გზების დაავადებათა დროს ინჰალაციების სახით. ევკალიპტის კომპონენტთა გავლენით ინჰალაციების შედეგად ფართოვდება ზემო სასუნთქი გზების ლორწოვანი გარსის სისხლძარღვები. ნახარშს ამავე დროს აქვს ადგილობრივად მადეზინფიცირებელი მოქმედება, რის გამოც მას ხშირ-ხშირად (დღე-ღამეში რამდენჯერმე) მიმართავენ ანგინის - ხახის ლორწოვანი გარსის ანთების სამკურნალოდ.


ევკალიპტის ფოთლების ნაყენი

რეკომენდებულია სავლების სახით პირის ღრუსა და ხახის პათოლოგიების დროს, კუჭ-ნაწლავის მწვავე დაავადებების სამკურნალოდ, აგრეთვე ოფთალმოლოგიურ პრაქტიკაში, კანის ჩირქოვანი დაზიანებების დროს. მაღალი ეფექტურობა განპირობებულია მასში ცინეოლის მაღალი შემცველობით.

მომზადების წესი: 2 ჩაის კოვზ ფოთოლს დაასხით 200 მლ წყალი, მიიყვანეთ ადუღებამდე, 1-2 წუთით გააჩერეთ (ფაქტობრივად ორიოდე წუთს მოუწევს დუღილი), გადმოდგით, გააცივეთ და შემდეგ გადაწურეთ.


სპირტიანი ნაყენი

გამოირჩევა ანთების საწინააღმდეგო და ანტისეპტიკური მოქმედებით. იყენებენ როგორც ინჰალაციის სახით (10-20 წვეთი ერთ ჭიქა წყალზე), ასევე ჭამის შემდეგ მისაღებად დღეში 3-ჯერ 15-20 წვეთის ოდენობით.

მომზადების წესი: 70%-იანი სპირტის შეფარდება ევკალიპტის ფოთოლთან უნდა იყოს 5:1. მინის ჭურჭელში ნაყენი 10-14 დღე უნდა გააჩეროთ და შემდეგ გადაწუროთ.
გააკეთეთ კომენტარი
კომენტარი არ გაკეთებულა
რეკომენდებული პროდუქტები
მხედველობის ჯანმრთელობისთვის-30აბი
ფასი: 44.9
ჯანსაღი თმის შესანარჩუნებლად
ფასი: 75
მხედველობის ჯანმრთელობისთვის -60 აბი
ფასი: 39.9
მხედველობის ხელშეწყობისთვის-60აბი
ფასი: 44.9
დიეტოლოგია
ქულების დიეტა "კრემლის დიეტის" სახელითაცაა ცნობილი. ეს არის ნახშირწყლების დაბალი შემცველობის დიეტა,
ყაბაყისა და ცუკინის დიეტის პრინციპი მარტივია - ყოველდღე ჩართეთ მენიუში ამ ბოსტნეულის ნებისმიერი კერძი. ერთ თვეში 5 კილოგრამს დაემშვიდობებით.
ატკინსის დიეტა დაბალნახშირწყლოვან დიეტებს მიეკუთვნება. მას სხვანაირად ცილოვან დიეტასაც უწოდებენ. მისი
კატეგორიის სხვა სტატიები
სიდნეის უნივერსიტეტის მეცნიერებმა გრიპის ვირუსზე ანწლის მოქმედება გამოიკვლიეს. აღმოჩნდა, რომ იგი ხელს უშლის
კუნელი გულის დაავადებათა სამკურნალოდ ხშირად გამოიყენება. სამკურნალო ეფექტი აქვს როგორც მცენარის ყვავილს
ფიტოქიმიური ნივთიერებები კიბოს საპროფილაქტიკოდ და ონკოლოგიურ დაავადებათა სამკურნალოდ მეტად პოპულარულია,
სელის თესლის სიმსივნის საწინააღმდეგო თვისებებზე დღეს ბევრი ინფორმაცია ქვეყნდება. ცნობილია, რომ ეს თესლი
კოჭას სასარგებლო თვისებებს განაპირობებს მასში არსებული ვიტამინები და სასარგებლო ნივთიერებები.
დარიჩინი არომატული კერძების, სასმელების, ზოგიერთი სამკურნალო საშუალების სრულფასოვანი კომპონენეტია.
განურჩევლად იმისა, სად აპირებთ დასვენებას - ზღვაზე თუ მთაში, აუცილებელია თან გქონდეთ პატარა აფთიაქი პირველი დახმარების მედიკამენტებით.
კოღოს ნაკბენს ახასიათებს ქავილი და ხშირად სწორედ ქავილი ხდება ინფექციების შეჭრის, ნაკბენის გაღიზიანების და დიდხანს მოუშუშებლობის მიზეზი.
ზაფხულის დადგომასთან ერთად მატულობს ნაწლავური ინფექციების სიხშირე. დიარეა - ნაწლავთა გახშირებული
ზოგი სიცხეს ვერ იტანს, ზოგიც - სიცივეს. ალბათ, ბევრს აინტერესებს, რომელი უფრო საშიშია ორგანიზმისთვის.
+
გახდი რეკომენდებული ექიმი
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
გახდი რეკომენდებული კლინიკა
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
შეტყობინება წარმატებით გაიგზავნა !
მკურნალის რედაქცია დაგიკავშირდებათ ტექნიკური დეტალების შესათანხმებლად