დავეხმაროთ ერთმანეთს
- წამლის დასამზადებლად დააქუცმაცეთ 1 სადილის კოვზი მატიტელას ფესვი და დაასხით ოთახის ტემპერატურის 1 ჭიქა წყალი. ფესვიანი ჭურჭელი შემოდგით ორთქლის აბაზანაზე და გააჩერეთ 15 წუთით. გადმოდგით და გადაწურეთ. წამალი მზად არის. ის უნდა სვათ 3-4-ჯერ დღეში, ჭამამდე 1 სადილის კოვზის ოდენობით. 2-3 კვირის შემდეგ საგრძნობი შვება გექნებათ, შეტევები სულ უფრო გაიშვიათდება, ბოლოს კი საერთოდ გაქრება.
ტარიელ მაჩაიძე, ლაგოდეხი
ცხელი რძე ძვლებსაც უყვართ
ახალგაზრდობისას აქტიური სპორტსმენი ვიყავი - ვჭიდაობდი, ამიტომ ძვალსახსროვან სისტემასთან დაკავშირებული ტრავმები და პრობლემები არ მაკლდა.
ერთ ზაფხულსაც მეგობართან ერთად, მთაში ექსკურსიაზე წავედი და ციცაბო კლდეზე ასვლისას ფეხი ვიტკინე.
გამოცდილებით კარგად ვიცოდი, რაც უნდა გამეკეთებინა, მაგრამ თან არც ერთი მედიკამენტი არ აღმომაჩნდა.
მასპინძლებმა კოჭზე ცხელ რძეში დასველებული კომპრესების დადება შემომთავაზეს. თავიდან ეჭვით შევხედე ამ საშუალებას, მაგრამ რადგან სხვა გზა არ მქონდა, ვცადე.
დილით აღარც კოჭის შესივება მეტყობოდა და აღარც მოძრაობისას მტკიოდა.
ასე რომ, ცხელი რძე სახსრებსაც ჰყვარებიათ.
ზაალ გარდაფხაძე, ბორჯომი