თუ გაზაფხულმა გული აგიფრიალათ
პიტნისა და კატაბალახას ფესვების ნაყენს კარგა ხანია ვსვამ, რომელსაც ასე ვამზადებ:
- აიღეთ თითოეული მათგანი თანაბარი რაოდენობით, მცენარეთა ნარევის 10 გრამს დაასხით 1 ჭიქა ადუღებული წყალი და წყლის აბაზანაზე გაათბეთ 30 წუთი, გააცივეთ და გადაწურეთ. მიიღეთ ჭიქის მეოთხედი დილას და საღამოს, დაძინებამდე 30 წუთით ადრე. სასურველია ნაყენი 3-4 კვირა მაინც დალიოთ.
აჩქარებულ გულისძგერას მშვენივრად აწყნარებს კატაბალახას ფესვი და შავბალახა:
- ორივე მცენარის 15 გრამს დაასხით 1 ჭიქა ადუღებული წყალი და გაათბეთ წყლის აბაზანაზე 15 წუთი, დადგით 45 წუთი, გაწურეთ. დალიეთ ჭიქის მეოთხედი 3-4-ჯერ დღეში, ჭამამდე ნახევარი საათით ადრე, 3-4 კვირის განმავლობაში.
რუსუდან ქირია, ზუგდიდი