სისხლში შაქრის დონის გაკონტროლებას ასე შეძლებთ
საბედნიეროდ, ჩემი მდგომარეობა ძირითადად ცხოვრების წესის კონტროლსა და გარკვეულ რეკომენდაციათა დაცვას ითვალისწინებდა.
მთავარი სისხლში შაქრის დონის კონტროლი იყო, ამიტომაც ნაცნობ ფიტოთერაპევტს ვთხოვე, მცენარეული რეცეპტი მოეწოდებინა, რომლის დახმარებითაც მოვიწესრიგებდი შაქრის დონეს.
აი, რეცეპტი, რომლის დახმარებითაც უკვე 4 წელია წარმატებით ვიწესრიგებ სისხლში შაქრის დონეს:
- მაისის მეორე ნახევარში ამოთხარეთ ქრისტესისხლას ბუჩქები ფესვიანად, ასე 18-20 ცალი, გაასუფთავეთ ყვითელი, ხმელი ფოთლებისგან. ფესვებს ააფხიკეთ ყველაფერი ზედმეტი და კარგად გარეცხეთ. შემდეგ გაშალეთ გასაშრობად ჩრდილში. მცენარე დაჭერით 2 სმ სიგრძის ნაჭრებად. გაატარეთ ხორცსაკეპ მანქანაში და გამოწურეთ წვენი. წვენიანი ქილა ბნელ ადგილას დადგით 4-5 დღით. ამის შემდეგ გადაასხით წვენი (ნალექის გარეშე) სუფთა ქილაში და შეურიეთ სპირტი თანაფარდობით – 2 ჩაის ჭიქა წვენი, 100 გრამი სპირტი და წამალიც მზადაა. მიიღეთ ორჯერ დღეში ჭამის შემდეგ. დაიწყეთ 5 წვეთით და ყოველდღე გაზარდეთ 1 წვეთით, მანამ, სანამ 15 წვეთს არ გაუტოლდება.
თუ ორგანიზმი კარგად აიტანს წამალს, შეგიძლიათ გაზარდოთ დოზა 25 წვეთამდე. დოზის მაქსიმუმის მიღწევის შემდეგ ერთი თვე შეისვენეთ, ამის შემდეგ – კვლავ გაიმეორეთ მკურნალობის კურსი, შემდეგ ისევ შეისვენეთ და ისევ დაიწყეთ მკურნალობა. ამ პერიოდში შაქრის დონე უკვე სტაბილურდება და 3 თვე მკურნალობა აღარ გჭირდებათ, 3 თვის შემდეგ კი შაქრის კონტროლის მიხედვით გადაწყვეტთ მკურნალობის დაწყების აუცილებლობას.
გიული სანოძე, თბილისი