ცხიმის დაშლა და წონაში კლება - რა შეუძლია ჟოლოს ჩაის
ბევრმა არ იცის, რომ ჟოლოს ზუსტად ისევე შეუძლია ცხიმოვანი უჯრედების დაშლა, როგორც ტროპიკულ ანანასს.
ასე რომ, თუ წონის დაკლება გსურთ, რაც შეიძლება მეტი ჟოლო ჭამეთ. ამავე მიზნისთვის გამოგადგებათ მისი ფოთლების ჩაი, სასმელი შეგიძლიათ ყვავილებისა და თავად კენკრისგანაც მოამზადოთ.
გთავაზობთ წონის დასაკლებ ჩაის რეცეპტს:
- აიღეთ 300-300 გრამი ჟოლოს ფოთლები და ნაყოფი, მაყვლის ფოთლები და ნაყოფი და 100-100 გრამი შავი მოცხარის ფოთლები და ნაყოფი და თავშავას ბალახი. ყველაფერი ერთმანეთში აურიეთ. მცენარეთა ნაკრების 50 გრამს დაასხით 250 მლ ცივი წყალი, შემოდგით ცეცხლზე და მიიყვანეთ ადუღებამდე. გადმოდგით, გააჩერეთ 1 საათით, შემდეგ კი დალიეთ ჩაისავით, თითო ჭიქა დღეში 2-3-ჯერ.
მცენარეთა ჩაი ორგანიზმის ეფექტური გამწმენდი და ნივთიერებათა ცვლის კარგი მომწესრიგებელია, ცხიმოვან ცვლაზე განსაკუთრებით დადებითად მოქმედებს.
ჩაი სასარგებლოა კუჭქვეშა ჯირკვლის ქრონიკული ანთების დროსაც.
ეკა ფსუტური, საგარეჯო