სამკურნალო წერილები - მკურნალი.გე

რუბრიკები

ოჯახის მკურნალის ანონსი

მაისი 2020

კითხვა-პასუხი

სამკურნალო წერილები

სამკურნალო წერილები

ნიკრისის ქარს უხდება
რამდენიმე წლის წინ ნიკრისის ქარმა შემომიტია და ჩემი ცხოვრება სხვა რელსებზე გადაიყვანა, სადაც მხოლოდ წამლები, დიეტა და ტკივილისგან გათანგული სახეებია. თავი მუდამ ძლიერ პიროვნებად მიმაჩნდა, ამ სატკივარს კი დიდხანს ვერაფერი მოვუხერხე. ექიმების მიერ დანიშნულ მედიკამენტებთან ერთად მკურნალობის საკუთარ გზებსაც ვეძებდი. ძიება წლობით გაგრძელდა და ბოლოს ხალხურ მედიცინამდე მიმიყვანა. ვიპოვე რამდენიმე უებარი საშუალება და სიცოცხლეც სიცოცხლეს დაემსგავსა, კაცი ფეხზე წამოვდექი და შვილებსა და შვილიშვილებს მხარში ამოვუდექი. მინდა, გამოცდილება გაგიზიაროთ, იქნებ ჩემი რეცეპტები ვინმე ჩემსავით გაჭირვებულს წამლად დაედოს. თავს

ბედნიერად ჩავთვლი, რომ თუნდაც ერთ ადამიანს დახმარების ხელი გავუწოდე.

  • წვრილად დაჭერით 1 კონა ნიახური, დაასხით 300-400 გრამი ცივი წყალი და დალიეთ უზმოზე. ასე ყოველ დილით 7 დღის განმავლობაში. ეს ნაყენი ორგანიზმს აახალგაზრდავებს კიდეც.
  • ძილის წინ მტკივან ადგილზე დაიდეთ ახალგაჭრილი ბოლოკი, გადაიხვიეთ და დილამდე დაიტოვეთ.
  • გადაადნეთ ახალი უმარილო კარაქი,
    მოხადეთ ქაფი და დაამატეთ იმავე ოდენობის ღვინის სპირტი. შემდეგ ამ ნარევს ლითონის ჭურჭელში წაუკიდეთ ცეცხლი და აცადეთ, რომ სპირტი დაიწვას. დარჩენილი მასა შეიზილეთ მტკივან ადგილას. სასურველია, ამ დროს სითბოში იჯდეთ.
  • 10 ცალი დაფნის ფოთოლი 5 წუთის განმავლობაში ხარშეთ 300 მლ წყალში, შემდეგ შეფუთეთ და 3 საათით დააყენეთ. სვით ყლუპ-ყლუპად მთელი დღის განმავლობაში. ერთი კვირის შემდეგ გაიმეორეთ. სახსრების ტკივილი გაგივლით. 

 

ღრძილების ანთებას აცხრობს
კარგა ხანია, ღრძილები მაწუხებს. დროდადრო მიჩირქდებოდა და მისივდებოდა კიდეც. ხან რომელ ექიმთან მივედი, ხან რომელთან. ბოლოს ჩემს მხსნელსა და კეთილისმყოფელ ექიმს მივაგენი. მისმა მკურნალობამ მიშველა, მაგრამ უსახსრობის გამო მასთან ვეღარ ვიარე. ექიმი მიხვდა ჩემი გაუჩინარების მიზეზს, თავად მომძებნა და რამდენიმე რეცეპტი მასწავლა, რომლებსაც პერიოდულად ვიყენებ. ჩემი ექიმის თანხმობით მინდა ეს რეცეპტები თქვენც გაგიზიაროთ - იქნებ ვერც თქვენ დადიხართ ექიმთან და ამან მაინც გიშველოთ.

  • ორ სუფრის კოვზ ჭინჭრის ფოთოლს დაასხით ერთი ჩაის ჭიქა მდუღარე წყალი, გააჩერეთ 15 წუთი, შემდეგ გადაწურეთ და პირში გამოივლეთ. ეს ნაყენი ანგინასაც უხდება.
  • კიდევ ერთი სავლები: აიღეთ ერთი სუფრის კოვზი წვრილად დაჭრილი მარწყვის გამხმარი ფოთოლი, დაასხით ერთი ჩაის ჭიქა წყალი და ადუღეთ ნელ ცეცხლზე 15 წუთის განმავლობაში. მიღებული ნაყენი ერთი დღის ულუფაა.
  • ღრძილების გასამაგრებლად ღეჭეთ კომბოსტოს მწნილი.

 

შვრია დეპრესიას ამარცხებს
მას შემდეგ, რაც უმუშევარი დარჩა, ჩემმა მეუღლემ ცხოვრებისადმი ინტერესი დაკარგა, საკუთარ თავში ჩაიკეტა, აღარც ჭამდა და აღარც სვამდა, აღარაფერი აინტერესებდა, აღარავის გვკითხულობდა და გველაპარაკებოდა. რით მეშველა, აღარ ვიცოდი. ექიმთან არ მომყვებოდა, ძვირად ღირებული წამლების შეძენის საშუალებაც არ მქონდა... დავიწყე ხალხური რეცეპტების ძებნა და შესწავლა, უამრავი საშუალება  გამოვცადე და ბოლოს რამდენიმეზე შევჩერდი. ამ საშუალებებმა მე - მეუღლე, ბავშვებს კი მამა დაუბრუნა.

  • დეპრესიული მდგომარეობის, ნერვული სისტემის გამოფიტვის, ძალ-ღონის გამოლევისა და ნერვული წარმოშობის სისუსტის დროს სვით შვრიის ღეროების ნაყენი: 3 სუფრის კოვზ დაქუცმაცებულ შვრიის ღეროს დაასხით 2 ჭიქა ადუღებული წყალი. მიიღეთ ჭამამდე, დღეში სამჯერ.
  • ნევრასთენიისა და დეპრესიის დროს, თუ არ გაწუხებთ მაღალი არტერიული წნევა და გული, არ გტანჯავთ უძილობა, მაშინ მატონიზებელი და მასტიმულირებელი საშუალების სახით მიიღეთ მანჯურიული არალიის ფესვების ნაყენი - 15-20 წვეთი დღეში ორჯერ.

 

სამყურა ასთმის დროს დაგეხმარებათ
ჩემი შვილი დაბადებიდან ბრონქული ასთმით არის ავად. მამაჩემსაც დიდხანს აწუხებდა ბრონქული ასთმა. მათ გამო მოვიძიე და გამოვცადე უამრავი ხალხური რეცეპტი. მინდა, ერთ-ერთი მათგანი თქვენც გაგაცნოთ:

  • მოაგროვეთ ზაფხულში წითელი სამყურას ყვავილი, გაახმეთ და შეინახეთ, ზამთარში კი დააყენეთ და ჩაისავით სვით. მომზადების წესი ასეთია: 1 სუფრის კოვზს დაასხით 2 ჩაის ჭიქა წყალი და 1-2 წუთის განმავლობაში ადუღეთ, გააგრილეთ და მიიღეთ.


გააკეთეთ კომენტარი
კომენტარი არ გაკეთებულა
დიეტოლოგია
ტვინისათვის სასარგებლო ბოსტნეულიდან დიეტოლოგები გამოყოფენ წითელ კომბოსტოს, ჭარხალსა და ისპანახს. წითელი კომბოსტო მეტად სასარგებლოა ტვინის
თუ შეკრულობა (ყაბზობა) გაწუხებთ, რეგულარულად უნდა მიირთვათ ბროკოლი, ვაშლი და ისპანახი.
შვრია აქვეითებს სისხლში ქოლესტერინის დონეს, ანთების მაჩვენებლებს, წონას და აუმჯობესებს საჭმლის მონელებას.
კატეგორიის სხვა სტატიები
ევკალიპტის ყელის სავლები
შეხვდით მომზადებული გაციებისა და სურდოს სეზონს
გაღიზიანებულ კუჭს კარტოფილის წვენი დაგიამებთ
გაციება ხშირად მირთულდება ბრონქიტით.
სისხლძარღვების ათეროსკლეროზი მძიმე და სახიფათო მდგომარეობაა,
უსაფრთხო და მარტივად მოსამზადებელი ლოსიონი
თუ თქვენ დღის მანძილზე არ გაქვთ დრო ვარჯიშისთვის, მაშინ ძილის წინ ვარჯიშები დაგეხმარებათ
ექიმები დიდი ხანია ელიან იმ დროს, როდესაც ცხოვრების ჯანსაღი წესი უბრალო მოდად კი არ ჩაითვლება,
სიმსუქნე თითქმის ორჯერ ზრდის მძიმე ფორმის კარიესის განვითარების ალბათობას. ტკბილი და მაღალი მჟავიანობის სასმელები კი ჭარბწონიანი
ზაფხულის უხერხულ პრობლემათაგან ერთ-ერთი უმთავრესი ჭარბი ოფლიანობაა.
+
გახდი რეკომენდებული ექიმი
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
გახდი რეკომენდებული კლინიკა
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
შეტყობინება წარმატებით გაიგზავნა !
მკურნალის რედაქცია დაგიკავშირდებათ ტექნიკური დეტალების შესათანხმებლად