დაფნა, ანისული და ალთე - სამკურნალო რეცეპტები
კუჭუკანა ჯირკვლის გაწმენდა დაფნის ფოთლით შეიძლება
კუჭუკანა ჯირკვალი მნიშვნელოვან როლს ასრულებს ცხიმოვანი და ნახშირწყლოვანი ცვლის რეგულაციაში.
ეს ორგანო საჭიროებს გასუფთავებას, რაც ზაფხულის ბოლოს ჯობს. ამისთვის კი ძალიან კარგია დაფნის ფოთოლი.
- თერმოსში მოათავსეთ 10 ც დაფნის ფოთოლი, დაასხით 300 მლ მდუღარე წყალი, დაახურეთ სარქველი და გააჩერეთ მთელი ღამე.
- ამის შემდეგ გადაწურეთ და მიიღეთ 50 გ-ის ოდენობით, ჭამამდე ნახევარი საათით ადრე, ორი კვირის განმავლობაში.
- მკურნალობა უფრო წარმატებული იქნება, თუ დაიცავთ დიეტასაც - მინიმუმამდე შეამცირეთ ნახშირწყლებისა და ცხიმების შემცველი საკვების მიღება.
ბრონქებს ალთე და ანისული აჯანსაღებს
უკვე რამდენიმე წელია, ბრონქული ასთმით ვიტანჯები, რომლის შეტევებიც ცივ და ქარიან ამინდში მიხშირდება.
მართალია, ძლიერმოქმედი აეროზოლები კარგად ხსნიან ბრონქების სპაზმს, მაგრამ მაინც ვერიდები, არ მინდა, მათზე დამოკიდებული გავხდე, ამიტომ დიდი ინტერესით ვეცნობი ბრონქული ასთმის საპროფილაქტიკო ყველა ხალხურ საშუალებას.
გთავაზობთ ორ რეცეპტს, რომელთაც საგრძნობლად გამიუმჯობესეს ჯანმრთელობა:
რეცეპტი N1
- 50 გრამ ალთეს დაქუცმაცებულ ფესვსა და 50 გრამ ჩვეულებრივი ბეგქონდარას ბალახებს დაასხით 1 ჭიქა მდუღარე წყალი.
- შეფუთეთ და დააყენეთ 1 საათით, შემდეგ გაფილტრეთ. მიიღეთ ჭიქის 1/3-1/4 3-ჯერ დღეში.
- ეს ნაყენი კარგია ასევე ყივანახველისა და ბრონქების ინფექციური დაავადებებისას.
რეცეპტიN2
- 2 ჩაის კოვზ ანისულის თესლს დაასხით 1 ჭიქა მდუღარე წყალი.
- შეფუთეთ და დააყენეთ 1 საათით, შემდეგ გაფილტრეთ. მიიღეთ 2 სუფრის კოვზი 3-4-ჯერ დღეში ჭამამდე ნახევარი საათით ადრე.
- ეს ნაყენი კარგია ხველისა და ბრონქიტის დროსაც.
ქ. ზარანდია, სენაკი