პნევმონიის შემდგომ ძალების აღმდგენად კენკრები დაიხმარეთ
უენერგიობაზე ჩივილით ოჯახის წევრებიც გადავღალე. ბოლოს ქალიშვილმა ხალხური მედიცინის ეს რეცეპტი მომიტანა, რომლის მიხედვით დამზადებულ ნაყენს 1 თვე ვსვამდი და დღეს თავს გაცილებით უკეთ ვგრძნობ:
- აიღეთ 2 ჩაის კოვზი მოცვის ნაყოფი, 3 ჩაის კოვზი ჭინჭრის დაქუცმაცებული ფოთოლი და 3 ჩაის კოვზი ასკილის ნაყოფი. ასკილის და მოცვის ნაყოფები დააქუცმაცეთ, დაუმატეთ ჭინჭარი და ერთმანეთში აურიეთ. ამ ნაკრებს დაასხით ჭიქა-ნახევარი მდუღარე წყალი, დააყენეთ 3-4 საათი და შემდეგ გაფილტრეთ. მიღებული ნაყენი ერთ დალევაზე უნდა დალიოთ. სასურველია, თუ მას დღეში 3-ჯერ მაინც მიიღებთ. მოცვი, ჭინჭარი და ასკილი სხვადასხვა მავნე ნივთიერებით დაბინძურებულ ორგანიზმს საიმედოდ ასუფთავებს და მას ძველ ენერგიასა და ამტანობას უბრუნებს.
რაისა დ. ბაღდათი