დავეხმაროთ ერთმანეთს
მთელი ცხოვრება ცხელ საამქროში ვმუშაობდი, ვიდრე ახალგაზრდა ვიყავი, ვერ ვამჩნევდი, მაგრამ ასაკის მატებასთან ერთად სახსრებთან დაკავშირებული პრობლემები დამეწყო. ექიმების რჩევით უამრავ აბს ვსვამდი, სახსრები თითქოს ისე აღარ მაწუხებს, მაგრამ დიდი ხნის განმავლობაში არასტეროიდული ანთების საწინააღმდეგო პრეპარატების სმისთვის თანმდევი გვერდითი მოვლენები განმივითარდა, მომატებული მჟავიანობით გასტრიტი და კუჭის უმწვავესი ტკივილები დამეწყო. წამლებით გამოწვეული პრობლემის კვლავ წამლებით მკურნალობას თავი ვანებე და პრობლემის მოგვარების გზა ხალხურ მედიცინაში მოვძებნე:
- დილით, უზმოზე, მიიღეთ 3/4 ჭიქა ახალგამოწურული კარტოფილის წვენი. ამის შემდეგ ნახევარი საათით წამოწექით, ხოლო 1 საათის შემდეგ შეგიძლიათ ისაუზმოთ კიდეც. მკურნალობის კურსი 10 დღეა, შემდეგ 10 დღით უნდა შეისვენოთ. აუცილებლობის შემთხვევაში შეგიძლიათ ზედიზედ მკურნალობის 2-3 კურსი ჩაიტაროთ.
გისურვებთ ჯანმრთელობასა და წარმატებებს.
ნოდარ გურული, ზესტაფონი