სამკურნალო წერილები - მკურნალი.გე

რუბრიკები

ოჯახის მკურნალის ანონსი

დეკემბერი 2019

კითხვა-პასუხი

სამკურნალო წერილები

სამკურნალო წერილები

 ფაფა მოათავსეთ სათანადო ზომის მომინანქრებულ ქვაბში. დაასხით თბილი ანადუღარი წყალი (0,5 ლ 0,4 კგ ვაშლზე). ყოველ ლიტრ წყალზე დაუმატეთ 100 გ თაფლი ან შაქარი, 10 გ პურის საფუარი და 20 გ გამომშრალი შავი პური.
ჭურჭელი თავახდილი დადგით 20-30 გრადუს ტემპერატურაზე. ძმარმჟავას დუღილს ხელს შეუწყობს ცოტაოდენი (შაქრის ნივთიერების 20%-ზე ნაკლები) სპირტი. გარდა ამისა, საჭიროა მუდმივი ტემპერატურა და ნარევის რაც შეიძლება მეტი კონტაქტი ჰაერთან (აერობული ფერმენტაცია).
ჭურჭელი შეიძლება იყოს მინის (ქილები), ხის (თავღია კასრი) ან მომინანქრებული, მაგრამ აუცილებლად სიბნელეში უნდა დადგათ, რადგან მზის ულტრაიისფერი სხივები დუღილს აბრკოლებს.
ფერმენტაციის პირველი სტადია: ჭურჭელი 10 დღით დადგით სითბოში (20-30 გრადუს ტემპერატურაზე). ვაშლის ფაფა დღეში 2-3-ჯერ აურიეთ ხის კოვზით, შემდეგ მოათავსეთ დოლბანდის ტომარაში და გაწურეთ. მიღებული წვენი კიდევ ერთხელ გაწურეთ დოლბანდში, აწონეთ და ჩაასხით ფართოყელიან ჭურჭელში. თითოეულ ლიტრ წვენს შეიძლება დავუმატოთ 50-100 გრამი თაფლი ან შაქარი, ვურიოთ, ვიდრე მასა სრულიად ერთგვაროვანი არ გახდება.
ფერმენტაციის მეორე სტადია: ქილას გადააფარეთ დოლბანდი, პირი მოუკარით და დუღილის გასაგრძელებლად სითბოში დადგით. დუღილი დასრულებულად ითვლება, როცა სითხე დაწყნარდება და დაიწმინდება.
ვაშლის ძმრის დასამზადებლად 40-60 დღეა საჭირო. ჩაასხით ბოთლში (გაფილტრეთ დოლბანდგადაფარებულ ძაბრში), თავი დაუცეთ და სიგრილეში შეინახეთ.

                                                                                  ნანული ბურდიაშვილი

 

 

ბოსტნეულის ელექსირი

ჰიპერტონიკი გახლავართ. აქამდე ყოველ გაზაფხულსა და შემოდგომაზე არტერიული წნევა მითამაშებდა, - გეცოდინებათ, რა სატანჯველიც არის ეს, - მაგრამ აი, უკვე მეორე წელია, თავს გაცილებით უკეთ ვგრძნობ. ეს ჩემი მეუღლის დამსახურებაა, რომელიც ყოველი წლის გარდამავალ პერიოდში ბოსტნეულის თერაპიას მიტარებს. ეს ძალიან ადვილია, მხოლოდ ბოსტნეულის ახალგამოწურული წვენები დაგჭირდებათ.

  • აურიეთ ერთმანეთში 150 მლ ჭარხლისა და 150 მლ სტაფილოს ახალგამოწურული წვენი, დაამატეთ 50 მლ შტოშის წვენი და 150 მლ არაყი. 1 საათის შემდეგ ამ ნარევს ემატება 150 მგ თაფლი. დააცადეთ წვენში გახსნა და შემდეგ კარგად აურიეთ. ნაყენი 3-4 დღით დადგით ბნელ, გრილ ადგილას, შემდეგ კი მაცივარში შედგით. მიიღეთ ყოველდღე, დღეში 3-ჯერ, თითო სადილის კოვზი ჭამის შემდეგ.
    უკეთესობა ორი კვირის შემდეგ ვიგრძენი. წნევა ისევ მაწუხებს, მაგრამ გაცილებით იშვიათად.

                                                          გივი წიბახაშვილი, თბილისი

 

როგორ ვიცხოვროთ პოდაგრით
მსურს, ჩემი პოდაგრასთან ბრძოლის ამბავი მოგითხროთ. ამ მზაკვარმა სნეულებამ სიცოცხლე გამიმწარა. ექიმები ამბობენ, დაავადების მიზეზი არასწორი კვება და ალკოჰოლის სიყვარულიაო, მაგრამ არ მჯერა, რადგან არ ვსვამ, წელიწადში რამდენიმეჯერ თუ დავლევ ორიოდე ქილა ლუდს, არც მეტისმეტად ნოყიერი საკვები მიყვარს.
რამდენიმე წლის წინ შევიტყვე, რომ დაავადება პურინული ცვლის დარღვევის შედეგი ყოფილა და მას მერე ლუდს, ხორცს, თევზს, ნამცხვრებს, ჩაის, ყავასა და კაკაოს აღარც გავკარებივარ. ამასთან ერთად, ყოველდღე ვიღებ ორგანიზმიდან მარილების გამომტან ნაყენს. ბრძოლას ამაოდ არ ჩაუვლია - პოდაგრამ უკან დაიხია და თავს გაცილებით უკეთ ვგრძნობ.

  • ნაყენის მოსამზადებლად უნდა აიღოთ 1 სადილის კოვზი დაქუცმაცებული შავი მოცხარის ფოთოლი, დაასხათ ნახევარი ლიტრი ადუღებული წყალი და ნახევარი საათით დადგათ. უნდა მიიღოთ ნახევარი ჭიქა დღეში 5-6-ჯერ.

მეორე დღეს ასეთივე წესითა და პროპორციით უნდა მოამზადოთ ნაყენი, ოღონდ არა შავი მოცხარის, არამედ წითელი მოცვის ფოთლებისგან და იმავე წესით მიირთვათ.
გახსოვდეთ: მკურნალობისას მთავარი მიზანია, რომლისკენაც განუხრელად უნდა ისწრაფოდეთ. მეუღლე მეუბნება, მკურნალობის შემდეგ ხასიათიც კი გამოგიკეთდა, დამშვიდდი და დაბრძენდიო.
თუ ჩემი ამბავი ვინმეს პოდაგრასთან ბრძოლაში დაეხმარება, მოხარული ვიქნები.

                                                                                 გელა ჩახავა, ზუგდიდი

 

წითელი მოცვის წყალობით ართრიტი ვერაფერს დაგაკლებთ
 ბავშვობიდან მაქვს რევმატოიდული ართრიტი. ახალგაზრდობაში ყოველგვარ წამალს დაუფიქრებლად ვსვამდი, მაგრამ ხანში რომ შევედი, ვიგრძენი, წამლების დაუდევარ სმას ჩემი კუჭ-ნაწლავისთვის დაღი დაესვა. ახლა საკმარისია, ერთი აბი მივიღო, რომ მუხლზე მეტად კუჭი მტკივდება, ამიტომ იძულებული ვარ, ჩემს სნეულებას მცენარეული საშუალებებით ვუწამლო.
ჩემმა ნაცნობ-მეგობრებმა იცოდნენ, ფიტოსაშუალებებს რომ ვეძებდი და ერთ დღეს თანამშრომელმა ეს რეცეპტი ჩამაწერინა. ჯერ ეჭვით შევხედე, მაგრამ როცა ფეხი ისევ ამტკივდა, ცდა ბედის მონახევრეა-მეთქი და ვსინჯე. შედეგმა ყოველგვარ მოლოდინს გადააჭარბა. თქვენც მას გთავაზობთ:

  •  აიღეთ 3-4 ჩაის კოვზი წითელი მოცვის დაქუცმაცებული ფოთოლი, დაასხით 2 ჭიქა მდუღარე წყალი, ადუღეთ 15 წუთს დახურული, მომინანქრებული ჭურჭლით წყლის ორთქლზე. შემდეგ 45 წუთით


გააკეთეთ კომენტარი
თარიღი : 25-05-2015
deda
@თორმეტგოჯა ნაწლავის წყლული ამოქსიცილინი და მეტრონიდაზოლი გიწერიათ გაურკვევლად ყოველი ჭამის შემდეგ კი - (2 და 3) ამოქსიცილინი და მეტრონიდაზოლი!
თარიღი : 17-05-2015
ooo
ქტხოვტ დაწვრილებიტ ამიხსნატ დინგულიანი ტაფლი დგესჰი რამდენჯერ მივიგო და როგორი კოვზიტ,გმადლობბ
თარიღი : 12-04-2015
operacia
მართალია...კუჭისა და თორმეტგოჯა ნაწლავის წლულს,შინაური საშუალებები,ვერას აკლებს. სჭირდება,მედიკამენტოზური მკურნალობა..... მაგრამ გადის ერთი წელი,ან 6 თვე,და ისევ იჩენს თავს,ამიტომ....მისი ამოკვეთაა ჩემი აზრით,ყველაზე მიზანშეწონილი.....
თარიღი : 11-04-2015
თორმეტგოჯა ნაწლავის წყლული
ბავშვობიდან მაწუხებდა ტკივილები კუჭის არეში. ათასი შინაურული წამალი ვცადე: მრავალძარღვით, დინდგელით, კვაწარახით, თხის ქონზე, არყის კვირტეზე და მრავალი... მაგრამ ყველაფერი ამაოდ. გასტროფიბროსკოპით გასინჯვვების შემდეგ პროფესორ იოსელიანის მიერ დამიდგინდა თორმეტგოჯა ნაწლავის წყლული. დამინიშნა მედიკამენტოზური მკურნალობა დიეტით, ასევე გავიარე ექიმ კილაძის მიერ დანიშნული მედიკამენტოზური მკურნალობა ისიც დიეტით, მაგრამ ყველაფერი ისევ ამაოდ. ტკივილით, წელში მოხრილი დავდიოდი, ვერ ვიმართებოდი. კიდევ ერთხელ მივაკითხე იქვე ჩვენს მეზობლად არსებულ კლინიკას. ისევ გასტროფიბროსკოპით გასინჯვის შემდეგ ექიმმა დამისვა თორმეტგოჯა ნაწლავის უკვე "მკოცნავი" (10/8-ზე და 8/6 ზომები) წყლულის დიაგნოზი. გამომიწერა წამლები და მიღების სქემა. მხოლოდ დიაგნოზის წაკითხვის შემდეგ გავიგე, რომ თურმე საქართველოს მთავარ ენდოკრინოლოგ ვანო შენგელიძესთან ვყოფილვარ მისული. მაშინ თანხაც არ მეყო გადასახდელად და დღემდე 20 ლარი მაქვს ვალად. (ამჟამად სად მივაკითხო არ ვიცი) აღდგომოს მადლი შეეწიოს ვანო შენგელიძეს და მის ოჯახს! მინდა თქვენი ჟურნალის მეშვეობით დიდი მადლობა გადავუხადო მას, რადგან მისი მხოლოდ 2 კვირიანი, დიეტის გარეშე (ხაზს ვუსმევ დიეტის გარეშეე) მკურნალობის შედეგად სრულიად გამოჯანვმრთელდი! ეხლა წამლების დასახელება და მიღების სქემა 2 კვირის (მე მეყო! პროფილაქტიკისთვის 6 თვის შემდეგ ჩემით ისევ გავიმეორე) განმავლობაში: 1) ომეპრაზოლი 2) ამოქსიცილინი 3) მეტრონიდაზოლი დილით უზმოზე და საღამოს, ჭამის წინ - (1) ომეპრაზოლი! ყოველი ჭამის შემდეგ კი - (2 და 3) ამოქსიცილინი და მეტრონიდაზოლი! ჭამა დღეში 4-ჯერ, 4 საათიანი ინტერვალებით. ანუ თუ საუზმე 8 საათზეა, მაშინ სადილი 12 საათზე, სამხარი 4 საათზე და ვახშამიც 8 საათზე. ჰო, ერთიც... -პომიდორს კანი გადააცალე და ისე მიირთვიო :) დღემდე ასე ვაკეთებ :)
რეკომენდებული პროდუქტები
ნერვული სისტემის გაძლიერებისთვის -60აბი
ფასი: 22.9
მხედველობის ჯანმრთელობისთვის -60 აბი
ფასი: 39.9
ჯანსაღი თმის შესანარჩუნებლად
ფასი: 75
ჯანსაღი თმის შესანარჩუნებლად
ფასი: 75
დიეტოლოგია
კუჭის ტკივილს უამრავი მიზეზი აქვს. ზოგჯერ ეს სიმპტომი მეტად სერიოზული დაავადების მანიშნებელია:
პრიმატებზე ჩატარებული ექსპერიმენტები მეტყველებს, რომ ხმელთაშუა ზღვის დიეტა იძლევა საშუალებას, რომ შევინარჩუნოთ
იოდის დეფიციტი ადამიანის ჯანმრთელობისთვის ძალიან სახიფათოა. იოდის დონის დაქვეითების აღმოსაფხვრელად ექსპერტები
ნიუ-იორკის ბევრმა მცხოვრებმა დაიწყო მწნილის წვენის შეძენა. ერთი ქილა მწნილის წვენის ფასი 3-დან 45 დოლარამდეა.
მეცნიერულად დადასტურებულია, რომ ნიორი კეთილისმყოფელ გავლენას ახდენს სისხლის შედგენილობაზე, აფერხებს
კბილის ზომამ სიგრძეში შეადგინა 3,72 სმ. პაციენტმა ექიმს მიმართა მწვავე ტკივილის გამო. კბილმა, ანომალური ზომების გამო, გამოიწვია ზედა ყბის ანთება.
მამობის მსურველი მამაკაცებისთვის ჩასახვის შანსი იზრდება კარგი ძილის შემთხვევაში. რეკომენდებულია დასაძინებლად დაწოლა 22:30 საათზე.
+
გახდი რეკომენდებული ექიმი
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
გახდი რეკომენდებული კლინიკა
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
შეტყობინება წარმატებით გაიგზავნა !
მკურნალის რედაქცია დაგიკავშირდებათ ტექნიკური დეტალების შესათანხმებლად