დავეხმაროთ ერთმანეთს
სძლიეთ ზამთრის დეპრესიას მარტივად
თუ ზამთარში მზის სინათლის შემცირება, ღამის გადიდება და აცივება თქვენს დეპრესიას იწვევს, ეს სამკურნალო საშუალებები სწორედ სათქვენო ყოფილა:
- 2 წილი მოცვის ნაყოფი, 3 წილი ჭინჭრის ფოთოლი და 3 წილი ასკილის ნაყოფი დააქუცმაცეთ და აურიეთ. მცენარეთა ნაკრების 4 ჩაის კოვზს დაასხით ერთი ჭიქა მდუღარე წყალი, დააყენეთ 3-4 საათი და შემდეგ გაფილტრეთ. მიღებული ნაყენი უნდა დალიოთ ერთ დალევაზე. სასურველია, თუ მას დღეში 3-ჯერ მაინც მიიღებთ.
მოცვი, ჭინჭარი და ასკილი მდიდარია იმ ნაერთებით, რომლებიც ორგანიზმს ძველ ენერგიასა და ამტანობას ისე უბრუნებს, რომ მას დეპრესია ვეღარაფერს აკლებს;
ზამთრისმიერ უგუნებობას შეგიძლიათ ასეც ებრძოლოთ:
- 2 ჩაის კოვზ პილპილის მარცვალს დაასხით 2 სადილის კოვზი ნატურალური თაფლი და კარგად აურიეთ, შემდეგ დაასხით 2 ჭიქა მდუღარე წყალი და ნახევარი საათი ხარშეთ ნელ ცეცხლზე. გადმოდგმის შემდეგ ისევ ნახევარი საათი დააყენეთ თავდახურულ მომინანქრებულ ჭურჭელში, შემდეგ გადაწურეთ. მიღებული ნახარში დალიეთ დღეში ორჯერ. მკურნალობის კურსი 10 დღეა.
მიიღეთ ეს ნაყენები და დეპრესია ნუღარ შეგაშინებთ.
შ. ხ. თბილისი