დავეხმაროთ ერთმანეთს
მათ მინდა გავანდო ჩემ მიერ გამოცდილი ეფექტური და შედეგიანი საშუალება:
- აიღეთ 25 გ მაყვლის ფოთოლი, 20 გ შავბალახა და ამდენივე ტყის ჩიტისთვალა, 10 გ კუნელის ყვავილი. ყველაფერი აურიეთ და გაყავით 10 თანაბარ ნაწილად. ყოველ დილას ნარევის 1 წილს დაასხით 2 ჩაის ჭიქა მდუღარე წყალი, მჭიდროდ დაახურეთ სარქველი ჭურჭელს, შეფუთეთ პირსახოცით და გააჩერეთ 2 საათი. ამის შემდეგ გადაწურეთ და ნაყენი მიიღეთ მთელი დღის განმავლობაში, ნებისმიერ დროს. ერთი კვირის შემდეგ ალები აღარ მქონდა და ჯანმრთელობის მდგომარეობაც გამიუმჯობესდა, მაგრამ მის სმას მაინც ვაგრძელებდი და სრულად გამოვიყენე მცენარეული ნარევის 10-ივე წილი.
ღვიძლი ადამიანის ერთ-ერთი ყველაზე მნიშვნელოვანი ორგანოა, რომელიც ფილტრავს ორგანიზმში მოხვედრილ ნებისმიერ ტოქსინსა და მავნე ნივთიერებას. ამიტომ ეკოლოგიურად დაბინძურებულ გარემოში ის ყველაზე მეტად იტვირთება და ზოგჯერ მწყობრიდანაც გამოდის.
მათ, ვინც ხანგრძლივად იღებს ქიმიურ პრეპარატებს ან სხვა ტოქსინების ზემოქმედების ქვეშ უწევს ყოფნა, წელიწადში ორჯერ ღვიძლის დამცავი თერაპიის ჩატარებას ვურჩევ.
- ვარდკაჭაჭას ფესვები და ღეროები დააქუცმაცეთ, 2 სადილის კოვზს დაასხით ნახევარი ლიტრი მდუღარე წყალი, ხარშეთ 15 წუთის განმავლობაში და გადაწურეთ. შემდეგ დაამატეთ 2 სადილის კოვზი ნატურალური თაფლი და 1 ჩაის კოვზი ძმარი. ნახარში უნდა დალიოთ ყავის ჭიქით, სადილამდე 1 საათით ადრე, 1 კვირის განმავლობაში.
ივანე ლომსიანიძე, ზესტაფონი