დავეხმაროთ ერთმანეთს - მკურნალი.გე

ენციკლოპედიაგამომთვლელებიფიტნესიმერკის ცნობარიმთავარიკლინიკებიექიმებიჟურნალი მკურნალისიახლეებიქალიმამაკაციპედიატრიასტომატოლოგიაფიტოთერაპიაალერგოლოგიადიეტოლოგიანარკოლოგიაკანი, კუნთები, ძვლებიქირურგიაფსიქონევროლოგიაონკოლოგიაკოსმეტოლოგიადაავადებები, მკურნალობაპროფილაქტიკაექიმები ხუმრობენსხვადასხვაორსულობარჩევებიგინეკოლოგიაუროლოგიაანდროლოგიარჩევებიბავშვის კვებაფიზიკური განვითარებაბავშვთა ინფექციებიბავშვის აღზრდამკურნალობასამკურნალო წერილებიხალხური საშუალებებისამკურნალო მცენარეებიდერმატოლოგიარევმატოლოგიაორთოპედიატრავმატოლოგიაზოგადი ქირურგიაესთეტიკური ქირურგიაფსიქოლოგიანევროლოგიაფსიქიატრიაყელი, ყური, ცხვირითვალიკარდიოლოგიაკარდიოქირურგიაანგიოლოგიაჰემატოლოგიანეფროლოგიასექსოლოგიაპულმონოლოგიაფტიზიატრიაჰეპატოლოგიაგასტროენტეროლოგიაპროქტოლოგიაინფექციურინივთიერებათა ცვლაფიტნესი და სპორტიმასაჟიკურორტოლოგიასხეულის ჰიგიენაფარმაკოლოგიამედიცინის ისტორიაგენეტიკავეტერინარიამცენარეთა მოვლადიასახლისის კუთხემედიცინა და რელიგიარჩევებიეკოლოგიასოციალურიპარაზიტოლოგიაპლასტიკური ქირურგიარჩევები მშობლებსსინდრომიენდოკრინოლოგიასამედიცინო ტესტიტოქსიკოლოგიამკურნალობის მეთოდებიბავშვის ფსიქოლოგიაანესთეზიოლოგიაპირველი დახმარებადიაგნოსტიკაბალნეოლოგიააღდგენითი თერაპიასამედიცინო ენციკლოპედიასანდო რჩევები

დავეხმაროთ ერთმანეთს

იცის, რა მტანჯველი რამ არის. ამიტომ ჩემი გამოცდილება მინდა სხვებსაც გავუზიარო.

59 წლის ვარ და მთელი ცხოვრება კბილების სათანადოდ მოვლას ვცდილობდი, მაგრამ ერთხელ კბილი მაინც ამტკივდა და კოშმარი განმაცდევინა. ტკივილი თავში, ყურში, თვალსა და ყელშიც კი ვრცელდებოდა, ამ მდგომარეობას სალბის ნაყენით გავუმკლავდი:

  • 2 სუფრის კოვზ სალბის ფოთლებს დაასხით ნახევარი ლიტრი მდუღარე წყალი, გააჩერეთ 1 საათით და თბილი ნაყენი გამოივლეთ პირის ღრუში.

ზაზა კვაღინიძე, ოზურგეთი

ქრიზანთემის ყვავილის ფურცლები დაგამშვიდებთ და განწყობილებას გაგიუმჯობესებთ

რამდენიმე ხნის წინ გადატანილი უსიამოვნებებისა და სტრესის შემდეგ გუნება-განწყობილება დამიქვეითდა, დამეწყო შფოთვა და ქოშინი. მეგობარმა ქრიზანთემის ყვავილის ფურცლების აბაზანები მირჩია:

  • კვირაში 2-3-ჯერ 2 ჩაის ჭიქა მდუღარე წყალი დაასხით ქრიზანთემის რამდენიმე ყვავილის ფურცელს, დაახურეთ სარქველი და გააჩერეთ გაგრილებამდე. თბილი წყლის აბაზანაში ნაყენი ყვავილის ფურცლებთან ერთად ჩაასხით და ჩაწექით 10-15 წუთით. სულ მალე თქვენი პრობლემა დაგავიწყდებათ.

დეა ჭოლოკავა, ზუგდიდი

ქერტლისა და თმის ცვენის სამკურნალო შამპუნი

ქერტლისა და თმის ცვენის სამკურნალო შამპუნის დასამზადებლად მოაგროვეთ ჭინჭარი, მრავალძარღვა, კრაზანა, ვირისტერფა და კულმუხო. ყველაფერი გარეცხეთ და გაატარეთ ხორცსაკეპ მანქანაში. შემდგომ კარგად გამოწურეთ წვენი.

დარჩენილ მცენარეებს დაასხით 3-4 ლიტრი წყალი და ნელ ცეცხლზე 10-15 წუთით გააჩერეთ, რომ კარგი ნახარში მიიღოთ.

  • გამოწურული წვენი უნდა შეიზილოთ თავის კანსა და თმაში, თავზე ცელოფნის პარკი დაიფარეთ, შემდეგ კი - თავსაფარი და გაიჩერეთ 2-3 საათი. შემდეგ თავი ამავე მცენარეების ნახარშის ნაწურით დაიბანეთ, ბოლოს კი, ჩვეულებრივად, თბილი წყალი გადაივლეთ.

ასე უნდა მოიქცეთ კვირაში 3-ჯერ, 3 კვირის შემდგომ თავის კანი სრულად გასუფთავდება როგორც ქერტლის, ისე ცხიმისაგან.

რომან ნ. ცხრაწყარო

დეპრესიისგან ნიორი გიხსნით

ნევრასთენია, დეპრესია, ფიზიკური და გონებრივი გამოფიტვა, ქრონიკული დაღლილობა - ეს ხომ თანამედროვე ცხოვრების თანმდევი მოვლენები გახდა, ხშირად ყოველივეს უძილობაც დაერთვის და ადამიანის ცხოვრების ხარისხი მნიშვნელოვნად ქვეითდება.

ჩემს გაოცებას საზღვარი არ ჰქონდა, მეგობარმა ამ სიმპტომთაგან განსკურნებლად ნიორი რომ შემომთავაზა. ნიორს, სხვა მრავალ სასარგებლო თვისებასთან ერთად, მსგავსი პრობლემების მოგვარებაც შესძლებია:

  • კარგად გაატარეთ ნიორი ხორცსაკებ მანქანაში ან ნივრის საჭყლეტში. 0,5 ჭიქა გატარებულ ნიორს დაუმატეთ 1 ჭიქა ხახვის წვენი. აურიეთ კარგად და დაუმატეთ 1 ლიტრი ვაშლის ნატურალური ძმარი. დადგით ბნელსა და თბილ ადგილად 1 დღე-ღამე, დროდადრო ოდნავ მოურიეთ ან შეანჯღრიეთ. მომდევნო დღეს შეათბეთ 0,5 კგ ნატურალური თაფლი 30 წუთის განმავლობაში ისე, რომ არ აადუღოთ. თაფლის გათბობისას მის თავზე წარმოქმნილი ქაფი უნდა მოაცილოთ. თაფლი ოდნავ რომ გაცივდება, დაასხით ნივრისა და ხახვის წვენის ნარევს და დადგით 10 დღე. დროდადრო კვლავ ურიეთ. უნდა მიიღოთ 4-ჯერ დღეში 1 ჩაის კოვზით, ჭამიდან 1,5 საათის გასვლის შემდგომ. 1-თვიანი ასეთი მკურნალობის ეფექტიანობაში თავად დარწმუნდებით.

ტატიანა რ. გორი

ენტერიტთან გამკლავებაში გვირილა დამეხმარა

გვირილა დამეხმარა უამრავ დაავადებასთან გამკლავებაში, მათ შორის - ენტერიტთანაც, რომელიც რამდენიმე წლის განმავლობაში სიცოცხლეს მიმწარებდა. ენტერიტი წვრილი ნაწლავების დაავადებაა, რომელიც საჭმლის ნორმალურ მონელებას უშლის ხელს.

გვირილა კუჭსა და ნაწლავებს აცილებს დაზიანებულ ლორწოვან გარსს, აქრობს ანთებას და ტკივილსაც აამებს, ამცირებს ნაწლავებში დუღილის პროცესებს.

  • აიღეთ 2 სადილის კოვზი გვირილის დაქუცმაცებული ყვავილები, დაასხით 500 მლ მდუღარე წყალი და ჩაასხით თერმოსში. დადგით 1-2 საათი, გაწურეთ. მიღების წინ გახსენით მასში 50 გრამი თაფლი და დალიეთ 3-4 ჯერზე დღის განმავლობაში. მკურნალობის კურსი თვეა, აუცილებლობის შემთხვევაში, შეგიძლიათ ორკვირიანი შუალედის შემდგომ გაიმეოროთ. ორი კურსის შემდეგ განიკურნებით ენტერიტისგან და მისი მიღება შემდგომ უკვე წელიწადში ერთხელ მოგიწევთ პროფილაქტიკისთვის.

ქეთევან მ., ტაბახმელა

გამოჯანმრთელებას კრაზანას ვუმადლი

ორსულობისა და ცხოვრების არასწორი წესის გამო ახალგაზრდობაშივე დამეწყო ქვედა კიდურებთან დაკავშირებული პრობლემები და ლიმფოსტაზი განმივითარდა.

შესივებული კიდურები, გარდა იმისა, რომ არაესთეტიკური იყო პერიოდულად გაჩენილი ტროფიკული წყლულების გამო, ჯანმრთელობის პრობლემებსაც მიქმნიდა. ბოლოს მეგობარმა მირჩია კრაზანასგან დამზადებული საშუალება მეცადა, რადგან ის კარგად კურნავდა წყლულებს:

  • აიღეთ ამ მცენარის ახალი ფოთლები, გარეცხეთ და გააშრეთ ნაჭერზე, ჩრდილში და არა მზეზე. შემდეგ ჩადეთ სქელ ცელოფანში და კარგად დანაყეთ, ისე, რომ წვენი არ დაკარგოს და ამავე სახით დაიდეთ უშუალოდ წყლულებზე. ზემოდან შეგიძლიათ წყლული კომპრესის ქაღალდით დაფაროთ ან დოლბანდით მსუბუქად შეიხვიოთ. ნახვევი უნდა გამოიცვალოს 2-3 საათის შემდგომ, სასურველია, თუ დღეში მას 3-ჯერ გამოცვლით. შედეგი მე-3 დღეს დავინახე. იმ დღიდან კრაზანა მუდმივად არის ჩემს აფთიაქში და ძველებურად აღარც წყლულების გაჩენა მაშინებს.

ნინო ს. თბილისი