ქაცვის ზეთი უებარი რამაა
- გამოწურეთ ქაცვის ნაყოფის წვენი და დააკონსერვეთ. ზეთის მისაღებად კი მისი თესლები გაატარეთ ხორცსაკეპ მანქანაში, მოათავსეთ მინის ქილაში. დაასხით იმდენი მზესუმზირის ზეთი, რომ დაიფაროს. შედგით აერღუმელში 60 გრადუსზე 1 საათის განმავლობაში. როდესაც მასა გაცივდება გაწურეთ და მიღებული ზეთი თესლის ახალ ულუფას დაასხით. ასე უნდა გაიმეოროთ 3-ჯერ. ამის შემდგომ მიიღებთ ქაცვის ზეთს, რომელიც გაჯერებული იქნება მისთვის დამახასიათებელი ყველა სასარგებლო ნივთიერებით.
მისი გამოყენება შეგიძლიათ კუჭისა და თორმეტგოჯა ნაწლავის წყლულოვანი დაავადებისა და გასტრიტის შემთხვევაში. განსაკუთრებით სასარგებლოა მისი ღრძილებზე წასმა პაროდონტოზის დროს, კარგია ტამპონები საშვილოსნოს ყელის ეროზიებისას, შველის ძნელად შესახორცებელ ჭრილობებს.
გარდა ამისა, ქაცვის ზეთი აქვეითებს სისხლში ქოლესტეროლის დონეს და ამით ამცირებს ათეროსკლეროზის განვითარების რისკს, ამ მიზნით ის უნდა მიიღოთ 1 ჩაის კოვზი 2-3-ჯერ დღეში.
თაკო ნამიჭეიშვილი, ქუთაისი