რადიკულიტი აღარ მაშინებს
10.11.2023
ყველამ ვიცით, ახალგაზრდობაში ადამიანი ძალებს არ ზოგავს, არ უფრთხილდება თავს, ფიქრობს, ყოველთვის შეძლებს სიმძიმეების აწევას, დიდი ფიზიკური დატვირთვების ატანას და მხოლოდ ასაკის მატებასთან ერთად იმკის დაშვებული შეცდომების შედეგს.
ასე დამემართა მეც, როდესაც 43 წლის ასაკში ხერხემალში რამდენიმე თიაქარი გამიჩნდა. მართალია ზომის გამო ოპერაცია არ მჭირდება, მაგრამ ხშირი რადიკულიტი ნამდვილად მიმწარებდა ცხოვრებას, ვიდრე ეს საშუალება არ დამეხმარა:
- აიღეთ 50 გრამი ძმარი, 1 ქათმის კვერცხი ნაჭუჭიანად, თითო-თითო სადილის კოვზი შავი ხორბლის ფქვილი, კარაქი და ნატურალური თაფლი. ყველაფერი მინის ქილაში მოათავსეთ, თავზე მჭიდროდ დააფარეთ და შედგით ბნელ კარადაში. კვერცხის ნაჭუჭი გალღვება და გაიხსნება ძმარში. შემდეგ აიღეთ პოლიეთილენის პარკი ზომით 10X10, არც ისე სქელ ფენად წაუსვით ეს წამალი და დაიდეთ ხერხემალზე, მტკივნეულ ადგილზე. შემდგომ შემოიხვიეთ ე.წ. ვაფლის პირსახოცი. ასე შინ სიარულიც შეგიძლიათ, დაწოლა აუცილებელი არ არის. ნახვევი ერთ საათამდე მაინც უნდა გაიჩეროთ. როცა მოიხსნით, კანზე თეთრ ბუშტუკს შეამჩნევთ – ეს დამწვრობაა, ოღონდ დიდად საზიანო არ გახლავთ, მალევე შეხორცდება. თეთრი ბუშტუკი შესაძლოა არც ჩამოყალიბდეს, ეს კანის მგრძნობელობასა და სისქეზეა დამოკიდებული. გაიმეორეთ იგივე 2-3-ჯერ, ვიდრე ტკივილი არ გაგივლით და შვებას არ იგრძნობთ.
საბა, თბილისი
