ბრინჯის ნაყენით ოსტეოქონდროზს გაუმკლავდებით
წელის მალების ოსტეოქონდროზი ათასობით ადამიანის პრობლემაა. მათ შორის აღმოვჩნდი მეც. მართალია, მედიკამენტური მკურნალობის წყალობით მწვავე ტკივილები აღარ მაწუხებს, მაგრამ საკმარისია წელიწადის გარდამავალ პერიოდში მეტეოცვლილებები დაიწყოს, რომ ტკივილები კვლავ მახსენებს თავს, სწორედ ამ დროს მივმართავ ჩემს მშველელ ბრინჯის ნაყენს:
- 1 ლ წყალი აადუღეთ და გააცივეთ, შემდეგ წყალში ჩაყარეთ 4 სადილის კოვზი ბრინჯი, 3 სადილის კოვზი შაქარი და 5-10 ცალი ქიშმიში. დააყენეთ მზეზე 4 დღის განმავლობაში, თუ ძალიან ცხელა – 3 დღეც კმარა. გაწურეთ და წვენი მაცივარში შეინახეთ. მიიღეთ ნახევარი ჩაის ჭიქა სამჯერ დღეში, ჭამის შემდეგ. პირველი ნაყენის გაწურვის შემდეგ დარჩენილ ნედლეულს დაასხით 1 ლიტრი წყალი, დაამატეთ კიდევ 3 სადილის კოვზი ბრინჯი და შაქარი, 5 ცალი ქიშმიში და დააყენეთ იმავე რეჟიმში.
მესამედ გაწურვის შემდეგ ნედლეულს დაამატეთ 2 სადილის კოვზი ბრინჯი და შაქარი, 3 ცალი ქიშმიში.
მეოთხე დღეს კი ახალი უნდა დაამზადოთ და კვლავ სამი დღე მიიღოთ. შემდეგ შეისვენეთ. თუ ტკივილმა კვლავ შეგახსენათ თავი, შეგიძლიათ მკურნალობა 10 დღემდე გააგრძელოთ.
ნიკო მოდებაძე, თბილისი