ბაბუაწვერა და ლიმონი სისხლის საუკეთესო შემავსებლებია
მაინც საყოველთაო პრობლემაა ვიტამინებითა და მიკროელემენტებით ორგანიზმის შევსება, ისიც არავის უკვირს, რომ სისხლნაკლებობა თითქმის ყოველი მეათე ადამიანის პრობლემაა. ათასგვარი ანემია არსებობს, მე კი მინდა, რკინის დეფიციტით გამოწვეული ანემიის სამკურნალო რეცეპტი შემოგთავაზოთ:
- 1 ჭიქა პომიდვრის ახალგამოწურულ წვენს დაუმატეთ 1 სადილის კოვზი თაფლი და დალიეთ ერთი მესამედი ჭიქის ოდენობით, დღეში 3-ჯერ, ჭამამდე ნახევარი საათით ადრე. ეს წვენი ძალზე სასარგებლოა ათეროსკლეროზის წინააღმდეგაც.
შეგიძლიათ სცადოთ მეორე რეცეპტიც, რომელიც ბაბუაწვერას ყვავილებისგან მზადდება:
- დილის 6-7 საათზე დაკრიფეთ ბაბუაწვერას ყვავილები და დაასხით 900 მლ წყალი, დაამატეთ კანგაცლილი ლიმონის 2-3 ნაჭერი და ადუღეთ დაბალ ცეცხლზე 4-5 წთ. გადმოდგით, რომ გაცივდება, გაწურეთ და დაამატეთ 1 კგ შაქარი, შემდეგ ისევ ადუღეთ 6-8 წთ. მიიღებთ სქელ, მურაბის კონსისტენციის ნამზადს, რომელიც ძალიან სასარგებლოა ანემიის მქონე ბავშვებისთვისაც და დიდებისთვისაც. შეგიძლიათ მიიღოთ 1-2 ჩაის კოვზი სამჯერ დღეში.
ნინო ს. ხობი