ყელის ძლიერ ტკივილს ანისული დაგიამებთ
საკმარისია, ოდნავ აცივდეს ან რამე ცივი შევჭამო, რომ მაშინვე მიძნელდება ნერწყვის ყლაპვა და ცოტა ხანში ყელის ძლიერი ტკივილი აღარ მაძინებს. ბოლო დროს ნაცნობის რჩევით ყელის ტკივილს ანისულისგან მომზადებული წამლით ვებრძვი.
- უნდა აიღოთ ჭიქანახევარი ანისულის თესლი და დაასხათ იმავე რაოდენობის ცივი წყალი, ადუღოთ ნელ ცეცხლზე 15 წუთი, რომ შეგრილდება, გაფილტროთ და შეურიოთ 1 ჭიქა ცაცხვის თაფლი, შემდეგ კვლავ ცეცხლზე შემოდგათ და კიდევ ერთხელ წამოადუღოთ. ვიდრე გაცივდება, დაამატეთ 1 სადილის კოვზი კონიაკი.სწრაფი ეფექტისთვის უნდა მიიღოთ თითო სადილის კოვზი ყოველ ნახევარ საათში ერთხელ. ამ წამლის სმა 10 დღემდე შეგიძლიათ, ვიდრე სიწითლე და ტკივილი არ გაივლის.