ნაღვლის ბუშტის პრობლემების დროს ეს საშუალება მიიღეთ
ვიცავდი დიეტას, მეგობარმა მირჩია ამ საშუალების მიღება, რომელიც ეფექტური აღმოჩნდა:
- 1 კგ კარტოფილი გარეცხეთ, არ გათალოთ, დაასხით 6 ლიტრი წყალი და ხარშეთ ნელ ცეცხლზე 4 საათი. დაუმატეთ მცირე რაოდენობით მარილი, ნახარში არ გადაასხათ და გააკეთეთ პიურე, რომელიც თხევადი უნდა იყოს. ქვაბი დატოვეთ რამდენიმე საათით, რათა პიურე დაილექოს. ზედა ნაწილზე წარმოიქმნება გამჭვირვალე სითხე, რომელიც საჭიროა. ფრთხილად გადაწურეთ და მიიღეთ 2 სუფრის კოვზი სამჯერ დღეში, ჭამამდე ნახევარი საათით ადრე, ერთი თვის განმავლობაში. ასეთი კარტოფილის თერაპია განაახლებს ღვიძლს, გამოიყვანს სითხეს ორგანიზმიდან, მოაწესრიგებს ნაღვლის გამოყოფას.
ნათელა გამცემლიძე, ქუთაისი
სახსრების ტკივილს ეს ნარევი დაგიამებთ
პერიოდულად, წელიწადის დროის ცვლილებისას, მაწუხებს სახსრების ძლიერი ტკივილი. ჩემმა შვილმა გამიკეთა შინაური წამალი, რომლის კომპრესის სახით გამოყენება შვების მომტანია ჩემთვის. მიამებს ტკივილს და მოძრაობაც უფრო თავისუფლად შემიძლია:
- 1 სუფრის კოვზი თაფლი, 1 სუფრის კოვზი მდოგვის ფხვნილი, 1 სუფრის კოვზი ზეთი ერთმანეთში აურიეთ, დადგით ნელ ცეცხლზე და მიიყვანეთ ადუღებამდე. ნარევი გადმოიტანეთ სუფთა ქსოვილზე და გაიკეთეთ კომპრესი. შეიხვიეთ პოლიეთილენის პარკითა და შალის სარფით. კომპრესი მოიხსენით 1,5-2 საათის შემდეგ.
ლალი ცხოვრებაშვილი, რუსთავი