ჰერპესის სამკურნალო "სასწაულმოქმედი" მალამო - ჩასანიშნი რეცეპტი - მკურნალი.გე

”მკურნალის” რედაქცია

მინდა, გაგაცნოთ რეცეპტი, რომელიც ჩემს ოჯახში დიდი ხანია ინახება. ჰერპესი ბევრს მხოლოდ გაციების შემდეგ ნესტოებთან და ტუჩის კუთხეში გაჩენილი ბუშტუკები ჰგონია. მართლაც, ასეთი ფორმის ჰერპესი საკმაოდ ხშირია, მაგრამ თურმე სხვა, უფრო სერიოზული ფორმებიც არსებობს.

ძველად გამოსაჩენი ადგილებიდან არასასიამოვნო, ზოგჯერ მტკივნეული გამონაყარის გასაქრობად სპეციალურ კრემს იყენებდნენ. ეს სასწაულმოქმედი მალამო ასე მზადდება:

• აიღეთ 1 სუფრის კოვზი ოროვანდის ნედლი ფოთოლი და 1/2 სუფრის კოვზი სამფერა იის ნედლი ყვავილი. ეს მცენარეები დასრისეთ და აურიეთ ერთმანეთში ერთგვაროვანი მასის მიღებამდე. შემდეგ დაასხით 0,5 ლ მცენარეული ზეთი, გადაიღეთ მინის ბოთლში და დადგით სიბნელესა და სიგრილეში, თან დროდადრო შეანჯღრიეთ. ორი კვირის თავზე ჩადგით მდუღარე წყლის აბაზანაში და წამოადუღეთ, შემდეგ შეფუთეთ და 1 საათით ასე დატოვეთ. ბოლოს გაფილტრეთ. წაისვით გამონაყარზე. ეფექტურია არამხოლოდ ჰერპესის დროს.

კრემი უნდა მოამზადოთ მცენარეების ყვავილობის დასაწყისში. თუ გრილ, ბნელ ადგილას შეინახავთ, მთელი წელი არ გაფუჭდება.