ლალი ჩხიკვაძე

თუმცა, უნდა იცოდეთ როგორ აირჩიოთ კარგი ანანასი.

როგორ შევარჩიოთ ანანასი

ყურადღება მიაქციეთ ფერს და კანს. პროდუქტი უნდა იყოს მოყვითალო-ყავისფერი ფერის და გლუვი ქერცლებით.

ასევე უნდა დააკვირდეთ ზედაპირს. მასზე არ უნდა იყოს ლაქები, ნაწიბურები და ნაკაწრების.

წონასაც აქვს მნიშვნელობა. რაც უფრო მძიმეა ანანასი, მით უკეთესია. ნაყოფი არ უნდა იყოს მომჭკნარი.

ყურადღება მიაქციეთ სუნს. კარგ ანანასს აქვს ნაზი, ტკბილი არომატი. არ უნდა ჰქონდეს ლპობის ან სხვა მინარევების ნოტები.

კარგი ანანასის ყუნწი მწვანეა და ადვილად გამოეყოფა ფოთლებს. ასევე, მნიშვნელოვანია ხმა, მიუხედავად იმისა, რომ ეს არ არის საზამთრო. დააკაკუნეთ ანანასზე. თუ ხმა ყრუა, შეგიძლიათ უსაფრთხოდ შეიძინოთ ხილი - ის მწიფეა.

როგორ შევინახოთ ანანასი

უმჯობესია შეინახოთ პროდუქტი ოთახის ტემპერატურაზე, მძაფრი სუნის მქონე პროდუქტებისგან მოშორებით (ძეხვი, თევზი). საქმე ისაა, რომ ანანასი ადვილად შთანთქავს სხვა პროდუქტის სურნელს. ანანასი სასურველია მოათავსოთ სამზარეულოს კარადის ბნელ კუთხეში, პლასტმასის ნახვრეტებიან კონტეინერში (ვენტილაციისთვის). ამ პირობებში ნაყოფი ინახება დაახლოებით ერთი კვირის განმავლობაში და მისი გემო არ შეიცვლება.

როგორ მივირთვათ ხილი

უნდა მოაჭრათ ყუნწი ფოთლებით, გაასუფთავოთ ნაყოფი კანისგან და ამოიღოთ გული. შეგიძლიათ ასევე ნაყოფი ჯერ წრეებად დაჭრათ, შემდეგ კი თითოეული ნაჭრიდან მოაშოროთ ქერცლები და ამოიღოთ მყარი შუა ნაწილი. ზოგი ჯერ მთელ ნაყოფს აცლის კანს და ქერცლებს და მხოლოდ ამის შემდეგ ჭრის, ესეც დასაშვებია.

10 მიზეზი, თუ რატომ უნდა მივირთვათ ანანასი

1. პროდუქტი შეიცავს ბრომელინს. ეს არის სპეციფიკური ფერმენტი, რომელსაც აქვს ანთების საწინააღმდეგო ეფექტი.
2. გარდა ამისა, ანანასი თითქმის 88% წყლისგან შედგება, დანარჩენი კი უბრალო შაქარია (11-12%). ამის გამო, პროდუქტი შესანიშნავად კლავს წყურვილის და შიმშილის გრძნობას.
3. ნაყოფი არ შეიცავს სახამებელს.
4. ანანასი შეიცავს ლიმონის და ასკორბინის მჟავებს (50%), ამიტომ კარგია იმუნური სისტემისთვის.
5. რბილობი შეიცავს უამრავ კალიუმს, ამიტომ ნაყოფი დაგეხმარებათ გაუმკლავდეთ წყალ-მარილოვანი ბალანსის დარღვევას და მცირე შეშუპებას.
6. 100 გრამი ნაყოფი შეიცავს მხოლოდ 48 კკალს, ამიტომ ის იდეალურია მათთვის, ვინც წონაში იკლებს.
7. ჭიქა ახალგამოწურული ანანასის წვენი დაგეხმარებათ კუჭის წვენის გამომუშავების შემცირებაში.
8. 100 გრამი ხილის ნაჭერი შეიცავს სამჯერ მეტ სილიციუმის დღიურ მოთხოვნილებას. ეს უკანასკნელი კი საჭიროა ჭრილობების სწრაფი შეხორცებისთვის.
9. ანანასი შეიცავს მანგანუმს, რომელიც კარგია ნერვული სისტემისთვის.
10. შეიცავს ანტითრომბოციტულ აგენტებს, რომლებიც ამცირებენ სისხლის სიბლანტეს, რაც გვიცავს თრომბოზისა და თრომბოფლებიტისგან.

ვისთვის არის უკუნაჩვენები?

ინდივიდუალური აუტანლობა, კუჭის-ნაწლავის სისტემის, პირის ღრუს დაავადებების მქონე პირებმა, ორსულმა და მეძუძურმა დედებმა თავი უნდა შეიკავონ ანანასის მირთმევისგან.