ნანა კალანდაძე

ჯანჯაფილს ორგანიზმისთვის მრავალი სარგებლის მოტანა შეუძლია, მათ შორის –

• ტკივილის შემსუბუქება,
• საჭმლის მომნელებელი სისტემის გაუმჯობესება,
• გულის რევის შეგრძნების გაქრობა.

ყველაზე მეტად გამოიყენებენ მის ფესვს, რამდენადაც მდიდარია სასარგებლო თვისებებით და მისი მიღება შესაძლებელია უმად, როგორც ხმელი სუნელი ან ფხვნილის, წვენისა და ზეთის სახით.

8 მიზეზი, თუ რატომ უნდა მივიღოთ ჯანჯაფილი რეგულარულად:

ამსუბუქებს ტკივილს

კვლევების თანახმად, რომელიც ჯორჯიის უნივერსიტეტში ჩატარდა, ყოველდღიურად ჯანჯაფილის გამოყენება 25%-ით ამსუბუქებს ტკივილს კუნთებში. ამასთან, ამ საოცარ მცენარეს შეუძლია მენსტრუალური ციკლის დროს ტკივილის მოხსნა.

ამცირებს ქოლესტერინის დონეს

კიდევ ერთმა კვლევამ, რომელიც 45 დღის მანძილზე გრძელდებოდა და რომელშიც ქოლესტერინის მაღალი მაჩვენებლის მქონე 85 პაციენტი მონაწილეობდა, აჩვენა რომ 3გრ. ჯანჯაფილის ფხვნილის მიღება ყოველდღიურად, სისხლში ქოლესტერინის დონეს საგრძნობლად ამცირებს. ამას გარდა, მკვლევარები ვარაუდობენ, რომ ის ამცირებს გულ-სისხლძარღვთა დაავადებების რისკსაც.

აუმჯობესებს საჭმლის მომნელებელი სისტემის მუშაობას

შეიცავს ფენოლის ნაერთებს, რომელიც ხსნის გაღიზიანებას კუჭ-ნაწლავის ტრაქტში. ამასთან, ხელს უწყობს ლორწოსა და ნაღვლის წვენის გამომუშავებას და ამ გზით ეხმარება საკვებს კუჭ-ნაწლავის ტრაქტის გავლაში. კვლევამ, სადაც 24 ჯანმრთელი ადამიანი მონაწილეობდა, აჩვენა, რომ ჭამამდე 1-2გრ. ჯანჯაფილის ფხვნილის მიღება აჩქარებს საკვებისგან კუჭის დაცლას და ამით 50%-ით ამცირებს მის გაღიზიანებას.

ებრძვის ანთებით პროცესებს

ოსტეოპოროზი (ოსტეო – ძვალი და პოროს – ნახვრეტი, ფორი) ძვლების დაავადებაა, რომლისთვისაც დამახასიათებელია ძვლის სიმკვრივისა და მასის შემცირება, რაც, თავის მხრივ, არა მხოლოდ ტკივილს იწვევს სახსრებში, არამედ ზრდის ხერხემლის, მაჯის, ბარძაყის ძვლის ყელის, მცირე მენჯისა და მხრის სარტყლის ძვლების მოტეხილობის რისკს. უახლესმა კვლევებმა, რომელშიც მუხლის ოსტეოართროზით დაავადებული 247 ადამიანი მონაწილეობდა, ცხადყო, რომ ის პაციენტები, რომლებიც ყოველდღიურად ჯანჯაფილს ჭამდნენ, ნაკლებად იღებდნენ წამლებს, მათი ტკივილები კი საგრძნობლად მცირდებოდა.

აუმჯობესებს ტვინის ფუნქციონირებას

სიბერის პროცესს მნიშვნელოვანად აჩქარებს ქრონიკული დაავადებები და ოქსიდაციური სტრესი, რომელსაც მივყავართ მრავალრიცხოვან კოგნიტურ დისფუნქციამდე, მაგალითად, ალცჰეიმერის დაავადებამდე. ჯანჯაფილი შეიცავს ანტიოქსიდანტებს და ბიოლოგიურად აქტიურ ნაერთებს, რომლებიც ფლობს ძლიერ ანთების საწინააღმდეგო თვისებებს. 60 ქალზე ჩატარებული ერთი-ერთი ექსპერიმენტით დადასტურდა, რომ ჯანჯაფილის ექსტრაქტი აუმჯობესებს მეხსიერებასა და რეაქციის დროს, ეს კი იმას ნიშნავს, რომ ის ხელს უწყობს ტვინის ჯანსაღად ფუნქციონირებას.

ხსნის გულის რევის შეგრძნებას

ჯანჯაფილის ჩაის მიღება ეფექტური საშუალება გულისრევის წინააღმდეგ. განსაკუთრებით ფეხმძიმობისას, დილის გულის რევისას და ასევე სიმსივნური დაავადებების მკურნალობის პროცესში. 1278 ფეხმძიმეზე ჩატარებული 12 კვლევის მონაცემებზე დაყრდნობით, 1.1-1.5გრ. ჯანჯაფილი საგრძნობლად ამცირებს გულისრევას.

ამცირებს გულ-სისხლძარღვთა დაავადებების რისკს

სისხლში შაქრის მაღალი შემცველობა გულ-­სისხლძარღვთა სისტემის დაავადებების გამომწვევი ძირითადი ფაქტორია. უახლესმა კვლევებმა, რომლებშიც ტიპი 2 დიაბეტით დაავადებული ადამიანები მონაწილეობდნენ, აჩვენა, რომ ყოველდღიურად 2გრ. ჯანჯაფილის ფხვნილის მიღება ამცირებს შაქრის დონეს სისხლში და შესაბამისად, გულ-სისხლძარღვთა დაავადებების რისკს 10%-ით.

ფლობს სიმსივნური დაავადებების განვითარების პრევენციულ თვისებებს

ჯანჯაფილი შეიცავს ნივთიერებას ჯინჯეროლის (gingerol) სახელით, რომელიც მრავალი კვლევის საგნად იქცა, როგორც სიმსივნური დაავადებების სამკურნალო პოტენციური ალტერნატიური მეთოდი. ერთ-ერთი კვლევით, ყოველდღე 2გრ. ჯანჯაფილის ექსტრაქტის მიღება მსხვილ ნაწლავში ანთებით პროცესებს ამცირებს.