ნიახური თირკმელს დაგიზოგავთ
რამდენიმეთვიანი მკურნალობის შემდეგ გარკვეულმა პრობლემებმა იჩინა თავი – შარდმდენი პრეპარატის გამო თირკმელები გადაიღალა.
საჭირო იყო მათი დაზოგვა და ამავდროულად შეშუპების თავიდან აცილებაც. მეგობარმა ნიახურის ნაყენის სმა მირჩია, რომელსაც შარდმდენი ეფექტიც ჰქონდა და თირკმელების დაზოგვის საშუალებასაც მომცემდა:
- ნაყენის მოსამზადებლად 1 საშუალო კონა ნიახური კარგად უნდა გარეცხოთ, დაჭრათ პატარა ნაჭრებად და დაასხათ 2 ჭიქა ცივი წყალი, შემოდგათ ძალიან დაბალ ცეცხლზე და ადუღოთ 10 წუთი. შემდეგ გადმოდგით, გააჩერეთ გაცივებამდე და გაწურეთ. შეინახეთ მინის ჭურჭელში, თუ წლის ცხელი პერიოდია, მაცივარში, თუ არადა ოთახის ტემპერატურაზე. მიიღეთ დღის განმავლობაში 1 ჭიქა უზმოზე, მეორე ჭიქა კი – სადილის შემდეგ.
გისურვებთ წარმატებებს!
ნელი თვაური, რუსთავი