არტიშოკი
არტიშოკი A, B1 და C ვიტამინების, ასევე კალიუმისა და მაგნიუმის წყაროა. ის წმენდს ღვიძლს და ასტიმულირებს ნაღველის გამოყოფას, რაც ტოქსინების გამოდევნასა და ღვიძლის ჯანსაღ ფუნქციონირებას უწყობს ხელს.
არტიშოკის რეგულარული მიღება იცავს ორგანიზმს კიბოსგან ანტიოქსიდანტებისა და იმ ნაერთის წყალობით, რომელსაც კვერცეტინს უწოდებენ.
არტიშოკი რკინის მდიდარი წყაროცაა, ამიტომ ის რეკომენდებულია რკინადეფიციტური ანემიის მქონე ადამიანებისთვის.
როგორც ცილების მდიდარი წყარო, არტიშოკი აძლიერებს გულის კუნთს, ამცირებს შარდოვანას დონეს და აუმჯობესებს გულის მუშაობას.
ამასთან, არტიშოკი: ზრდის შარდოვანას კონცენტრაციას თირკმლებში და ქმნის შარდმდენ ეფექტს.
აძლიერებს იმუნურ სისტემას.
არტიშოკის ფოთლები ხელს უწყობს გაღიზიანებული ნაწლავის სინდრომის სიმპტომების მოხსნას, აღადგენს ბაქტერიების ბალანსს ნაწლავებში.
არტიშოკის ფოთლები ხელს უწყობს ქოლესტერინის დონის ნორმალიზებას.
კალიუმის წყალობით არეგულირებს არტერიულ წნევას.
არტიშოკისა და მისი ფოთლების ექსტრაქტი ამცირებს სისხლში შაქრის დონეს.
შველის მუცლის შებერილობას.
აქვეითებს ფიზიკურ და ემოციურ დაღლილობას.
არტიშოკის ნახარშის მომზადების წესი
ჩაასხით ქვაბში ერთი ლიტრი წყალი და მიიყვანეთ ადუღებამდე.
აიღეთ სამი ღერო არტიშოკი და მოაცალეთ ფოთლები.
ჩაყარეთ ფოთლები მდუღარე წყალში და ხარშეთ 20 წუთის განმავლობაში ნელ ცეცხლზე.
როდესაც ფოთლები ფერს გაუშვებს, ანუ წყალი შეფერადდება, გადმოდგით ქვაბი ცეცხლიდან და დაახურეთ ხუფი.
დატოვეთ ასე 15 წუთი, შემდეგ კი გაწურეთ.
შეგიძლიათ მიიღოთ დღეში ორი ჭიქა ნახარში – აუცილებლად მშიერ კუჭზე.
არტიშოკის ფოთლების ნახარში, რომელიც ვიტამინებისა და მინერალური ნივთიერებების ნამდვილი საბადოა და ძალიან სასარგებლოა ღვიძლისა და საჭმლის მომნელებელი სისტემისთვის.
გარდა ამისა, არტიშოკის ფოთლების ნახარში:
- ხელს უშლის ორგანიზმში ტოქსინების დაგროვებას.
- იცავს ღვიძლს და ხელს უწყობს მის აღდგენას.
- აუმჯობესებს საჭმლის მომნელებელი სისტემის მუშაობას, ჭრის გაზების პრობლემას, აღკვეთს კუჭის პრობლემებს.
- აჩქარებს ნივთიერებათა ცვლას, ამცირებს შეკრულობისა და დიარეის პრობლემებს.
- სასარგებლოა კანის ჯანმრთელობისთვის.
ნებისმიერი ვარჯიშის დაწყებამდე თუ კვების რაციონში ცვლილებების შეტანამდე, კონსულტაცია გაიარეთ ექიმთან!
ეს ბოსტნეული ორგანიზმს ეხმარება ტოქსინებისაგან გაწმენდაში, კარგი საშუალებაა დიაბეტის სამკურნალოდ, წონის კლებასაც უწყობს ხელს. მისგან დამზადებული კერძები ძალიან პოპულარულია ხმელთაშუაზღვისპირეთში, საინტერესოა. გავეცნოთ ჩვენც! ეს რეცეპტი მარტივი და ეფექტური საშუალებაა, კარგად გამოავლინოს ამ ბოსტნეულის საგემოვნო თვისებები და მისი სარგებლიანობა. დამზადების დრო: 25 წთ.
ინგრედიენტები:
- არტიშოკი – 2ც;
- კარაქი – 2ს/კ;
- ნიორი – 2კბილი;
- მარილი, პილპილი – გემოვნებით;
მომზადების წესი:
გავრეცხოთ არტიშოკი, მოვაცილოთ გარეთა უხეში ფოთლები, მოვაჭრათ ღერო. კარაქის თხელი ნაჭრები და დაჭრილი ნიორი ფოთლებს შორის მოვათავსოთ. დავდგათ წყლიანი ქვაბი ცეცხლზე, წყალი ძირს ოდნავ უნდა ფარავდეს. როცა წყალი ადუღდება, ჩავდგათ ბადე და ზედ დავაწყოთ არტიშოკები, ძირით ქვევით. ქვაბს დავაფაროთ და 20-იოდე წუთი ვადუღოთ. სუფრაზე ოდნავ გაგრილებული გავიტანოთ. გემრიელად მიირთვით!
შემწვარი არტიშოკი
არტიშოკის მომზადების და ვერტიკალურად გაჭრის შემდეგ, მოათავსეთ საცხობ ფორმაში, გვერდით და ზევით წაუსვით ზეითუნის ზეთი ან კარაქი. ნაპრალები შეავსეთ ნივრით და მწვანილებით, შემდეგ მოაყარეთ მარილი და პილპილი და გადააბრუნეთ დაჭრილი მხარე ქვემოთ. ფურცლებიანი მხარეს წაუსვით კარაქი ან ზეითუნის ზეთი და შეაზავეთ. შეწვით 400 გრადუსზე გახურებულ ღუმელში დაახლოებით 10 წუთის განმავლობაში თავდახურული, სანამ კიდეები არ გახდება ხრაშუნა და ყავისფერი. დააფარეთ ფოლგა და მოხარშეთ, ჩვეულებრივ სანამ ღეროში დანას ადვილად არ ჩასვამთ, 25-დან 35 წუთამდე. გამოიღეთ შემწვარი არტიშოკი ღუმლიდან, მოასხით ლიმონის წვენი და მიირთვით.
პასტა არტიშოკით
შემადგენლობა:
- 1 კგ მაკარონი
- 1 კგ ძეხვი
- 4 ს.კ. ზეთი
- 1 კგ არტიშოკის გულები
- 2 კბილი ნიორი
- 2 ს.კ. დაჭრილი ოხრახუში
- 2 ს.კ. კარაქი
- 1/2 ჭიქა პარმეზანი
მომზადება:
ზეთიან ტაფაზე მოვათავსოთ დაჭრილი ძეხვი და შევწვათ. დავამატოთ არტიშოკის გულები და კარგად ავურიოთ.
დავამატოთ დაჭრილი ნიორი, კარაქი და განუწყვეტლივ ვურიოთ. დავამატოთ ოხრახუში, მოხარშული მაკარონი, ცოტა წყალი და კარგად ვურიოთ. ბოლოს დავამატოთ მარილი, პილპილი და მოვაყაროთ გახეხილი პარმეზანი, კარგად ავურიოთ და მზადაა.
კრევეტები არტიშოკით
შემადგენლობა;
- 14-16 არტიშოკის გულები
- 1 ლიმონის წვენი
- ვუსტერ სოუსი
- 250-300 გრ გაყინული კრევეტები
- ცოტაოდენი სალათის ფოთლები
- 4-5 ს.კ. ტომატის კეტჩუპი
- 3 ს.კ. არაჟანი
- 1 ს.კ. ბრენდი
- ზეთისხილი
- მარილი, პილპილი
მომზადება:
თასში ჩააფინეთ სალათის ფოთლები. არტიშოკი გაწურეთ, დააწყვეთ თეფშზე და მოაპკურეთ რამდენიმე წვეთი ლიმონის წვენი. მოასხით ვუსტერ სოუსი, კრევეტები გაანაწილეთ არტიშოკის გულებზე.
შეურიეთ კეტჩუპი, არაჟანი და კონიაკი. შეაზავეთ მარილით და პილპილით. სოუსი მოასხით კრევეტებს.
რგოლებად დაჭრილი ზეთისხილით მორთეთ არტიშოკი და კრევეტები.