ნანა კალანდაძე

ეს ჯანმრთელობისთვის სასარგებლო მცენარე შეგიძლიათ შეიძინოთ სუპერმარკეტებში ან სულაც დათესოთ ქოთანში და მოიყვანოთ სახლის პირობებში.

ძირითადად გამოიყენება რუკოლას ფოთლები.

მისი შემადგენლობა ხსნის იმას, თუ რატომ არის რუკოლა ასეთი სასარგებლო – რკინა, მანგანუმი, თუთია, კალიუმი, მაგნიუმი, კალციუმი, ფოსფორი, ნატრიუმი, A, B, C, E, K ვიტამინები, იოდი.

რუკოლას შეუძლია მოგცეთ ენერგია, აამაღლოს შრომისუნარიანობა, აღადგინოს წყლის ბალანსი ორგანიზმში.

სასარგებლოა თმისთვის, განსაკუთრებით გამოიყენება მისი ზეთი თმის, ფრჩხილების გასამაგრებლად.

რუკოლა, როგორც საკვები ბალახი, ხმელთაშუაზღვისპირეთში რომაული დროიდან მოჰყავდათ. ეს ჩანაწერები ჩვენს წელთაღრიცხვამდე პირველი საუკუნიდან არსებობს.

შუა საუკუნეებში რუკოლა პოპულარული იყო მთელ ევროპაში, მათ შორის ბრიტანეთში. ევროპიდან ამერიკამდე მცენარე ევროპელმა დევნილებმა მიიტანეს. შეერთებულ შტატებში დევიდ კეპმა დააფიქსირა და გამოიკვლია რუკოლას გამოყენების თანამედროვე ისტორია. მისი აღმოჩენების საფუძველზე, რუკოლა ბევრად უფრო პოპულარული გახდა, ვიდრე პომიდორი და ყველი.

მცენარე იზრდება 20-100 სანტიმეტრი სიმაღლის. ფრჩხილისებრ ფოთლებს აქვს ოთხიდან ათამდე პატარა, ღრმა ფოთოლი.

რუკოლას აქვს სქელი, ბრტყელწვერა თესლის კაფსულები, რომლებსაც სილიკებს ეძახიან. ამ ნაწილიდან შეიძლება ამოღებული იქნას რაღაც ნაწილი და დამზადდეს ზეთი, რომელსაც სამკურნალოდ იყენებენ ხალხურ მედიცინაში.

რუკოლას აქვს წიწაკის, მკვეთრი, რბილად მწარე ან მომჟავო გემო. იგი ასევე იდეალური არჩევანია წონის კლების მხრივაც, რადგან 100 გრამ რუკოლაში მხოლოდ 25 კალორიაა. რუკოლა არის ბოჭკოვანი, A, ჩ და K ვიტამინების, ფოლიუმის, კალციუმის, რკინის, მაგნიუმის, ფოსფორის, კალიუმის და მანგანუმის შესანიშნავი წყარო. ის ასევე არის ცილის, რიბოფლავინის, თიამინის, თუთიის, B6 ვიტამინის, სპილენძის და პანტოთენის მჟავას ბუნებრივი გზით მიღების არაჩვეულებრივი საშუალება.

რუკოლა სასარგებლოა მათთვის, ვისაც სურს დიაბეტის მართვა, გულ-სისხლძარღვთა პრობლემების არიდება და იმუნური სისტემის გაძლიერება. ხელს უწყობს წონის კლებას, სასარგებლოა ძვლების ჯანმრთელობისთვის, იცავს ტვინს დაბერებისგან და ა.შ. აქვს მატონიზებელი ეფექტი ორგანიზმისთვის.

რუკოლას სალათი არაფრით ჩამოუვარდება ერთ ფინჯან ძლიერ ყავას. ეს პროდუქტი სწრაფად ახერხებს ადამიანის ორგანიზმის ტონუსში მოყვანას და ზრდის მის შრომისუნარიანობას.

ხელს უშლის სიმსივნური უჯრედების განვითარებას

ონკოლოგიის პროფილაქტიკა მისი ერთ-ერთი ყველაზე დასაფასებელი თვისებაა. ის ბევრად მეტ ანტისიმსივნურ ნივთიერებას შეიცავს, ვიდრე ბროკოლი.

აძლიერებს იმუნიტეტს

ვიტამინების უხვი შემცველობის გამო ის აძლიერებს იმუნიტეტს, იცავს ვირუსებისა და ინფექციებისგან.

დაგეხმარებათ ჭარბი წონის მოცილებაში

ეს პროდუქტი ხელს უწყობს ორგანიზმიდან მავნე ქოლესტერინის გამოდევნას, აწესრიგებს წყლისა და მარილის ბალანსს.

სასარგებლოა გულ-სისხლძარღვთა სისტემისთვის

მცენარის ახალგაზრდა ყლორტები შეიცავს ფლავონოიდებს, რომელიც ამაგრებს სისხლძარღვების კედლებს. მისი მიღება ძალიან სასარგებლოა სისხლის ნაკლებობის დროს, რადგან ის ზრდის ჰემოგლობინს და გამოდევნის მავნე ქოლესტერინს.

ამაგრებს ნერვულ სისტემას

B ჯგუფის ვიტამინების მაღალი შემცველობის გამო ის დადებითად მოქმედებს ნერვულ სისტემაზე. ის უბრალოდ აღმოჩენაა ქოლერიკებისთვის. ამ პროდუქტის რეგულარული მოხმარება საკმაოდ კარგ შედეგებს აჩვენებს დეპრესიისა და სტრესის დროს.

აუმჯობესებს კუჭ-ნაწლავის ტრაქტის მუშაობას

რუკოლა აუმჯობესებს მეტაბოლურ პროცესებს და საკვების მონელების პროცესს. უახლესმა კვლევებმა აჩვენა, რომ ეს მცენარე ეფექტურია გასტრიტისა და კუჭის წყლულის წინააღმდეგაც. ის ებრძვის კუჭის კედლების დაზიანებას, ამცირებს არსებული წყლულების ზომას, ხელს უშლის დაავადების ახალი კერების განვითარებას.

სასარგებლოა ქალთა რეპროდუქციული სისტემისთვის

ფოლიუმის მჟავას შემადგენლობის გამო რუკოლა ძალიან სასარგებლოა ქალებისთვის, რომლებიც დაორსულებას გეგმავენ. ეს მწვანილი ორსულობის დროს ვიტამინების და მინერალების შეუცვლელი წყაროა. ლაქტაციის პერიოდში კი ხელს უწყობს რძის გამომუშავებას.

აუმჯობესებს კანის, ფრჩხილების და თმის მდგომარეობას

რუკოლა შესანიშნავია სილამაზის შესანარჩუნებლად. ცნობილია, რომ რუკოლას რეგულარული მოხმარება კანს ხდის უფრო ელასტიკურს, ფრჩხილებს მაგარს, თმას კი უფრო მბზინვარეს. გარეგანი მოხმარებისთვის ამ მცენარისგან ხშირად ამზადებენ გამაახალგაზრდავებელ სახის ნიღაბს და თმის ცვენის საწინააღმდეგო საშუალებას. რუკოლას ზეთს იყენებენ დერმატიტის სამკურნალოდ და პრობლემური კანის მოსავლელად, ასევე პიგმენტური ლაქების და ჭორფლების გასაღიავებლად.

უკუჩვენება

რუკოლას მიღების დროს უნდა გამოიჩინოთ დიდი სიფრთხილე, თუ გაქვთ შარდკენჭოვანი დაავადება. შეიძლება გქონდეთ ინდივიდუალური აუტანლობაც.

თუ არც ერთი ზემოთ ხსენებული მიზეზი თქვენ არ გეხებათ, მაშინ აუცილებლად უნდა შეიტანოთ რუკოლა თქვენს კვების რაციონში.

ფაქტები რუკოლას შესახებ:

• მას ხშირად იყენებენ პომიდორსა და მოცარელას ყველთან ერთად.
• იტალიაში ნედლ რუკოლას ხშირად უმატებენ პიცას ცხობის ბოლო ფაზაში ან გამოცხობის შემდეგ.
• მას ხშირად ურევენ მოხარშულ კარტოფილთან, იყენებენ წვნიანში ან ჭამენ ყველის ბურეკთან ერთად.
• ნეაპოლის ყურეში მდებარე კუნძულ ისჩიაზე რუკოლასგან მზადდება ტკბილი, წიწაკის მომნელებელი ალკოჰოლი, სახელად რუკოლინო.
• ბევრი ფიქრობს, რომ რუკოლა იტალიური სახელია, მაგრამ ეს ასე არ არის. იტალიური სიტყვა „რუკოლა“ არის სიტყვის ინგლისური ვერსია.

გთავაზობთ რუკოლას სალათის კლასიკურ და ერთ-ერთ ყველაზე მარტივ, თუმცა გემრიელ რეცეპტს

რაოდენობა: 2 ულუფა.

მომზადების დრო: 5 წთ.

ინგრედიენტები: 6 ს.კ. უმაღლესი ხარისხის ზეითუნის ზეთი, 2 ს.კ. ლიმონის წვენი, მარილი, ახალდაფქული შავი პილპილი, რუკოლა, პარმეზანი დეკორაციისთვის.

მოამზადეთ დრესინგი: საშუალო ზომის თასში აურიეთ ზეითუნის ზეთი და ლიმონის წვენი, შემდეგ მოაყარეთ მარილი და პილპილი. დიდ თასში ჩაყარეთ რუკოლა, შემდეგ კი შეურიეთ პარმეზანი. ყველაფერი აურიეთ ერთმანეთში, სურვილისამებრ შეგიძლიათ ნებისმიერი ბოსტნეულის დამატება.

დღეს რუკოლა ყველაზე მოთხოვნად პრუდუქტად ითვლება, რადგან შეუდარებლად მოქმედებს ნივთიერებათა ცვლაზე, ამაღლებს შრომისუნარიანობას, რაკი იშვიათი ბალანსის მქონე ვიტამინების ნაკრებს შეიცავს და ამავე დროს ძალიან დაბალკალორიულია.