მიირთვით დღეში 4-5 მანდარინი. რატომ? - გაეცანით ამ ციტრუსის სასარგებლო თვისებებს

ეს ციტრუსი ორგანიზმის ჯანმრთელობის მასტიმულირებელია, აძლიერებს იმუნიტეტს, აჯანსაღებს ღვიძლს, იცავს მას ცხიმოვანი გადაგვარებისაგან, ამაგრებს ძვლებს, სასარგებლოა კანისათვის.
აძლიერებს იმუნიტეტს – მანდარინში შემავალი ასკორბინის მჟავა და სხვა ანტიოქსიდანტები აძლიერებენ იმუნურ სისტემას, ორგანიზმს ეხმარებიან გაციებასთან და ინფექციებთან ბრძოლაში, თუ ვირუსით დასნებოვნებული ყოველდღიურად მიირთმევს 4-5 მანდარინს, დაავადება მალევე დაიხევს უკან და ადამიანი სწრაფად გამოჯანმრთელდება.
აჯანსაღებს ღვიძლს – მანდარინი შეიცავს ნივთიერება ნობიტელინს, რომელიც ხელს უშლის ღვიძლში ცხიმის დაგროვებას. მანდარინში შედის კიდევ 2 კომპონენტი, რომელიც აჯანსაღებს ღვიძლის უჯრედებს (ჰეპატოციტებს).
ამაგრებს ძვლებს - ეს ციტრუსი გაჯერებულია მიკროელემენტებით, რომლებიც აუცილებელია ძვლებისა და კბილების ჯანმრთელობისათვის, მანდარინს სხვა ციტრუსების მსგავსად მაღალი ბიოშეღწევადობა აქვს ანუ მასში შემავალი საკვები ნივთიერებები კარგად შეითვისება ორგანიზმის მიერ.
სასარგებლოა კანისათვის – გლუვი, ელასტიკური და ჯანმრთელი კანისათვის საჭიროა C ვიტამინი, რომელიც აქტიურად მონაწილეობს კოლაგენის სინთეზში და ბეტა-კაროტინი, რომელიც უჯრედთა განახლებას (რეგენარციას) ასტიმულირებს. სწორედ ამ ორივე კომპონენტის უხვად შემცველობის გამო კანის ჯანმრთელობისათვის სეზონზე რეგულარულად უნდა მიირთვათ მანდარინი.
თინათინ გოცაძე