იმუნიტეტის გასაძლიერებელი საშუალებები გრიპის დროს
ამისთვის კი საჭიროა ნატურალური პროდუქტებისგან მოამზადოთ საოცარი მიქსტურა, რომელიც ერთდროულად სასარგებლოცაა და გემრიელიც.
კოჭას, ლიმონისა და თაფლის რეგულარული მოხმარება არა მხოლოდ დაგიცავთ ვირუსული ინფექციებისგან, იმუნიტეტსაც გააძლიერებს. ეს ბუნებრივი წამალი ორგანიზმის ტონუსს ამაღლებს, ხელს უწყობს გონებრივი და ფიზიკური სამუშაოს შესრულების პროცესს. წარმოუდგენელია, მაგრამ კარგია წონის დასაკლებადაც. ერთი სიტყვით, ჯანმრთელობის ელექსირია!
საჭირო ინგრედიენტები:
ჯანჯაფილის ფესვი (კოჭა) – 120 გრ.საშუალო ზომის ლიმონი – 4 ც,თაფლი – 150 მლ.
მომზადების წესი:
ჯანჯაფილი გაასუფთავეთ კანისგან, შემდეგ კი გახეხეთ. მიღებული მასა თასში გადაიღეთ. ლიმონი გაფცქვენით, დაჭერით კუბებად და ჯანჯაფილთან ერთად მოათავსეთ. ორივე პროდუქტი ერთად დააბლენდერეთ. ყურადღება მიაქციეთ, რომ ყველაფერი თანაბრად შეერიოს ერთმანეთს. შემდეგ ჩაასხით თაფლი. შეგიძლიათ რეცეპტში მითითებულ ოდენობაზე ცოტა მეტიც კი დაუმატოთ, ეს თქვენს გემოვნებაზეა დამოკიდებული. კარგად აურიეთ, მიღებული მასა გადმოიღეთ ქილაში და შეინახეთ მაცივარში. მიქსტურა მზადაა!
ამ ნატურალური წამლის მიღება შეგიძლიათ დღეში ერთხელ 1 ს.კ. შედეგს მალევე შეამჩნევთ. ის არსებითად გააძლიერებს თქვენს ორგანიზმს და გაციებასა და სხვადასხვა სახის ვირუსულ ინფექციებთან გამკლავებაშიც დაგეხმარებათ. შეგიძლიათ ჩაიშიც დაამატოთ – ის უფრო არომატული გახდება.
გაციებისა და სხვადასხვა ტიპის ვირუსული ინფექციების საწყის ეტაპზე დასათრგუნად, სულაც არ არის საჭირო ანტიბიოტიკები, საამისოდ საკმარისია საუკუნეების მანძილზე გამოცდილი სასმელის მიღება.
თბილი ჩაი თაფლით და ლიმონით
თუ გაცივდით, პირველ რიგში, მოამზადეთ მწვანე ჩაი, დაუმატეთ 1 ჩ.კ. თაფლი და 1 ს.კ. ლიმონი. ამ ორი პროდუქტის სასარგებლო თვისებები რომ შეინარჩუნოთ, მდუღარეში არ გახსნათ – დააყენეთ ჩაი, 15-20 წუთის შემდეგ დაუმატეთ თაფლი და ლიმონი.
ჟოლოს ჩაი ცაცხვის ყვავილით
ცაცხვის გამხმარი ყვავილებით მოამზადეთ ჩაი, დაუმატეთ ჟოლოს ჩირი ან ფოთლები. დატოვეთ თავდახურული 30 წუთის მანძილზე. თუ ჟოლოს ჩირი არ გაქვთ, მისგან მომზადებული მურაბაც გამოდგება.
ასკილის ნაყენი
ასკილი რომ С ვიტამინის იდეალური წყაროა, ეს არავისთვის საიდუმლო არ არის. 3 ს. კ. გამხმარ, დაქუცმაცებულ ასკილს დაასხით 0.5 ლ. ადუღებული წყალი და დატოვეთ თერმოსში მთელი ღამის განმავლობაში. დილით გადაწურეთ და მიიღეთ 1 ჭიქა 4-ჯერ დღეში, 30 წუთით ადრე ჭამამდე.
სამკურნალო სასმელი შტოშითა და წითელი მოცვით
შტოში და წითელი მოცვი – უნიკალურია თავისი ბაქტერიციდული თვისებებით. სასმელის მოსამზადებლად ორივე გახეხეთ და შეურიეთ შაქრის ფხვნილი (3:1). 2 ს.კ. მიღებულ მასას დაასხით 0, 5 ლ. თბილი წყალი.
ცხელი რძე მინერალური წყლით
თუ ხველა დაგეწყოთ, დალიეთ ცხელი რძე მინერალური წყლით. ასეთი სასმელი ხელს უწყობს ორგანიზმიდან ნახველის გამოდევნას.
ჯანჯაფილის ჩაი ლიმონით
შემოდგომის ცივ დღეებში, გაგიძლიერებთ იმუნიტეტს და აგიმაღლებთ შრომისუნარიანობას. 1 ჭიქა ცხელ წყალში აურიეთ 1 ს.კ. თაფლი, 1 ს.კ. ლიმონის წვენი, 0.5 ჩ.კ. ჯანჯაფილი და ცოტაოდენი დარიჩინი. შეგიძლიათ დაუმატოთ გამხმარი პიტნის ფოთლებიც.
რძე ნივრით
ეს ეფექტური საშუალება დაგეხმარებათ ერთ ღამეში გამოჯანმრთელებაში. თბილ რძეში დაუმატეთ 10 წვეთი ნივრის წვენი და მიიღეთ ღამით.
ჩირის კომპოტი
გამოცდილი და ბავშვობიდან ყველასათვის კარგად ცნობილი საშუალება. ჩირის ნახარშს აქვს ორგანიზმის გამაძლიერებელი და დამამშვიდებელი ეფექტი გაციების დროს. 100 გრ. ვაშლისა და მსხლის ჩირი კარგად გარეცხეთ თბილ წყალში. ხარშეთ დაახლოებით 30 წთ., დაუმატეთ შაქრის ფხვნილი (3 ს.კ. 1 ლ. წყალზე), შემდეგ დაუმატეთ შავი ქლიავი, ბოლოს, ხარშვის დამთავრებამდე 5 წუთით ადრე ჩაყარეთ ქიშმიში და კურაგა. მზა კომპოტში შეგიძლიათ დაუმატოთ ლიმონის ან ანანასის წვენი და თაფლი.
გვირილის ჩაი
გვირილა – ანთების საწინააღმდეგო მსუბუქი საშუალებაა. ცაცხვსა და თაფლთან კომბინაციაში კარგი ვირუსსაწინააღმდეგო საშუალებაა. მომზადების წესი: აიღეთ 1 ჩ.კ. გამხმარი გვირილისა და ცაცხვის ყვავილი, დაასხით 1 ჭიქა ადუღებული წყალი, ზემოდან დაახურეთ და 20 წუთი გააჩერეთ; ბოლოს დაუმატეთ თაფლი. მიიღეთ 1/3 ჭიქა დღეში 3-ჯერ, ჭამამდე ნახევარი საათით ადრე.
