ნაწლავები გადარჩა? - მკურნალი.გე

რუბრიკები

ოჯახის მკურნალის ანონსი

აპრილი 2021

კითხვა-პასუხი

ნაწლავები გადარჩა?

ნაწლავები გადარჩა?

რუბრიკის სტუმარია ჟორდანიას სახელობის სამეცნიერო-კვლევითი ინსტიტუტის ქირურგიული დეპარტამენტის ხელმძღვანელი, მედიცინის მეცნიერებათა დოქტორი დავით აბულაძე.


Smile გვყავდა იმერელი პაციენტი, რომელსაც ურთულესი ოპერაცია გავუკეთეთ. ოპერაციის შემდეგ ანესთეზიოლოგი, ნამდვილი პროფესიონალი, არ ჩქარობდა მის გაღვიძებას. მიუხედავად იმისა, რომ პაციენტი უკვე გონზე იყო, ანესთეზიოლოგმა ყველა წესი ზუსტად დაიცვა და დროულად მოხსნა იგი აპარატიდან. ამოუღო თუ არა პირიდან მილი, მაშინვე სამადლობელი სიტყვების ნიაღვარი წამოვიდა:

"დიდი მადლობა, ბატონებო!" "თქვენ გაიხარეთ, ექიმებო!" "აგაშენათ ღმერთმა!" "გაგახარებთ ღმერთი!" - გვლოცავს და გვლოცავს ეს კაცი. მივუბრუნდი ანესთეზიოლოგს და ვეუბნები: "აი, ხომ ხედავ, რას

ნიშნავს იმერელი კაცი; ჯერ ბოლომდე არ მოსულა გონს და ქერქქვეშა კვანძებში რაც უდევს, - ზრდილობა, - ზევით ამოდის". "იმერლობა არაფერ შუაშია, ეს ჩემი დამსახურებაა, - ისეთ ნარკოზს ვაძლევ, რომ მიუხედავად უმძიმესი ოპერაციისა, პაციენტი კმაყოფილი იღვიძებსო", - უკან არ დაიხია ჩვენმა ანესთეზიოლოგმა. სულ რაღაც ნახევარი საათის
შემდეგ მოიყვანეს გულმკერდში დაჭრილი სვანი. ყურადღება არც მისთვის დაგვიკლია, მაგრამ გაიღვიძა თუ არა, სვანებისთვის დამახასიათებელი ხორხისმიერი ხმით შემოგვიტია: "აგიტრიალებთ ახლა მაგიდებს!" ანესთეზიოლოგმა "მარცხი" პატიოსნად აღიარა. ამავე პაციენტს სვანეთიდან ნათესავები ესტუმრნენ. ერთ-ერთი მათგანი, ჭარმაგი მამაკაცი, რომელსაც ადრეც ვიცნობდი, მეკითხება, რა და როგორ მოხდა. ავუხსენი, რომ ბეჭის ქვეშ შესულმა დანამ წინ გამოყო წვერი. "ნაწლავები გადარჩა?" - მეკითხება ჭირისუფალი. ძლივს შევიკავე სიცილი და თანხმობის ნიშნად თავი დავუქნიე. "თუ ნაწლავები გადარჩა, - აგრძელებს იგი, - მაშინ კარგად იქნება!.." მეუღლე სვანი მყავს და იმედია, მისი ხათრით მაინც არ გამინაწყენდებიან სვანები ამ ამბის გამო...


Smile ოთხმოცდაათიან წლებში, როდესაც ჯერ კიდევ გამოუცდელი ექიმი გახლდით, მოიყვანეს პაციენტი სისხლიანი ხველით. ეს ის პერიოდია, როდესაც ჩვენ, ექიმებს, გვიწევდა ავადმყოფის პატრონებისთვის სახელმწიფოს ფინანსური პოლიტიკის გაცნობა. ჯერ უნდა ავუხსნა, რა დაავადებაა და შემდეგ - მისი მკურნალობის ღირებულება. ქმარს ვეუბნები, რომ სისხლდენის მიზეზი შეიძლება იყოს საყლაპავის ვენების გაგანიერება, ტრაქეის, ფილტვის, კუჭის პათოლოგია და სხვა. ველაპარაკები, თან ვხვდები, რომ არაფერი ესმის, უემოციო სახით მიყურებს. ბოლოს გადავწყვიტე, პირდაპირ გადავსულიყავი იერიშზე: - მოკლედ, დადე 450 ლარი და ერთ კვირაში შენს ცოლს ჯანმრთელს, საღ-სალამათს და ზუსტი დიაგნოზით სახლში გავუშვებ-მეთქი. რაც იმ კაცმა მლოცა - თავიდანვე ასე გეთქვა, ექიმოო... ასეა, ზოგჯერ პირდაპირობაც საჭიროა.


Smile ერთ-ერთ კლინიკაში ექთანი გვყავდა, რომელიც პარალელურად სამშობიაროში მუშაობდა. ერთ-ერთი პაციენტის, რომლისთვისაც კუჭის პერფორაციის გამო ოპერაცია უნდა გაგვეკეთებინა, გაპარსვა ვთხოვე. საოპერაციო მაგიდაზე აღმოვაჩინე, რომ ავადმყოფი გაპარსული არ იყო. ექთანს დავუძახე და თავი მოიკლა, ეს პაციენტი გავპარსეო. ჩავუწიეთ თეთრეული და ვნახეთ, რომ ბოქვენის მიდამო ჰქონდა პირწმინდად გაპარსული. ექთანმა თავი იმართლა, სამშობიაროში მშობიარე ქალებს ასე ვპარსავთო...


Smile ეს კურიოზი ჩვენს ერთ-ერთ კოლეგას, უროლოგს გადახდა. ცისტოსკოპიას ახლა ენდოსკოპიური ხელსაწყოებით აკეთებენ, ადრე კი სპეციალური ცისტოსკოპის საშუალებით თვალით უყურებდა ექიმი, რა ხდებოდა შარდის ბუშტში. ანუ თვალი თითქმის იმ ადგილზე ჰქონდა მიდებული... ზაფხულია, ძალიან ცხელა. უროლოგი სამანიპულაციო ოთახში ხანდაზმულ ქალბატონს ცისტოსკოპით უთვალიერებს შარდის ბუშტს. პაციენტს, რომელიც საკმაოდ მორცხვია, გრძელი შავი კაბა აცვია. მიმოიხედავს აქეთ-იქით და კაბის კალთებს გადააფარებს ექიმს. ექიმი გადაიძრობს. პაციენტი ცოტა ხნის შემდეგ ისევ გადააფარებს, ექიმი ისევ გადაიძრობს... ასე განმეორდა რამდენჯერმე და ბოლოს გაღიზიანებულმა ექიმმა ჩაილაპარაკა: "ქალბატონო, მაცადეთ მუშაობა, მე ექიმი ვარ და არა ფოტოგრაფი!"


Smile საავადმყოფოში მამაკაცი მიიყვანეს უკანა ტანის ჩახევით. თითქმის უგონოდაა, მაგრამ დროდადრო წამოიძახებს, რომ კლარნეტისტობა აღარ უნდა. გაუკეთეს ოპერაცია. ყველას აინტერესებს, რა მოხდა და პაციენტიც მოჰყვა საკუთარ ამბავს: - ორკესტრის წევრი ვარ. არაბეთში ისე კარგად დავუკარით, რომ შეიხმა ბრძანა, მუსიკალური ინსტრუმენტები ყველას ფულით გაუვსეთო. დოლში 50 ათასი ჩაეტია, ტრომბონებში, დიდი ზომის საყვირებში - 30 ათასი, ჩემს კლარნეტში კი - ორიოდე დოლარის შესაბამისი ხურდა ფული. შემდეგ ევროპაში ვიმოგზაურეთ. დიდი ბრიტანეთის რომელიღაც ქვეყანაში პრემიერ-მინისტრს ისე მოეწონა ჩვენი დაკრული, რომ ინსტრუმენტების გირვანქა სტერლინგებით ავსება ბრძანა. დოლში დაახლოებით 50 ათასი ჩაეტია, საყვირებში - 30 ათასამდე, ვიოლინოში - 3 ათასამდე, ჩემს კლარნეტში კი სულ - ორიოდე გირვანქა. შემდეგ რუსეთში ვიყავით, მაგრამ იქ ჩვენი დაკრული არ მოიწონეს და იქაურმა ხელისუფალმა ბრძანა, თავისივე ინსტრუმენტები უკან გაუკეთეთო. დოლს, საყვირს და ვიოლიონოს, აბა, როგორ გაუკეთებდნენ, ჩემი კლარნეტი კი სი ბემოლამდე შეეტია...

 

 

გააკეთეთ კომენტარი
თარიღი : 01-06-2016
მარიკა
ძალიან გამახალისეთ, მადლობააა
თარიღი : 14-12-2014
shorena.
Vaimee,ra magrad vicine,agar shemidzlia
დიეტოლოგია
2020 წელს არაერთი კვლევა ჩატარდა და დადგინდა, რომ ზოგიერთი პრობიოტიკი, სასარგებლო ბაქტერია, ორგანიზმს წონის კლებაში ეხმარება.
გერმანიის რისკების შემფასებელმა ფედერალურმა ინსტიტუტმა გაანალიზა 36 ვეგანისა და 36 პირის (იღებდნენ შერეულ საკვებს) ძვლების მდგომარეობა.
ბირმინგემის უნივერსიტეტის მეცნიერები, სტრესის გადატანისას, გვირჩევენ კაკაოს დალევას
კატეგორიის სხვა სტატიები
ფსიქიატრიულში პაციენტი მიჰყავთ. ექიმი ეკითხება: "თქვენ ვინ ხართ?" "ნაპოლეონი, ბატონო". "გასაგებია...
სოცილურ ქსელში ვრცელდება დიდი პოპულარობით სარგებლობს "მანიფესტი" ქალებისათვის ფეხბურთის მსოფლიო ჩემპიონატთან დაკავშირებით.
მსოფლიო ჩემპიონატის ვნებათაღელვაა და ალბათ უადგილო არ იქნება რამდენიმე კურიოზს თუ გავიხსენებთ. ღიმილი და იუმორი ხომ სიცოცხლეს ახანგრძლივებს:
სოციალური ქსელი დღევანდელი საზოგადოების ცხოვრების წესად იქცა, აქ ამზეურებენ ადამიანები თავიანთ ტკივილსა
"გურიის მოამბე" ოზურგეთის სოფელ ლიხაურში მოხდარ ტრაგიკომიკურ ამბავზე წერს:
„სმარტფარმთან“ ინეტერვიუში ალერგიულ რინიტზე საუბრობს ბაია ბეზარაშვილი - ალერგოლოგ-იმუნოლოგი, მედიცინის მეცნიერებათა დოქტორი, პროფესორი.
ისრაელში მასობრივი ვაქცინაცია დეკემბრის ბოლოდან დაიწყო. ვნახოთ, რა გვაჩვენა
Los Angeles Lakers-ის ერთ-ერთი მფლობელი, ექიმი პატრიკ სუნ-შიონგი მუშაობს კორონავირუსის საწინააღმდეგო ორალურ ვაქცინაზე,
ზოგიერთი პროდუქტი, რომელზეც არის ობის სოკო, განსაკუთრებით საშიშია.
+
გახდი რეკომენდებული ექიმი
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
გახდი რეკომენდებული კლინიკა
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
შეტყობინება წარმატებით გაიგზავნა !
მკურნალის რედაქცია დაგიკავშირდებათ ტექნიკური დეტალების შესათანხმებლად