ეს მალარიაა! - მკურნალი.გე

რუბრიკები

ოჯახის მკურნალის ანონსი

ნოემბერი 2019

კითხვა-პასუხი

ეს მალარიაა!

ეს მალარიაა!

რუბრიკის სტუმარია ტრავმატოლოგი ნოდარ მუსელიანი.

Smile Smile Smile
თავად რომ არ შევსწრებოდი ამ ამბავს, არ დავიჯერებდი: მოვიდა მამაკაცი, რომელსაც კიბეზე ფეხი ასცურებოდა, წაქცეულიყო და გვერდის ტკივილს უჩიოდა. საბედნიეროდ, მხოლოდ დაჟეჟილი იყო, მოტეხილობა არ ჰქონდა, და ჰუმანიტარული დახმარებით შემოსული ზეთოვანი მალამო მივეცი იმ ადგილის დასაზელად. დაახლოებით ერთი საათის შემდეგ მეორე მამაკაცმა შემოაღო კარი. ისიც კიბეზე წაქცეულიყო (ზუსტად იქ, სადაც პირველი პაციენტი დაეცა!). გამოკითხვისას აღმოჩნდა, რომ ვიღაც გადარეულს კიბე... ზეთოვანი მალამოთი მოეთხუპნა!


 

Smile Smile Smile
"ექიმო, შეიძლება?" "არა-ა, მორგი ქვემოთ არის!"

Smile Smile Smile
"ექიმი, თუ ღმერთი გწამთ, სწრაფად, ექიმი!"

"ექიმი არ გახლავთ. სამაგიეროდ, გვყავს კარგი პათანატომი".

Smile Smile Smile
მზესუმზირას პარკზე ამოკითხული რეკლამიდან: "ავად ხართ? სიცხე გაქვთ? თავი გტკივათ? სურდომ შეგაწუხათ? ნუ დაწვებით საწოლში! ნუ დალევთ ტაბლეტებსა და მიქსტურებს! ჩვენი სკიპიდარი ყველა დაავადებას დაგავიწყებთ! სულ რამდენიმე წვეთი უკანა ტანზე წასასმელად და თქვენი სხეული უზღვავი ენერგიით აივსება, ფეხებში

კი საოცარ სიმსუბუქეს იგრძნობთ. სულ რამდენიმე წვეთი და ავადმყოფობა უმალვე დაგავიწყდებათ!!! დამზადებულია ეკოლოგიურად სუფთა კომპონენტებისგან. შეგიძლიათ გამოიყენოთ ის სახლშიც და სამსახურშიც. ურჩიეთ ახლობლებსა და მეგობრებს. პენსიონერებისა და სტუდენტებისთვის გათვალისწინებულია ფასდაკლება".

Smile Smile Smile
საავადმყოფოს დერეფანში ახალგაზრდა ქალი ზის და კითხულობს. იქვე მამაკაცი ტრიალებს, რომელიც ბოლოს და ბოლოს გადაწყვეტს, გაეცნოს ქალს: "უკაცრავად, ქალიშვილო, რა წიგნს კითხულობთ? რა სქელტანიანია..." "ეს ჩემი ავადმყოფობის ისტორიაა". "მართლა?! მაპატიეთ, მგონი, მეუღლე მეძახის..."

Smile Smile Smile
შუახნის მამაკაცი ექიმს შესჩივის: "ვერ გამიგია, რა მჭირს. ნუთუ ძალიან ინტელიგენტური სახე მაქვს? ქუჩაში მუჯლუგუნებით მწევენ განზე, ტრანსპორტში შეურაცხმყოფენ, რიგიდან მაგდებენ..." "გასაგებია. აბა, თვალები ჩაქუჩს გააყოლეთ, მარჯვნივ, ახლა მარცხნივ, არა, არა, სახეს ხელებით ნუ იფარავთ, ნუ იფარავთ! ოპა-ა! თავი ვერ შევიკავე, მაპატიეთ... იმედია, ძალიან არ გტკენიათ..."

Smile Smile Smile
ჩემი ახალგაზრდობის დროინდელი ამბავია: გე-პე-ის სტუდენტი ექიმთან მივიდა - შეკრულობა მაქვს ოთხი დღეა, ტუალეტში არ ვყოფილვარო. ექიმმა გასინჯა, შემდეგ ჯიბიდან საფულე ამოიღო, განცვიფრებულ სტუდენტს ფული გაუწოდა და უთხრა: "წადი, შვილო, ისადილე..."

Smile Smile Smile
მამა ექიმი შვილს არიგებს: "თუ ქალს ეხვევი და ამჩნევ, რომ თვალები უელავს, ტუჩები უხურს და ისე თრთის, როგორც ქარიან ამინდში ფოთოლი, სასწრაფოდ წამოხტი და გაიქეცი - ეს მალარიაა!!!"

Smile Smile Smile
"ექიმო, ახლავე უნდა წამომყვეთ სახლში - ჩემს მეუღლეს საშინლად მაღალი სიცხე აქვს!" "მაინც რამდენი?" "როგორ გითხრათ... ჩვეულებრივმა სამედიცინო თერმომეტრმა ვერ გაუძლო და გასკდა, ხოლო გაზქურის თერმომეტრი "ეგზოტიკური კერძების" ნიშნულზე შეჩერდა!"

Smile Smile Smile
ექიმი სიძე დიდხანს სინჯავდა სიდედრს და ბოლოს განუცხადა: "კალიუმი გაკლიათ... ციანიდიანი!.."

Smile Smile Smile
"ექიმო, ძაღლმა მიკბინა!" "სამწუხაროდ, ვერაფრით დაგეხმარებით, ამჟამად არავითარი წამალი არ გვაქვს!" "ასე როგორ შეიძლება?! რამე მაინც იღონეთ!!" "კარგი, ბატონო, მონახეთ, დაიჭირეთ, მოიყვანეთ - ცხვირ-პირს გავუერთიანებ!"

Smile Smile Smile
"ერთი წუთით, მეგობარო, ერთი წუთით. მე ჯერ არ მითქვამს, პირი გააღეთ-მეთქი". "მომიტევეთ, ექიმო. უბრალოდ, თქვენი ექთანი დავინახე..."

Smile Smile Smile
ახალი სადღეგრძელო: "თქვენს შემხედვარეს კიდევ ერთხელ მინდა, გისურვოთ ჯანმრთელობა!"

Smile Smile Smile
ერთ-ერთი კლინიკის მთავარი ექიმი ცნობილი მექალთანე გახლდათ. სიმართლე რომ ითქვას, ქალები თავად იკლავდნენ თავს მისი გულისთვის. ერთმა ექთანმა დიდხანს ვერ მიაღწია საწადელს. ერთ საღამოს მთავარი ექიმი კაბინეტში მარტო მოიხელთა, შეყვარებული თვალებით შეხედა და ჩასჩურჩულა: "რა არის საჭირო, რომ თქვენი მოფერების შესაძლებლობა მომეცეს?" "ქლოროფორმი, ძვირფასო, ქლოროფორმი!.."

Smile Smile Smile
ექიმთან პირველი მისვლისას პაციენტმა დაიჩივლა, რომ ყელი სტკიოდა და მას მაშინვე ამოაჭრეს გლანდები; მეორე ვიზიტისას თქვა, რომ მუცელი სტკიოდა და მაშინვე ამოჰკვეთეს ჭიანაწლავი; როცა მესამედ მივიდა მიღებაზე, ექიმმა ჰკითხა: "აბა, კიდევ რა გაწუხებთ?!" - მაგრამ პაციენტმა შიშით პასუხი ვეღარ გასცა: მას თავი სტკიოდა...

Smile Smile Smile
შვილიშვილმა შეამჩნია, რომ ბაბუამისი მთელი ძალით ქანაობდა სარწეველა სავარძელზე. გაკვირვებულმა ბავშვმა ჰკითხა: "ბაბუ, ასე ხომ გადმოვარდები?!" "რას ვიზამ, ექიმმა მითხრა, მეტი უნდა იმოძრაოო..."

Smile Smile Smile
"შემიძლია, დაგამშვიდოთ: თქვენი მეუღლის ჯანმრთელობას არაფერი ემუქრება. გადაეცით, რომ ეს მხოლოდ სიბერის ნიშნებია". "ექიმო, არ შეგიძლიათ, ეს თავად უთხრათ? იცით, მე არასოდეს გამოვირჩეოდი სიმამაცით..."

გააკეთეთ კომენტარი
კომენტარი არ გაკეთებულა
დიეტოლოგია
გრაცას უნივერსიტეტის (ავსტრია) მეცნიერებმა ჩაატარეს ხანგრძლივი ექსპერიმენტი, რომლითაც დაადგინეს, რომ პერიოდულად შიმშილობა
კუჭის ტკივილს უამრავი მიზეზი აქვს. ზოგჯერ ეს სიმპტომი მეტად სერიოზული დაავადების მანიშნებელია:
პრიმატებზე ჩატარებული ექსპერიმენტები მეტყველებს, რომ ხმელთაშუა ზღვის დიეტა იძლევა საშუალებას, რომ შევინარჩუნოთ
კატეგორიის სხვა სტატიები
ფსიქიატრიულში პაციენტი მიჰყავთ. ექიმი ეკითხება: "თქვენ ვინ ხართ?" "ნაპოლეონი, ბატონო". "გასაგებია...
სოცილურ ქსელში ვრცელდება დიდი პოპულარობით სარგებლობს "მანიფესტი" ქალებისათვის ფეხბურთის მსოფლიო ჩემპიონატთან დაკავშირებით.
მსოფლიო ჩემპიონატის ვნებათაღელვაა და ალბათ უადგილო არ იქნება რამდენიმე კურიოზს თუ გავიხსენებთ. ღიმილი და იუმორი ხომ სიცოცხლეს ახანგრძლივებს:
სოციალური ქსელი დღევანდელი საზოგადოების ცხოვრების წესად იქცა, აქ ამზეურებენ ადამიანები თავიანთ ტკივილსა
"გურიის მოამბე" ოზურგეთის სოფელ ლიხაურში მოხდარ ტრაგიკომიკურ ამბავზე წერს:
ნიუ-იორკის ბევრმა მცხოვრებმა დაიწყო მწნილის წვენის შეძენა. ერთი ქილა მწნილის წვენის ფასი 3-დან 45 დოლარამდეა.
ხველა ოჯახის ექიმთან მიმართვის ერთ-ერთი ყველაზე ხშირი მიზეზია როგორც მოზრდილებში, ასევე ბავშვებში.
მეცნიერულად დადასტურებულია, რომ ნიორი კეთილისმყოფელ გავლენას ახდენს სისხლის შედგენილობაზე, აფერხებს
+
გახდი რეკომენდებული ექიმი
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
გახდი რეკომენდებული კლინიკა
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
შეტყობინება წარმატებით გაიგზავნა !
მკურნალის რედაქცია დაგიკავშირდებათ ტექნიკური დეტალების შესათანხმებლად