"რას კადრულობთ, ახალგაზრდავ?!" - მკურნალი.გე

რუბრიკები

ოჯახის მკურნალის ანონსი

კითხვა-პასუხი

"რას კადრულობთ, ახალგაზრდავ?!"

"რას კადრულობთ, ახალგაზრდავ?!"

რუბრიკის სტუმარია ექიმი-თერაპევტი დარეჯან ქუმსიაშვილი.

Smile მომხიბვლელ ქალბატონს ექიმი დანიშნულებას აძლევს: "დაწოლის წინ ამ წამლის ორი აბი უნდა მიიღოთ". "იცით, ექიმო, თუ ასე მივუდგებით საკითხს, მაშინ დღეში ათი ტაბლეტის მიღება მაინც მომიწევს..."

 

Smile საავადმყოფოს განყოფილებაში ტელეფონის ზარი გაისმა: "მითხარით, როგორ არის ის ავადმყოფი, რომლისთვისაც დღეს კუჭის ოპერაცია უნდა გაეკეთებინათ?" "არცთუ ისე კარგად. მოდი, პათანატომის ტელეფონს მოგცემთ, ყველაფერს ის აგიხსნით".

Smile პაციენტი ექიმს შესჩივის, რომ ცხვირი აქვს წითელი და ეს ძალიან აწუხებს. ექიმი: "თუ სიწითლე დაბადებიდან ან ტრავმის შედეგად გაქვთ, მაშინ მედიცინა უძლურია, ხოლო თუ ალკოჰოლის

გამო - არ ინერვიულოთ, ეს არც ისე საშიშია, განაგრძეთ სმა და ცოტა ხნის შემდეგ თქვენი ცხვირი იისფერს მიიღებს".

Smile პაციენტმა ექიმს ძლიერი ხველების შესახებ შესჩივლა. ექიმმა გასინჯა და მკაცრად უთხრა: "თქვენ აუცილებლად უნდა დაანებოთ თავი მოწევას!" ავადმყოფმა კონვერტი მიუჩოჩა. ექიმმა კონვერტში ჩაიხედა და წამოიძახა: "თუმცა თავის ერთბაშად

დანებებაც არ ივარგებს! სიგარეტის უცებ გადაგდება შესაძლოა საზიანოც კი აღმოჩნდეს! სჯობს, თანდათანობით, თანდათანობით..."

Smile სექსოლოგის კაბინეტში ქალი შევიდა. "ექიმო, ბოლო დროს ქმარმა ჩემთან ურთიერთობა შეწყვიტა. ადრე თითქოს ყველაფერი ნორმალურად იყო. სამწუხაროდ, წამოყოლაზე ვერ დავითანხმე. ეშველება რამე?" "გაიხადეთ!" - გასცა ბრძანება ექიმმა. ქალმა გაიხადა. "აი, იქ დადექით, დაჯექით, წამოდექით, ხელები მაღლა ასწიეთ, ახლა დასწიეთ და დოინჯი შემოირტყით, მიტრიალდით, მოტრიალდით... დახმარება ქმარს კი არა, თქვენ გჭირდებათ!.."

Smile "ექიმო, ბოლო დროს ძალიან მიჭირს დაძინება. არც ერთმა ტაბლეტმა არ მიშველა". "თუ ასეა, მაშინ აი, ამ სანთლებს დაგინიშნავთ. სულ ახლახან მივიღეთ უცხოეთიდან და შესანიშნავი ეფექტი აქვს". ერთი კვირის შემდეგ: "თქვენ გაიხარეთ, ექიმო, ისე კარგად მოქმედებს ეს სანთლები, რომ თითის გამოღებასაც კი ვერ ვასწრებ!"

Smile ხანდაზმული ქალბატონი პოლიკლინიკაში სრულიად ახალგაზრდა ექიმთან მოხვდა. რამდენიმე წუთის შემდეგ პაციენტი წყევლა-კრულვით გამოვარდა კაბინეტიდან და გასასვლელისკენ გაიქცა. გზად მოხუცი ექიმი შეხვდა. ამ უკანასკნელმა ქალი გააჩერა და ძლივს დაამშვიდა, მერე კი პირდაპირ ახალგაზრდა ექიმის კაბინეტისკენ გაემართა. "რას კადრულობთ, ახალგაზრდავ?! - მიმართა უმცროს კოლეგას, - ამ ქალბატონს ორიოდე დღის წინ 60 წელი შეუსრულდა, მოზრდილი ქალიშვილი ჰყავს, მალე შვილიშვილიც ეყოლება, და შენ ამ დროს ეუბნები, რომ ის ორსულადაა?!" ახალგაზრდა ექიმმა, რომელიც ბარათს ავსებდა, ისე უპასუხა, რომ წერა არც კი შეუწყვეტია: "მერე რა, სლოკინმა ხომ გაუარა?"

Smile ნარკოლოგს ლოთმა მიმართა: "ექიმო, ასე ცხოვრება აღარ შემიძლია. იქნებ მეც მეშველოს რამე, გთხოვთ, უარს ნუ მეტყვით". "დღეში რამდენს სვამთ?" - დაინტერესდა ექიმი. "ასე, ორ ლიტრამდე". "და რამდენი ხანია რაც სმა დაიწყეთ?" "ბავშვობიდან ვსვამ, ექიმო". "ეს ცოტა რთული შემთხვევაა, თუმცა პრობლემის მოგვარება სავსებით შესაძლებელია, - უთხრა პაციენტს ექიმმა, - ოღონდ ერთი პირობით: ამიერიდან დღეში მხოლოდ ორას გრამს დალევთ და არც ერთი წვეთით მეტს".
რამდენიმე დღის შემდეგ განმეორებით კონსულტაციაზე დაბარებული ავადმყოფი, უარესად მთვრალი, ღიღინ-ღიღინით შევიდა ექიმის კაბინეტში. "ეს რას ჰგავს, - აღშფოთდა ექიმი, - ჩვენ ხომ შევთანხმდით, რომ ორას გრამზე მეტს აღარ დალევდით?!" პაციენტმა ცბიერი გამომეტყველება მიიღო: "გგონიათ, მარტო თქვენთან ვმკურნალობ?.."

Smile ხანშიშესულმა ქალბატონმა პლასტიკურ ქირურგს მიმართა: "ექიმო, ხომ არ შეგიძლიათ თქვენი ჯადოსნური საშუალებების გამოყენებით გააუმჯობესოთ ჩემი გარეგნობა?" ექიმი დიდხანს ყურადღებით ათვალიერებდა პაციენტს, ბოლოს ჩაილაპარაკა: "სამწუხაროდ, ვერაფრით დაგეხმარებით! ჩვენს ქვეყანაში თავის მოჭრა კანონით არის აკრძალული!"

Smile საავადმყოფოს მთავარმა ექიმმა ქირურგიული განყოფილების სანიტარი გამოიძახა. კაბინეტში შესვლა არ აცალა და გაბრაზებულმა დაუყვირა: "რატომ ერევით ექიმების საქმეში?! თქვენი ადგილი და მოვალეობა არ იცით?! რატომ უთხარით ავადმყოფს, თითქოს ჩვენ მისთვის ორივე ფეხის მოჭრა გვქონდა გადაწყვეტილი?!" სანიტარს სიცილი აუტყდა: "პატივცემულო, ეს პაციენტი ისტერიით იყო დაავადებული. მთელი ექვსი თვე ლოგინიდან არ ამდგარა, ჩვენმა ექიმებმაც ვერაფერი მოუხერხეს. ჩემი სიტყვების შემდეგ კი პალატიდან ისე მოკურცხლა, თვალიც ვერ შევასწარით!"

Smile პროფესორო, თქვენ ხომ შემპირდით, რომ ალენ დელონს დავემსგავსებოდი? - მართალია! და რა პრეტენზია გაქვთ - ალენ დელონიც ხომ მოხუცებული და ავადმყოფია?!

Smile ორი მეგობარი რესტორანში შედის. ერთ-ერთი შემწვარ ქათამს უკვეთავს. მეორე ეკითხება: "ქათმის გრიპი რომ დაგემართოს, არ გეშინია?" "მეგობარო, - უპასუხა ქათმის მოყვარულმა, რომელიც უკვე ნერწყვმორეული ათვალიერებდა მოტანილ ვარიკას, - ამ ქათამმა ახლა რომ დააცემინოს, გრიპისა რა გითხრა, ინფარქტი კი გარანტირებული მაქვს..."

 

 

 

გააკეთეთ კომენტარი
კომენტარი არ გაკეთებულა
დიეტოლოგია
ედინბურგის უნივერსიტეტის მკვლევარების განცხადებით, კანის სიჯანსაღისა და ახალგაზრდობის შენარჩუნების
გადაცემაში "თქვენი კლინიკა" მოისმენთ 7 აკრძალვას, რომელთა
მოცხარმა ონკოლოგების ყურადღება მიიპყრო. კვლევამ აჩვენა, რომ ამ კენკრას შეუძლია კიბოს უჯრედებთან ბრძოლა.
კატეგორიის სხვა სტატიები
ფსიქიატრიულში პაციენტი მიჰყავთ. ექიმი ეკითხება: "თქვენ ვინ ხართ?" "ნაპოლეონი, ბატონო". "გასაგებია...
სოცილურ ქსელში ვრცელდება დიდი პოპულარობით სარგებლობს "მანიფესტი" ქალებისათვის ფეხბურთის მსოფლიო ჩემპიონატთან დაკავშირებით.
მსოფლიო ჩემპიონატის ვნებათაღელვაა და ალბათ უადგილო არ იქნება რამდენიმე კურიოზს თუ გავიხსენებთ. ღიმილი და იუმორი ხომ სიცოცხლეს ახანგრძლივებს:
სოციალური ქსელი დღევანდელი საზოგადოების ცხოვრების წესად იქცა, აქ ამზეურებენ ადამიანები თავიანთ ტკივილსა
"გურიის მოამბე" ოზურგეთის სოფელ ლიხაურში მოხდარ ტრაგიკომიკურ ამბავზე წერს:
ექსეტერის უნივერსიტეტში შეადგინეს უკანასკნელი 10 წლის მანძილზე დედამიწის ატმოსფერული დაბინძურების რუქა.
როგორც ოქსფორდის უნივერსიტეტის კვლევამ აჩვენა, თაფლი, ტრადიციულ პრეპარატებზე
პირველი კლასი და სასკოლო ადაპტაცია - სასკოლო ადაპტაციის გასავლელად მშობლებს რჩევებს აძლევს
ადამიანის ხერხემალს ყოველდღიურად დიდი დატვირთვა ადგება, შესაბამისად,
+
გახდი რეკომენდებული ექიმი
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
გახდი რეკომენდებული კლინიკა
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
შეტყობინება წარმატებით გაიგზავნა !
მკურნალის რედაქცია დაგიკავშირდებათ ტექნიკური დეტალების შესათანხმებლად