კაცო, რა აზრი აქვს შეძახილებს - "დინამო", "დინამო"? ახლა ჩემმა ცოლმა რომ მიძახოს: ირაკლი, ირაკლიო, მეშველება რამე?! - მკურნალი.გე

რუბრიკები

ოჯახის მკურნალის ანონსი

დეკემბერი 2019

კაცო, რა აზრი აქვს შეძახილებს - "დინამო", "დინამო"? ახლა ჩემმა ცოლმა რომ მიძახოს: ირაკლი, ირაკლიო, მეშველება რამე?!

კაცო, რა აზრი აქვს შეძახილებს - "დინამო", "დინამო"? ახლა ჩემმა ცოლმა რომ მიძახოს: ირაკლი, ირაკლიო, მეშველება რამე?!
მსოფლიო ჩემპიონატის ვნებათაღელვაა და ალბათ უადგილო არ იქნება რამდენიმე კურიოზს თუ გავიხსენებთ. ღიმილი და იუმორი ხომ სიცოცხლეს ახანგრძლივებს:

ეროსი მანჯგალაძეს მიყავდა ერევნის "არარატთან" თბილისის "დინამოს" თამაშის რადიორეპორტაჟი. ჩვენი გუნდი საშინლად აგებდა. დანიშნა მსაჯმა ჯარიმა და ქართველებმა ცოცხალი კედელი აღმართეს საკუთარ საჯარიმოსთან. "დინამოს" თამაშით გამწარებულმა ეროსიმ პირდაპირ ეთერში ეს მომენტი ასე გადმოსცა: "აღმართეს ჩვენმა მკვდრებმა ცოცხალი კედელი"...

1981 წელს, როდესაც დინამომ თასი აიღო, ბუნებრივია,
დაიწყო წარმატებული გუნდის შეხვედრები სხვადასხვა ორგანიზაციებთან. ერთ-ერთი შეხვედრა ჩატარდა საქართველოს მწერალთა კავშირის წევრებთან. ახალკაცმა მიიყვანა დუბლშემადგენლობა შეხვედრაზე და მოიბოდიშა, "ასნავნოი" გუნდი დაღლილია და მნიშვნელოვანი შეხვედრა აქვს ხვალ, ამიტომ დუბლები მოვიყვანეო. იმ დროს მწერალთა კავშირის თავმჯდომარე იყო ნოდარ დუმბაძე, რომელმაც უპასუხა: ეგ არაფერი, ჩვენც დუბლები ვართ, "ასნავნოი" მთაწმინდაზე წევსო.

საქართველოს ნაკრების ბულგარული ფიასკოს შემდეგ, თბილისის ერთ-ერთ ეზოში გულშემატკივრები შეიკრიბნენ და ნაკრებს აგინებდნენ. საუბარში
დანიასთან წაგებული 1:6-იც ახსენეს და იორდანიასთან წაგებაც ინატრეს გასაგები მიზეზის გამო. ეზოში მცხოვრებმა მოხუცმა გურულმა მეზობლები დააიმედა - წავაგებთ ძამა, აბა რა ვიზამთ, - დანიამ რა გვიქნა და ი ორი დანია ხომ თლათ მოგვსპობსო..."

აჩი არველაძემ ტრამვების გამო 28 წლის ასაკში დაანება ფეხბურთს თავი. "თურქებმა დიდხანს გვიყურეს და გამოგვიცხადეს: "შოთა - იახში! აჩი - სახლში!" ამბობდა ქართველი სპორტსმენი.

ის პერიოდია თბილისის "დინამოს" მზე რომ ჩაესვენა და ერთ სუფრაზე ირაკლი აბაშიძეს უთქვამს: - კაცო, რა აზრი აქვს შეძახილებს - "დინამო", "დინამო"? ახლა ჩემმა ცოლმა რომ მიძახოს: ირაკლი, ირაკლიო, მეშველება რამე?!

"ბოლნისის "სიონი" ევროთასებზე რომ გავიდა და ახალი სტადიონი რომ აშენდა, სტადიონის სტანდარტების შესამოწმებლად უეფას წარმომადგენელი უნდა ჩამოსულიყო. დიდ საგონებელში ჩაცვივდნენ ქართველები, რადგან იცოდნენ, რომ მოედნის სიგრძე სტანდარტულზე მეტრანახევრით მოკლე იყო. ბევრი იფიქრეს და ასეთი ეშმაკობა მოიფიქრეს: იყიდეს 30 ცალი ორმეტრიანი რულეტი და ისე გადააბეს ერთმანეთს, რომ რულეტი ასე ორ მეტრს "იტყუებოდა". მოკლედ, მთელი ერთი კვირა იწვალეს იმ გიგანტური რულეტის გაკეთებაზე და დანიშნულ დღეს რის ვაი-ვაგლახით მიათრიეს სტადიონზე. მოვიდა უეფას წარმომადგენელიც, დადგა  უპატრონო კარის ხაზზე, ამოიღო ჯიბიდან რაღაც მობილურის მსგავსი, ერთი დააწკაპუნა და დაიძახა - ნოუ სტანდარტო. ასე, რომ სულ ოხრად დარჩა ის გიგანტური რულეტკა. საბედნიეროდ, ბოლოს უეფამ მაინც დაუშვა გამონაკლისი და ბოლნისში თამაშის ჩატარების უფლება მოგვცა".

ერთი ქართველი იყო მოსკოვურ გუნდში გასინჯვაზე. ვარჯიშზე დაიბნა, აერია ფერები და მოწინააღმდეგეს აძლევდა პასებს. მწვრთნელი უყვირის: გრუზინ, ტი ჩტო დალტონიკ? და ეს პასუხობს: და, და...
გააკეთეთ კომენტარი
კომენტარი არ გაკეთებულა
მსგავსი სიახლეები
სოცილურ ქსელში ვრცელდება დიდი პოპულარობით სარგებლობს "მანიფესტი" ქალებისათვის ფეხბურთის მსოფლიო ჩემპიონატთან დაკავშირებით.
16-06-2018
"დინამოს" სტადიონთან, ცაბაძის ქუჩაზე ხანძრის შედეგად 3 ადამიანი დაიღუპა, ერთი კი დაშავდა.
25-12-2017
დიეტოლოგია
კუჭის ტკივილს უამრავი მიზეზი აქვს. ზოგჯერ ეს სიმპტომი მეტად სერიოზული დაავადების მანიშნებელია:
პრიმატებზე ჩატარებული ექსპერიმენტები მეტყველებს, რომ ხმელთაშუა ზღვის დიეტა იძლევა საშუალებას, რომ შევინარჩუნოთ
იოდის დეფიციტი ადამიანის ჯანმრთელობისთვის ძალიან სახიფათოა. იოდის დონის დაქვეითების აღმოსაფხვრელად ექსპერტები
კატეგორიის სხვა სტატიები
ფსიქიატრიულში პაციენტი მიჰყავთ. ექიმი ეკითხება: "თქვენ ვინ ხართ?" "ნაპოლეონი, ბატონო". "გასაგებია...
სოცილურ ქსელში ვრცელდება დიდი პოპულარობით სარგებლობს "მანიფესტი" ქალებისათვის ფეხბურთის მსოფლიო ჩემპიონატთან დაკავშირებით.
სოციალური ქსელი დღევანდელი საზოგადოების ცხოვრების წესად იქცა, აქ ამზეურებენ ადამიანები თავიანთ ტკივილსა
ნიუ-იორკის ბევრმა მცხოვრებმა დაიწყო მწნილის წვენის შეძენა. ერთი ქილა მწნილის წვენის ფასი 3-დან 45 დოლარამდეა.
მეცნიერულად დადასტურებულია, რომ ნიორი კეთილისმყოფელ გავლენას ახდენს სისხლის შედგენილობაზე, აფერხებს
კბილის ზომამ სიგრძეში შეადგინა 3,72 სმ. პაციენტმა ექიმს მიმართა მწვავე ტკივილის გამო. კბილმა, ანომალური ზომების გამო, გამოიწვია ზედა ყბის ანთება.
მამობის მსურველი მამაკაცებისთვის ჩასახვის შანსი იზრდება კარგი ძილის შემთხვევაში. რეკომენდებულია დასაძინებლად დაწოლა 22:30 საათზე.
+
გახდი რეკომენდებული ექიმი
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
გახდი რეკომენდებული კლინიკა
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
შეტყობინება წარმატებით გაიგზავნა !
მკურნალის რედაქცია დაგიკავშირდებათ ტექნიკური დეტალების შესათანხმებლად