ფარმაკოლოგიური თვისებები

საფაღარათო საშუალება, დიფენილმეთანის წარმოებული. მსხვილ ნაწლავში მისი გავლენით ძლიერდება ლორწოს გამოყოფა და პერისტალტიკა. ამგვარი მოქმედება მსხვილი ნაწლავის ლორწოვან გარსში ნერვული დაბოლოებების უშუალო გაღიზიანებითაა განპირობებული.

ჩვენებები

• მსხვილი ნაწლავის ჰიპოტონიითა და დუნე პერისტალტიკით გამოწვეული ყაბზობა (კერძოდ, ხანდაზმულ ავადმყოფებში; ოპერაციების ან მშობიარობის შემდგომი ყაბზობა);
• დეფეკაციის მოწესრიგება ბუასილის, პროქტიტის, ანალური ნაპრალების შემთხვევაში;
• ავადმყოფის მომზადება ქირურგიული ოპერაციების, ან ინსტრუმენტული და რენტგენოლოგიური გამოკვლევისათვის.

დოზირების რეჟიმი

ზრდასრულებში ერთჯერადად 5-15 მგ ძილის წინ ან დილით უზმოზე, საკვების მიღება 30 წთ შემდეგ.

ბავშვებში 8-წლიდან 14 წლის ჩათვლით - 10 მგ;

2 წლიდან 8 წლამდე - 5 მგ ერთჯერადად.

რექტალურად (სწორ ნაწლავში): ზრდასრულებისათვის - 10-20 მგ;

ბავშვებისათვის - 8-14 წლის ასაკში - 10 მგ;

2-7 წლის ასაკში - 5 მგ.

მაქსიმალური დოზებია:

ზრდასრულებში - 8 გ, ათ წელზე უფროსი ასაკის ბავშვებში - 100 მგ/კგ.

გვერდითი მოვლენები

მოვლითი ტკივილები მუცლის არეში; ძლიერი ფაღარათი, რომელმაც შეიძლება სითხისა და ელექტროლიტების მნიშვნელოვანი კარგვა და ამის შედეგად კუნთური სისუსტე, კრუჩხვითი შეტევები და არტერიული ჰიპოტენზია გამოიწვიოს.

უკუჩვენებები

* ნაწლავის გაუვალობა;

* ჩაჭედილი თიაქარი;

* მუცლის ღრუს ორგანოთა მწვავე ანთებითი დაავადებები;

* გაურკვეველი წარმოშობის ტკივილი მუცელში;

* პერიტონიტი;

* სისხლდენა კუჭ-ნაწლავიდან, საშვილოსნოდან;

* ცისტიტი;

* სპასტიკური ყაბზობა;

* მწვავე პროქტიტი;

* მწვავე ბუასილი.

განსაკუთრებული მითითებები

სიფრთხილეა საჭირო ორსულებისათვის დანიშვნის შემთხვევაში, აგრეთვე ძუძუთი კვების დროს და ღვიძლისა და თირკმლების დაავადების შემთხვევებში.