-ასევე მაინტერესებს რამდენად ნორმალურია, როცა გულმკერდის და ზურგის არეში თუკი ძლიერად დავაწვები ხელით კანს და მოვიქავებ, შავი, ჭუჭყისმაგვარი ნაწილაკები მრჩება ხელებში? ზოგგან წავიკითხე, რომ მკვდარი უჯრედებია და ნორმაა, მაგრამ როცა თავს უვლი და დაბანიდან მალევე ასეთი რამე გემართება, ალბათ, არ არის ნორმა ხომ? ტანის სახეხ ღრუბელთან ერთად პილინგის ხელთათმანს ვიყენებ და ამით გახეხვისას რაც ემართება კანს (შავი მკვდარი უჯრედები რომ სცილდება კანს ხეხვისას) იგივე მომდის მშრალ სხეულზე ხელით ცოტათი ძლიერად დაწოლისას. რა შეიძლება იწვევდეს ამას და რა გზით ვუმკურნალო? დიდი მადლობა წინასწარ.

-სალამი, ბოლო რამდენიმე თვეა სკალპზე გამიჩნდა უჩვეულო პრობლემა, კერძოდ, თავის დაბანიდან თითქმის მეორე დღესვე მიჩნდება უსიამოვნო სუნი. ცხიმიანი სკალპი სულ მქონდა და გარკვეული დოზით უსიამოვნო სუნი ალბათ, ბუნებრივიცაა, მაგრამ ეს არის მძაფრი, რომელიც დისკომფორტს მიქმნის. ბევრჯერ გამოვცვალე შამპუნიც, თმის ბალზამიც და ყველა პროდუქტი. სავარცხელს თითქმის ყოველ კვირა ვრეცხავ, ბალიშის პირსაც ხშირად ვცვლი, სკალპის მასაჟორიც ვიყიდე, ერთი სიტყვით სკალპთან და თავთან კონტაქტი რასაც აქვს ყველაფრის კონტროლი ვცადე და შედეგი არაფერს გამოუღია. მაინტერესებს, რა შეიძლება იყოს ამის გამომწვევი მიზეზი, რით შეიძლება ვუშველო, ან რამდენად არის დერმატოლოგიური პრობლემა, რის ექიმს მივმართო ამისთვის? მადლობა წინასწარ.

-გამარჯობა, იღლიაში ხშირად გამომდის ე.წ მუწუკი ძალიან დიდი ზომის, არვიცი რა შეიძლება ეწოდოს სხვაგარად შესაძლოა ბეწვის ჩაბრუნებაც იყოს, რისგანაა გამოწვეული ან როგორ აღმოვფხვრა ეს პრობლემა