დაუნორუბიცინი - მკურნალი.გე

რუბრიკები

ოჯახის მკურნალის ანონსი

ივლისი 2019
დაუნორუბიცინი - DAUNORUBICIN - ДАУНОРУБИЦИН

ფარმაკოლოგიური თვისებები

იგი წარმოადგენს სიმსივნის საწინააღმდეგო საშუალებას, რომელიც მიეკუთვნება ანტრაციკლინის ჯგუფის ანტიბიოტიკებს. პრეპარატის ციტოტოქსიკური მოქმედება განპირობებულია მისი თვისებით გამოიწვიოს დნმ-ის, რნმ-ის და ცილების სინთეზის ინჰიბირება.

ფარმაკოკინეტიკა

პრეპარატი არ გაივლის ჰემატოენცეფალურ ბარიერს და მეტაბოლიზდება ღვიძლში აქტიური მეტაბოლიტის - რუბიდანოლის წარმოქმნით. ინტრავენურად შეყვანისას ის ნაწილდება ორგანიზმში, განსაკუთრებით თირკმელებში, ღვიძლში და გულში.

ჩვენებები

  • მწვავე ლეიკოზი;
  • მწვავე ლიმფოციტური ლეიკემია;
  • მწვავე მიელოგენური ლეიკემია;
  • ლიმფოგრანულემატოზი, საშვილოსნოს ქორიონეპითელომა, ნეირობლასტომია.

დოზირების რეჟიმი

პრეპარატი გამოიყენება მხოლოდ ინტრავენურად, ვინაიდან იგი აღიზიანებს კანს კუნთებში ან კანქვეშ შეყვანისას. დოზირება ინდივიდუალურია, სადღეღამისო დოზა მოზრდილებისათვის შეადგენს 40-60 მგ/კვ.მ. იგი ინიშნება 3-5 დღის განმავლობაში, ყოველ 3-4 კვირაში ერთხელ. კურსობრივი დოზა შეადგენს 600 მგ/კვ.მ.

10-15 მლ რეკონსტრუირებული ხსნარი 3-5 წუთის განმავლობაში შეჰყავთ ინტრავენურად. ექსტრავაზაცია თავიდან უნდა იქნას აცილებული.

გვერდითი მოვლენები

ანემია, ლეიკოპენია, თრომბოციტოპენია, გულისრევა, პირღებინება, დიარეა, სტომატიტი, გულის უკმარისობა, არითმია, იშვიათად - მიოკარდიტი, პერიკარდიტი, ამენორეა, აზოოსპერმია, ალოპეცია, ალერგიული რეაქციები, თავის ტკივილი, ტკივილი შეყვანის ადგილას, ქსოვილის ნეკროზი (პრეპარატის შეყვანის ტექნიკური მხარის დარღვევისას).

უკუჩვენებები

* ლეიკოპენია (ლეიკოციტების რიცხვი 4000/კუბ.მმ ნაკლები), თრომბოციტოპენია (თრომბოციტების რიცხვი 120000/კუბ.მმ);

* გულის ქრონიკული უკმარისობა დეკომპენსაციის ფაზაში;

* ღვიძლის და/ან თირკმლების გამოხატული უკმარისობა;

* კუჭისა და 12-გოჯა ნაწლავის წყლულოვანი დაავადაბის გამწვავება;

* ორსულობა, მომატებული მგრძნობელობა პრეპარატისადმი.

განსაკუთრებული მითითებები

♦ პრეპარატს სიფრთხილით უნიშნავენ ღვიძლის ან თირკმელების დარღვევისას (საჭიროა პრეპარატის დოზის შემცირება). მკურნალობის დაწყებამდე აუცილებელია ღვიძლის, თირკმელების, გულის ფუნქციის, პერიფერიული სისხლის სურათის კონტროლი.

♦ კარდიოტოქსიკური გამოვლენის სიხშირე მატულობს, თუ კურსობრივი დოზა სჭარბობს 400-500 მგ/კვ.მ მოზრდილებში და 300 მგ/კვმ ბავშვებში 2 წლის ასაკის ზევით.

♦ გულის უკმარისობის ნიშნები შეიძლება განვითარდეს დაუნორუბუცინით მკურნალობის დამთავრებიდან რამოდენიმე თვის ან წლის შემდეგ (განსაკუთრებით ბავშვებში).

♦ მკურნალობის დასაწყისში შესაძლებელია შარდის წითლად შეფერვა.

ორსულობა და ლაქტაცია

პრეპარატი უკუნაჩვენებია ორსულობის დროს. ლაქტაციის პერიოდში საჭიროა ძუძუთი კვების შეწყვეტა.

სხვა წამლებთან ურთიერთქმედება

- პრეპარატის კომბინირება შეიძლება ციკლოფოსფამიდთან, მეტოტრექსატთან, ვინკრისტინთან, პრედნიზოლონთან;

- დაუნორუბიცინის კომბინაციამ იმ პრეპარატებთან, რომელთაც გააჩნიათ მიელოტოქსიკური მოქმედება, შეიძლება გამოიწვიოს ტოქსიკური ეფექტის გაზრდა.

- ციკლოფოსფამიდის ან დოქსირუბიცინთან კომბინირებისას იზრდება პრეპარატით გამოწვეული კარდიოტოქსიკურობა.

- დაუნორუბიცინის მეტოტრექსატთან კომბინირებისას იზრდება მისი ჰეპატოტოქსიკურობა.

დიეტოლოგია
დიეტური კვება აუმჯობესებს ნაწლავის პერისტალტიკას და უზრუნველყოფს მის დროულ დაცლას;
წონის კორექციის მსურველებს დიეტოლოგები რამდენიმე რჩევას აძლევენ - არ შეიძლება ისეთი აბებისა თუ
მკვლევარებმა შეადარეს ეფექტი, რომელსაც დაბალი და მაღალი ენერგეტიკული სიმკვრივის პროდუქტები მადასა
ზაფხული, სხვა ღირსებებთან ერთად, ხილის, ბოსტნეულისა და ბაღჩეულის მრავალფეროვნებითაც გამოირჩევა.
ჩვენს განწყობას ჩვენივე ტვინის ქიმია განსაზღვრავს. მისმა მცირე ძვრამაც კი შეიძლება დეპრესია გამოიწვიოს.
ბებიაჩემი გამუდმებით ჩამჩიჩინებს, რომ კანი კოსმეტიკით არ უნდა გადავტვირთო, რომ კონსერვანტები ზამთარშიც ეყოფა, ახლა კი დასვენება და ცოცხალი ვიტამინები სჭირდება. მართლა ასეა თუ არა?


ბაღი ნამდვილად ყველა სახლს დაამშვენებს. ბაღიან ეზოში დასვენება, განტვირთვა ძალიან სასიამოვნო და სასარგებლოა.
+
გახდი რეკომენდებული ექიმი
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
გახდი რეკომენდებული კლინიკა
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
შეტყობინება წარმატებით გაიგზავნა !
მკურნალის რედაქცია დაგიკავშირდებათ ტექნიკური დეტალების შესათანხმებლად