ნალოქსონი - მკურნალი.გე

რუბრიკები

ოჯახის მკურნალის ანონსი

აგვისტო 2019

კითხვა-პასუხი

ნალოქსონი - NALOXON - НАЛОКСОН

საერთაშორისო დასახელება:

NALOXONE

მწარმოებელი: Warsaw pharmaceutical work

POLFA, პოლონეთი

მოქმედი ნივთიერება: ნალოქსონი

კლინიკურ-ფარმაკოლოგიური ჯგუფი:

ოპიოიდური რეცეპტორების ანტაგონისტი

შემადგენლობა და გამოშვების ფორმა:

საინექციო ხსნარი: ამპულაში, შეფუთვაში 10 ც.

1 მლ

ნალოქსონი ..............400 მკგ

ფარმაკოლოგიური თვისებები:

ნალოქსონი მორფინის სინთეზური წარმოებულია, რომელსაც ნალორფინთან შედარებით გააჩნია უფრო ძლიერი ანტაგონისტური მოქმედება, ნარკოტიკული საშუალების მიმართ.

პრეპარატი ხელს უშლის ნარკოტიკული ნივთიერებების ცენტრალური და პერიფერიული მოქმედების გამოვლინების, მათ შორის ფსიქომიმეტიურ ეფექტებს, გუგების შევიწროებას და ა.შ. იგი სწრაფად და ეფექტურად ხსნის ბუნებრივი და სინთეზური ანალგეზიური საშუალებების მოქმედებას. ნალოქსონი ხსნის ცენტრზე დამთრგუნველად მოქმედი ნარკოტიკული საშუალებების ეფექტს. პრეპარატი გამოიყენება ინტრავენურად და მოქმედებს შეყვანიდან 30-120 მგ წამში. მისი ნახევრადდაშლის პერიოდი შეადგენს 90 წუთს.

ჩვენებები:

პრეპარატი ნაჩვენებია:

  • ნარკოტიკული საშუალებებით მოწამვლის დროს;
  • ნარკოტიკული საშუალებების აგონისტური სიმპტომების მოსახსნელად ზოგადი ანესთეზიის შემდეგ;
  • ახალშობილებში სუნთქვის ცენტრის დათრგუნვის მოსახსნელად, რომელიც გამოწვეულია ნარკოტიკების შეყვანით მშობიარობის დროს;
  • სუნთქვის ცენტრის დათრგუნვის მიზეზების დიაგნოსტირებისათვის.

მიღების წესი და დოზირება:

პრეპარატი გამოიყენება კუნთებში, კანქვეშ, საჭიროების შემთხვევაში კი ინტრავენურად.

ნარკოტიკული ნივთიერებების ჭარბი დოზირების შემთხვევაში, ნალოქსონი გამოიყენება დაყოფილ დოზებად, ავადმყოფების მდგომარეობის, გამოყენებული დოზის, ოპიოიდის სახის და ექიმის გამოცდილების მიხედვით.

მოზარდებში: პრეპარატის საწყისი დოზა შეადგენს ჩვეულებრივ 0.4 მგ (ერთი ამპულა) კუნთებში, კანქვეშ ან ინტრავენურად. საჭიროების შემთხვევაში შესაძლებელია ინექციის გამეორება ყოველ 2-3 წუთში, აგონისტური სიმპტომების გაქრობამდე.

ბავშვებში: პრეპარატის საწყისი დოზა შეადგენს 0.005-0.01 მგ/კგ/წონაზე. როგორც მოზარდებში ასევე ბავშვებში, შესაძლებელია დოზის განმეორება.

პოსტოპერაციული მდგომარეობა: ჩვეულებრივ მოზარდებში საწყისი დოზა შეადგენს 0.1-0.2 მგ ინტრავენურად, ბავშვებში- 0.001-0.002 მგ/კგ/წონაზე ინტრავენურად. დოზა შეიძლება განმეორდეს ყოველ 2-3 წუთში, სანამ პაციენტი არ გაიღვიძებს და არ აღდგება სუნთქვა, ტკივილის გარეშე. შემდგომში 1-2 საათის განმავლობაში და უფრო ხანგრძლივი დროით შესაძლებელია ნალოქსონის გამოყენება ინტრავენურად.

ახალშობილებში: პრეპარატის შეყვანამდე დარწმუნებული უნდა იყოთ, რომ სუნთქვის უქონლობის შემთხვევაში სასუნთქი გზები გამავალია. ახალშობილებში სუნთქვის დათრგუნვის მოსახსნელად, რომელიც გამოწვეულია ნარკოტიკების შეყვანით მშობიარობის დროს ნალოქსონი გამოიყენება კუნთებში, ინტრავენურად ან კანქვეშ 0.01 მგ/კგ/წონაზე. როგორც მოზარდებში, ასევე ბავშვებში, შესაძლებელია დოზის განმეორება.

! შენიშვნა: ნალოქსონი არ მოქმედებს სუნთქვის დათრგუნვაზე, რომელიც გამოწვეულია არა ნარკოტიკული ნივთიერებებით.

გვერდითი მოვლენები:

ზოგიერთ შემთხვევაში აღინიშნება ფსიქომოტორული აგზნება (კანკალი, ტაქიკარდია, გაძლიერებული ოფლიანობა), აგრეთვე გულისრევა და პირღებინება. ეს სიმპტომები მორფინის წარმოებულის სწრაფი ანტაგონიზმის ზეგავლენის შედეგია.

უკუჩვენებები:

* პრეპარატი უკუნაჩვენებია მის მიმართ მომატებული მგრძნობელობის დროს.

* ქრონიკული ნარკომანიით დაავადებულებში, პრეპარატმა შეიძლება გამოიწვიოს მწვავე აბსტინენციის სინდრომის განვითარება.

* ტკივილის დროს არ არის რეკომენდირებული ნალოქსონის გამოყენება ნარკოტიკულ ნივთიერებებთან კომბინირებისათვის.

შენახვის პირობები:

პრეპარატი ინახება 15-250C ტემპერატურაზე, სინათლისაგან დაცულ, და ბავშვებისათვის მიუწვდომელ ადგილას.

ვარგისიანობის ვადა: 4 წელი.

დიეტოლოგია
დასავლეთ ავსტრალიის უნივერსიტეტის თანამშრომლები დარწმუნებულები არიან, რომ ფინჯანი ჩაის ან ერთი
ექსპერტებმა დაასახელეს ბადრიჯანის სასარგებლო თვისებები, რის გამოც ის აუცილებლად უნდა ჩართოთ საკვებ რაციონში.
ნიუ-იორკის ბინგემტონის უნივერსიტეტის მეცნიერებმა დაასკვნეს, რომ ადამიანს ახალგაზრდობაში უფრო მეტად ესაჭიროება
ალოე ვერა განსაკუთრებული თვისებების მქონე მარადმწვანე მცენარეა. მისი სამშობლო აფრიკაა, თუმცა დღეს ის უამრავ რეგიონშია გავრცელებული.
სადღეისოდ ასეთი კრემების ასორტიმენტი საკმაოდ ფართოა. ხშირად არც კი ვიცით, რომელი ხაზის კრემი უფრო მიესადაგება ჩვენს კანს.
სამწუხაროდ, ბოლო ათწლეულის მანძილზე ალერგიული დაავადებებით, მათ შორის - ბრონქული ასთმით დაავადებულთა
დღევანდელი ცხოვრების რიტმი, მძიმე ეკოლოგიური გარემო, კვების თავისებურებები განაპირობებს სხვადასხვა პათოლოგიის
+
გახდი რეკომენდებული ექიმი
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
გახდი რეკომენდებული კლინიკა
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
შეტყობინება წარმატებით გაიგზავნა !
მკურნალის რედაქცია დაგიკავშირდებათ ტექნიკური დეტალების შესათანხმებლად