დალაცინი - მკურნალი.გე

რუბრიკები

ოჯახის მკურნალის ანონსი

ივლისი 2019
დალაცინი - DALACIN - ДАЛАЦИН

საერთაშორისო დასახელება:

CLINDAMYCIN

მწარმოებელი: PHARMACIA & UPJOHN, ა.შ.შ.

მოქმედი ნივთიერება: კლინდამიცინი

კლინიკურ-ფარმაკოლოგიური ჯგუფი:

ლინკოზამიდების ჯგუფის ანტიბიოტიკი ადგილობრივი გამოყენებისთვის გინეკოლოგიაში.

შემადგენლობა და გამოშვების ფორმა:

ვაგინალური კრემი 2%: ტუბში 20 გ

1 გ

კლინდამიცინი................        20 მგ

ფარმაკოლოგიური თვისებები:

დალაცინის აქტიური ნივთიერება კლინდამიცინი წარმოადგენს ლინკოზამიდების ჯგუფის ანტიბიოტიკს, რომელიც თრგუნავს მიკრობის უჯრედში ცილის სინთეზს, რიბოსომების 50-S სუბერთეულზე ზემოქმედებით. იგი ავლენს ბაქტერიოსტატულ, ხოლო შედარებით მაღალ დოზებში ზოგიერთი მიკროორგანიზმების მიმართ - ბაქტერიოციდულ მოქმედებას.

პრეპარატი აქტიურია იმ მიკროორგანიზმების მიმართ, რომლებიც იწვევენ ვაგინოზებს: Gardnerella vaginalis, Mobiluncus spp., Bacteroides spp., Mycoplasma hominis, Peptostreptococcus spp. დალაცინი არ არის აქტიური Trichomonas vaginalis და Candida albicans-ის მიმართ. დადგენილია მიკროორაგნიზმების ჯვარედინი მდგრადობა კლინდამიცინისა და ლინკომიცინის მიმართ.

ფარმაკოკინეტიკა:

5 გ დალაცინის ერთჯერადი ინტრავაგინალური შეყვანის შემთხვევაში (100 მგ კლინდამიცინი)  სისტემურ სისხლმიმოქცევაში რეზორბცირდება საშუალოდ შეყვანილი დოზის 4%. სისხლის პლაზმაში კლინდამიცინის მაქსიმალური კონცენტრაცია შეადგენს საშუალოდ 20 მგ/მლ.

ჩვენებები:

ბაქტერიული ვაგინოზების მკურნალობა, რომლებიც მგრძნობიარენი არიან პრეპარატის მიმართ.

მიღების წესები და დოზირება:

ერთჯერადი დოზა (სავსე აპლიკატორი) რეკომენდებულია ძილის წინ შევიყვანოთ საშოში. მკურნალობის კურსი შეადგენს 3 დღეს.

გვერდითი მოვლენები:

სასქესო ორგანოების მხრივ: ცერვიციტი, ვაგინიტი, ვულვის გაღიზიანება.

კუჭ-ნაწლავის და ღვიძლის მხრივ: შესაძლოა ეპიგასტრალურ მიდამოში ტკივილი, გულისრევა, ღებინება, დიარეა, ყაბზობა.

ცნს-ის მხრივ: თავბრუსხვევა, თავის ტკივილი

ალერგიული რეაქციები: კანზე გამონაყარი, ურტიკარია.

სხვადასხვა: აღწერილია სუპერინფექციის განვითარების შემთხვევები. არსებობს მონაცემები სოკოვანი ვაგინიტის წარმოშობის შესახებ.

უკუჩვენებები:

*კლინდამიცინის ან ლინკომიცინის მიმართ მომატებული მგრძნობელობა.

განსაკუთრებული მითითებები:

პრეპარატის გამოყენებისას მოსალოდნელია კლინდამიცინის სისტემური რეზორბცია. დალაცინით მკურნალობის შემთხვევაში, გამოხატული ან ხანგრძლივი დიარეა შესაძლებელია მიუთითებდეს ფსევდომემბრანული კოლიტის განვითარების შესახებ.

ორსულობის I ტრიმესტრში ვაგინალური კრემი გამოიყენება მხოლოდ აუცილებელი ჩვენების მიხედვით. კლინიკური კვლევის შედეგად დადგინდა, რომ პრეპარატის გამოყენება ორსულობის II და III ტრიმესტრში არ იწვევს რაიმე პათოლოგიურ ცვლილებებს.

ლაქტაციის პერიოდში პრეპარატი გამოიყენება მხოლოდ აუცილებელი საჭიროების მიხედვით. არ არის რეკომენდებული პრეპარატის ერთდროული გამოყენება სხვა ინტრავაგინალურ საშუალებებთან.

სხვა წამლებთან ურთიერთქმედება:

დალაცინისა და ერითრომიცინის ერთდროული გამოყენებისას აღინიშნება ანტაგონისტური ურთიერთქმედება.

შენახვის პირობები:

პრეპარატი ინახება გრილ, სინათლისა და ბავშვებისაგან დაცულ ადგილას.

ვარგისიანობის ვადა: 5 წელი.

 

დიეტოლოგია
დიეტური კვება აუმჯობესებს ნაწლავის პერისტალტიკას და უზრუნველყოფს მის დროულ დაცლას;
წონის კორექციის მსურველებს დიეტოლოგები რამდენიმე რჩევას აძლევენ - არ შეიძლება ისეთი აბებისა თუ
მკვლევარებმა შეადარეს ეფექტი, რომელსაც დაბალი და მაღალი ენერგეტიკული სიმკვრივის პროდუქტები მადასა
ბალახეული ნაყენები: ბალახეულ ნაყენებს ორგვარად - ცხელი და ცივი მეთოდით - ამზადებენ. ცივი მეთოდი ასეთია: ნედლეულს
ბებიაჩემი გამუდმებით ჩამჩიჩინებს, რომ კანი კოსმეტიკით არ უნდა გადავტვირთო, რომ კონსერვანტები ზამთარშიც ეყოფა, ახლა კი დასვენება და ცოცხალი ვიტამინები სჭირდება. მართლა ასეა თუ არა?


ბაღი ნამდვილად ყველა სახლს დაამშვენებს. ბაღიან ეზოში დასვენება, განტვირთვა ძალიან სასიამოვნო და სასარგებლოა.
აღმოსავლელი მკურნალები გვირჩევენ:

კვების სიბრძნე
+
გახდი რეკომენდებული ექიმი
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
გახდი რეკომენდებული კლინიკა
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
შეტყობინება წარმატებით გაიგზავნა !
მკურნალის რედაქცია დაგიკავშირდებათ ტექნიკური დეტალების შესათანხმებლად