აბიტაქსელი - მკურნალი.გე

რუბრიკები

ოჯახის მკურნალის ანონსი

ივლისი 2019
აბიტაქსელი - ABITAXEL - АБИТАКСЕЛ

ფორმა, შეფუთვა: ბლანტი, გამჭვირვალე, უფერული ან ოდნავ მოყვითალო ინფუზორული (გადასასხმელი) ხსნარის მოსამზადებელი კონცენტრატი. 30 მგ-იან ფლაკონში ასხია 5 მლ (1 მლ შეიცავს 6 მგ აქტიურ ნივთიერებას) ან 100 მგ ფლაკონში ასხია 16,7 მლ (1 მლ შეიცავს 6 მგ აქტიურ ნივთიერებას). ფლაკონი მოთავსებულია მუყაოს ყუთში.

აქტიური ნივთიერება: პაკლიტაქსელი

მწარმოებელი: Laboratorius GEMEPE/Laboratorio TUTEUR S.A.C.I.F.I.A., არგენტინა; TEBA ფარმაცევტული საწარმო LTD, ისრაელი.

კლინიკურ-ფარმაკოლოგიური ჯგუფი: სიმსივნის საწინააღმდეგო პრეპარატები.

საერთაშორისო არაპატენტირებული სახელწოდება: პაკლიტაქსელი

სინონიმები: ინტაქსელი, მიტოტაქსი, პაკლიტაქსი, პაკლიტაქსელ-ლენსი, პაკლიტაქსელ-ებევე, პაქსენი, ტაქსოლი, იუტაქსანი

ფარმაკოლოგიური მოქმედება და ფარმაკოკინეტიკა: მცენარეული წარმოშობის სიმსივნის საწინააღმდეგო პრეპარატი, რომელიც მიღებულია მცენარე Taxus baccata-სგან პოლისინთეზური გზით. ახასიათებს ციტოსტატიკური ანტიმიტოზური მოქმედება. ადვილად აღწევს და ადსორბირდება ქსოვილებში, გროვდება უპირატესად ღვიძლში, ელენთაში, კუჭქვეშა ჯირკვალში, კუჭში, ნაწლავებში, გულში, კუნთებში. 170 მგ/მ2 (და უფრო დიდი) დოზით შეყვანის შემთხვევაში სისხლის პლაზმაში მაქსიმალურ თერაპევტულ კონცენტრაციას 6-12 საათში აღწევს. გამოიყოფა უმთავრესად ნაღვლის, უმნიშვნელო ოდენობით - თირკმელების მეშვეობით. განმეორებითი ინფუზიის შემთხვევაში არ ახასიათებს კუმულაცია.

ჩვენება:

  • საკვერცხეების კიბო - პირველი (პლატინის პრეპარატებთან კომბინაცია) და მეორე ხაზის ქიმიოთერაპია, პროცესის პროგრესირება, პლატინის პრეპარატებისადმი რეზისტენტობა;
  • სარძევე ჯირკვლის კიბო (ანტრაციკლინებთან კომბინაცია, მათდამი რეზისტენტობის შემთხვევაში - მონოთერაპია);
  • ფილტვების არაწვრილუჯრედოვანი კიბო;
  • შარდის ბუშტის გარდამავალუჯრედოვანი კიბო, საყლაპავის კიბო, ლეიკემია, კაპოშის სარკომა შიდსით დაავადებულებში.

დოზირებისა და მიღების რეჟიმი: რეკომენდებული დოზაა 135-175 მგ/მ2. შეჰყავთ ვენაში სამ კვირაში ერთხელ, სამსაათიანი ან ოცდაოთხსაათიანი ინფუზიით. პრეპარატის დოზა და რეჟიმი შეირჩევა ინდივიდუალურას (ექიმმა უნდა იხელმძღვანელოს სპეციალიზებული ლიტეტარულის მონაცემებით). ხელახალი შეყვანა არ უნდა მოხდეს, ვიდრე ნეიტროფილების რაოდენობა - 1500/მკლ-ს, ხოლო თრომბოციტებისა 100 000/მკლ-ს მაინც არ მიაღწევს. მძიმე ნეიტროპენიის (ნეიტროფილების ოდენობა 7 დღის განმავლობაში ან უფრო მეტხანს 500/მკლ-ზე ნაკლებია) ან პერიფერიული ნევროპათიის მძიმე ფორმის შემთხვევაში მომდევნო დოზა 20%-ით უნდა შემცირდეს.

გამოიყენება როგორც მონოთერაპიისთვის, ისე სხვა პრეპარატებთან კომბინირებულად: საკვერცხეებისა და ფილტვების არაწვრილუჯრედული კიბოს დროს - ცისპლატინთან, სარძევე ჯირკვლის კიბოს დროს - დოქსორუბიცინთან. ცისპლატინთან კომბინაციის შემთხვევაში პირველად შეჰყავთ აბიტაქსელი, შემდეგ კი ცისპლატინი.

გვერდითი მოვლენები:
სისხლის წარმოქმნის მხრივ: ნეიტროპენია (შეიმჩნევა მე-4 ხარისხის ნეიტროპენია; ჩვეულებრივ, ვითარდება მე-8-11 დღეს, ნორმალიზდება 22-ე დღისთვის), თრომბოციტოპენია, ანემია, ძვლის ტვინის ფუნქციის დათრგუნვა;
გულ-სისხლძარღვთა სისტემის მხრივ: არტერიული ჰიპერტენზია, იშვიათად - არტერიული ჰიპოტენზია, ბრადიკარდია ან ტაქიკარდია, AV-ბლოკადა, ცვლილება ეკგ-ზე, ზემო კიდურების სისხლძარღვთა თრომბოზი, თრომბოფლებიტი;
სასუნთქი სისტემის მხრივ: ინტერსტიციული პნევმონია, ფილტვის არტერიის ემბოლია, ფილტვის ფიბროზი, სხივური პნევმონიტი (ავადმყოფებში, რომლებიც იტარებენ სხივურ თერაპიას);
ცენტრალური და პერიფერიული ნერვული სისტემების მხრივ: პარესთეზია, გრანდ მალ ტიპის გულყრები, ატაქსია, ენცეფალოპათია;
ვეგეტაციური ნერვული სისტემის მხრივ - ნევროპათია, რომელიც იწვევს ნაწლავების პარალიზურ გაუვალობასა და ორთოსტატიკურ ჰიპოტენზიას;
საჭმლის მომნელებელი სისტემის მხრივ: გულისრევა, ღებინება, დიარეა, მუკოზიტი, ნაწლავური გაუვალობა, ნაწლავის პერფორაცია, ჯორჯლის არტერიის თრომბოზი, იშემიური კოლიტი, ასტ-ს (ასპარტატამინოტრანფერაზა), ტუტე ფოსფატაზისა და ბილირუბინის დონის მატება სისხლის შრატში, ზოგ შემთხვევაში - ღვიძლის ნეკროზი და ღვიძლისმიერი ენცეფალოპათია;
ძვალკუნთოვანი სისტემის მხრივ: ართრალგია, მიალგია;
დერმატოლოგიური რეაქცია: ალოპეცია, იშვიათად - პიგმენტაციის დარღვევა;
ადგილობრივი რეაქცია: ინექციის ადგილას კანის შეშუპება, ტკივილი, ერითემა, ინდურაცია და პიგმენტაცია;
სხვა: ასთენია, საერთო სისუსტე.
გვერდითი ეფექტების სიხშირე და სიმკვეთრე დამოკიდებულია პრეპარატის დოზაზე.

უკუჩვენება:

  • ნეიტროფილების აბსოლუტური რიცხვი 1500/მკლ-ზე ნაკლებია;
  • ორსულობა;
  • ლაქტაცია;
  • მომეტებული მგრძნობელობა პაკლიტაქსელის ან პრეპარატის ნებისმიერი სხვა კომპონენტის  მიმართ.

განსაკუთრებული მითითებები: აბიტაქსელის ვენაში შეყვანა უნდა მოხდეს სიმსივნის საწინააღმდეგო პრეპარატების გამოყენებაში გამოცდილი ექიმის მეთვალყურეობით.
ვინაიდან ზემგრძნობელობითი რეაქცია აბიტაქსელის შეყვანის პირველ საათებში აღმოცენდება, ამ ხნის განმავლობაში საჭიროა ავადმყოფის სასიცოცხლო ფუნქციების კონტროლი. ჰიპერმგრძნობელობითი რეაქციის შემთხვევაში უნდა შეწყდეს პრეპარატის  გადასხმა და დაიწყოს სიმპტომური მკურნალობა, ამასთანავე, პრეპარატის ხელმეორედ შეყვანა რეკომენდებული არ არის. აბიტაქსელი წარმოადგენს ციტოტოქსიკურ ნივთიერებას, ამიტომ მასთან მუშაობის დროს აუცილებელია სიფრთხილე - ხელთათმანების გამოყენება, კანისა და ლორწოვანი გარსის პრეპარატთან კონტაქტის თავიდან აცილება. კანზე მოხვედრის შემთხვევაში მედიკამენტი გულდასმით უნდა ჩამოიბანოს საპნითა და წყლით, ლორწოვანზე (თვალი) მოხვედრის შემთხვევაში კი - დიდი ოდენობის წყლით. ვინაიდან არ არსებობს აბიტაქსელის ანტიდოტი, ზედოზირების თავიდან ასაცილებლად აუცილებელია პრეპარატის დოზის ზუსტად გამოთვლა.

ზედოზირება:
სიმპტომები: შესაძლოა, აღწერილი გვერდითი ეფექტები გაძლიერდეს.
მკურნალობა: სპეციფიკური ანტიდოტი არ არსებობს. ტარდება ორგანიზმის სასიცოცხლო ფუნქციების მონოთერაპია, სიმპტომური თერაპია.

სხვა წამლებთან ურთიერთქმედება: ცისპლაცინის შემდეგ აბიტაქსელის შეყვანა იწვევს პაკლიტაქსელის კლირენსის დაქვეითებას და მისი ტოქსიკურობის გაძლიერებას.
კეტოკონაზოლი იწვევს პაკლიტაქსელის მეტაბოლიზმს, ამიტომ აბიტაქსელთან ერთად ზედმიწევნითი სიფრთხილით უნდა დაინიშნოს.

შენახვის პირობები და გამოყენების ვადა: პრეპარატი უნდა ინახებოდეს მშრალ, სინათლისგან დაცულ ადგილას 150C-დან 250C-მდე ტემპერატურაზე. ვარგისია 2 წელი.
გახსნილი პრეპარატი ინახება 27 საათის განმავლობაში.

დიეტოლოგია
დიეტური კვება აუმჯობესებს ნაწლავის პერისტალტიკას და უზრუნველყოფს მის დროულ დაცლას;
წონის კორექციის მსურველებს დიეტოლოგები რამდენიმე რჩევას აძლევენ - არ შეიძლება ისეთი აბებისა თუ
მკვლევარებმა შეადარეს ეფექტი, რომელსაც დაბალი და მაღალი ენერგეტიკული სიმკვრივის პროდუქტები მადასა
ბალახეული ნაყენები: ბალახეულ ნაყენებს ორგვარად - ცხელი და ცივი მეთოდით - ამზადებენ. ცივი მეთოდი ასეთია: ნედლეულს
ბებიაჩემი გამუდმებით ჩამჩიჩინებს, რომ კანი კოსმეტიკით არ უნდა გადავტვირთო, რომ კონსერვანტები ზამთარშიც ეყოფა, ახლა კი დასვენება და ცოცხალი ვიტამინები სჭირდება. მართლა ასეა თუ არა?


ბაღი ნამდვილად ყველა სახლს დაამშვენებს. ბაღიან ეზოში დასვენება, განტვირთვა ძალიან სასიამოვნო და სასარგებლოა.
აღმოსავლელი მკურნალები გვირჩევენ:

კვების სიბრძნე
+
გახდი რეკომენდებული ექიმი
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
გახდი რეკომენდებული კლინიკა
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
შეტყობინება წარმატებით გაიგზავნა !
მკურნალის რედაქცია დაგიკავშირდებათ ტექნიკური დეტალების შესათანხმებლად